خلوني اصحابي

الأخوة الكرام
إداريّ وأعضاء شبكة الشدادين الرسميه
أسعد الله أوقاتكم بكل خير
أطرح على أنضاركم هذه القصيده المتواضعة للتواصل راجياً أن تحوز على اعجابكم وتغفرون لنا القصور
متمنين للجميع التوفيق والسداد والسلام عليكم ورحمة الله وبركاته

خلوني أصحابي بعد مانسوني=ماتنفع الذكرى بدون اعتبارات
ماضاقت الدنيا وهم عبروني=وماكبرت الهقوى وهم بانتظارات
وقت الشدايد عمرهم مالقوني=وقت السعه كلا يحب الزيارات
تأخروا عن ماقفي واحتروني=يوم انتها الواجب بوقت الوقوعات
ماتحسب الحزات راحوا وجوني=بسرور وقتي والعدم بالمضرات
اللي يبيعوني بدى ماشروني=واللي يغروني يفرون الاوقات
والمستحيل ان جابهم وادركوني=اثرى من الصدفه خيار العبارات
ماجوا وهم قدامها مارضوني=الالهم برضاي فالوقت حاجات
وماهم مضليني ولامن هدوني=اللي يوروني دروب المتاهات
لاغضبتهم بالمنطلق جرموني=ولارضيتهم ماني مريح بالاهات
ونسيانهم لاصدقواكفروني=يسمح لي أنساهم واذكربساعات
الصحبه اللي حقهم ترجموني=ترجمتهم بالفاتحه والتحيات
وللي خذوه أقل مماعطوني=لاجيت اقدرها بحجم الكرامات

هلابك شاعرنا المخضرم
قصيدة في غاية الجمال والابداع
وكلماته ومعانيه رائعه وهلابك وهلا بجديدك
تقديري وشكري

هلا ومرحبا ياجزل

صح لسانك ولاهنت قصيدة جزله

الله يعطيك العافيه والصحه

تقبل مروري

حياك أخوي
صح لسانك ملايين
ولاهنت كل الشكر والتقدير

يا هلا والله وألف مرحبا
بشاعرنا الغالي أبو محمد
طبت وطاب حضورك
وبيض الله وجهك على تواجدك بكل جميل ومميز
وصح لسانك ملايين

صح منطووقك ع جملة الابيات

مكثورالخيرع نسج حرووفك

كون بخير

سلمت ولا ندمت يا أبو محمد
والله يجعلك على الطيب والعلم
الغانم اليوم ودوم وصح لسانك

طاب حالك وزان فالك
وما فيك حيلة يا جزل البيان
ما قصرت يا بعدي وصح لسانك

		المشاركة الأصلية بواسطة : نورة اقتباس
	هلابك شاعرنا المخضرم قصيدة في غاية الجمال والابداع وكلماته ومعانيه رائعه وهلابك وهلا بجديدك تقديري وشكري

الأخت نوره
ابقاك الله وعافاك
لاهنتي ولاهان داعيك يابنت الاجواد
شكر على الاطراء العطر والمرورالزاكي
تقبلي خالص
تحيـــــــــــــــــــــــــــــــــــــاتي

		المشاركة الأصلية بواسطة : برق الشدادين اقتباس
	هلا ومرحبا ياجزل صح لسانك ولاهنت قصيدة جزله الله يعطيك العافيه والصحه تقبل مروري

اخوي
برق الشدادين
صح بدنك وسلمت يالغالي
شكر على الاطراء العطر والمرورالزاكي
تفضل بقبول خالص
تحياتي