فعول الشدادين

مـجـمـوع الأوسـمـة · توقيع : أحمد الشدادي

السلام عليكم ورحمة الله وبركاته

اعضاء وزوار شبكة الشدادين قصيده لها موقف وهي تحكي عن نفسها اتمنى ان ترتقي بذوائقكم الرفيعه

الشعر وهبه والقصايد براهين=و شعرٍ بلا وهبه يروح مستاوي
نتعب على اللي لا قروه الذهينين=تلعب طرب والذيب فا الرجم عاوي
اسوق جزل الشعر ما قلت من وين؟=دربـي وانا عقب التجارب رهاوي
يا هييه يا منكر فعول الشدادين=نفسك مريضه مالك الا المداوي
يعطيك في راسك من الميسم اثنين=تشوف دربك كل ما جيت ضاوي
وان كان ما فاد المعالج بعد حين=تذكر فعول مزبنين الجلاوي
ربعي هل الوقفات مثل الشياهين=لا ثارت الهيجاء تخلف الهقاوي
صغيررنا يرهب كبار السلاطين=و كبيررنا يرعـب بصوت الخطاوي
لا من عطو وادي تهج الشياطين=تجيك تصفق مثل سيلٍ نحاوي
ما تنطح الا من يدك الميادين=اهل العزاوي محتمين الحكاوي
تصطى مثل ( صدام ) فا الماقف الشين=و تقدم مثل ( عنتر ) حليف النداوي
وان جيت للمدات لا ( تغضي العين )=مداتهم تبرى العليل الشقاوي
كم بنت شيخٍ لا طرى الها الشدادين=على الشرف ياهي تسوق المناوي
تدري ولدها لا بدى العلم علمين=يقنب مثل ذيبٍ من الجوع طاوي
ياخذ ( حقوقه ) وافيه يوفي الدين=ولصاحبه لا من زهم له فداوي
ماهو بعيّه يخبص الشين فا الزين=يبخص حقوق القوم دايم عماوي
والناس فيهم من رجح با الموازين=افعالهم يشهد بها كل راوي
ما ننكر افعال الرجال المسمين=اهل الوفاء والطيب واهل العزاوي
و لاينكر فعول الرجاجيل طيبين=الا متبّع لا بسات الغطاوي

وسلامتكم جميع ,,