أنا مَليتْ أهدابيْ !!

مـجـمـوع الأوسـمـة · 01 Oct 2013, 09:10 AM

.
.
.

تشبهين ..!
صبح " عصفوره حزين " !
صبح يشبه في عيون الراحلين : الراحلين !
صبح يشبه وجه أمي ،
كف أمي ،
والحنين ..!
صبح يتنفّس ورى عيونك هواي ..
صبح لارحتي و( أنا ) ماني معاي ..
صبح آهات وتنهّات وأنين ..!
ألبسي ثوب الفراق وروحي غيبي ..!
واتركيني عند طيفك لاندهني .." ياحبيبي " !
ولا تجين ..!
قولي مات ..!
قولي عايش بالحياة .. ابلا حياة !
قولي جاني في صباح وصار " عصفوري " الحزين !

وطار عصفوري الحزين !!

.

.

.

واسمعي حزنه ، وترنيمة بكاه =واغفري له قلبه القاسي عليه ..
من مع جرحه ومن باقي معاه ؟=من يبي فرحه ومن باقي يبيه !؟
مرّ يندهلك مع النسمه .. لقاه !=ياسه البائس وتلّه من .. يديه !
وكل من مّر وسمعْه يقول آه = قال في تنهيدته ... الله عليه !!
طفلتي صبّي من احساسك حياه =وارجعي صبّي من الهيمان تيه ..
شاعرك لو ماكتب لك من قراه =والا من يفرق شعوره عن حكيه
قبل ( أحبك ) مالها داعي الشفاه =بعد ( أحبك ) مالها داعي الوجيه !

يا أحبابي ..!
أمانة مرّوا عيوني أنا مليت أهدابي !

.

.

.

ورى المنفى البعيـد إهناك يااحبابي =وصلت المُتعب المُنهك من احلامه ..
تمروني بقايا غيم ! ... والقابي =بقايا انسان مايدري عن .. ايامه ..
واخلّي ماورى بابي ورى بابي !=واخلّي ماورى الأحلام ... قدّامه ..
أدوّر وجه يشبه " ريحة اصحابي " !=أدوّر " موت " يرفع فيني الهامه ..!
أدوّر للـ حضور اللي يبي غيابي !=أدوّر للغياب اللي بكى .... عامه !!
أنا مليّت من " فيني " ومن " مابي " !=ومن تنهيدة الدفتر / .. من اقلامه !!
ومن وردة زهى في عطرها / كتابي !=ومن طفلة لها " جرحين " ! لوّامه !!
ومن عصفور لامرّ ... وتغنّابي ..!=ومن " مكسور " ماتجبر بي عظامه !!
ياأول من يمر الدمع بـ أهدابي !!=ياآخر من زرع "تنهيدة " .. آلامه !
تعال ارسم ملامح ضحكه لـ / نابي =وخذني لـ صبح ضاعت جرة اقدامه !!
تصفّح هالضلوع العوج / واقرابي !!=عيون أطفال ..مقهورة !... ومنضامه !!
انا مامت ّ لاجل القاك .... تحيا بي !=انا إنسان ماتت بيدك ........ أحلامه !!

.

.

.

وَطعمْ الموُتْ إِليّا منكْ صَرختْ وَ صرختكْ كَانتْ بليَّا صوُتْ !!

لـ آلأنيق [ بركَآت آلشمـّري ]

.