أبشري

إسمحي لي وابْسِطي راحة يمينك=وان خذلْتك جِعْلَها تقْطَع يديني !
يَشْهَد اللي عَزِّني باحلى سنينك=ما عطيتك من رخا .. لا تظْلميني !
نفْسي احْرِمْها ولا غيري يهينك=فِدْوِتِك روحي وْما تمْلك يميني . !
مِدِّي كْفوفك أبي لمْسة يدينك=من عطايا ربّك الخالق عطيني . !
واطْردي خوفك ورى صحْوة يقينك=ليتها تبْطي على شانك سنيني . !
قلْت [ احبك ] وانْهمر مكنون عينك=إرْتعش في داخلك قلب ٍ يبيني .. !
ذابت حْروفي على جمْرة حنينك=كيف ابسْلى وانتي دْموعي وعيني ؟
كنّك الدنيا وانا كنّي سجينك =كلّما يِطْلَق سراحي تسْجنيني . . !
إبْشري باللي مضى بيني وبينك=إنّي ارْوي بالوفا تربة حنيني !
واسْعدك جعْل السعد يسْكن جبينك=واكتب الزبده على صفحة جبيني !
إنّك اكبر واني بْكبْري رهينك=وانْ نويت اشْره عليك تْسامحيني !
إذكري دامي على الذكرى عوينك=يومك بنشْوة غرامي تجرحيني !
واسْمعي جرح ٍ برى ماقال وينك ؟=وانتي جْروحك برَت من راحتيني !
غيرها كلمة ( حبيبي ) لو تدينك=وش يدينك وانتي اصلا تعشقيني !
وان سألْتك أرْتجي عطْفك ولينك=من على خطّ البدايات انتهيني !

من جد قصيدة أكثر من رائعة
سلمتِ يالغالية على الايراد
والله يعطيكِ العافية : )

وش هذا الجمال ..
شكراً لايرادها وقواكِ الله ..

صح السان قايلها ولاهنتِ مزيج
والله يحييك

قصيدة أكثر من رائعة

يعطيكِ العافية 
 

قصيده رائعه

تسلم يمناك

الله لايحرمنا من ابداعك

.

واطْردي خوفك ورى صحْوة يقينك
واطْردي خوفك ورى صحْوة يقينك
واطْردي خوفك ورى صحْوة يقينك

أَهلاً بـ/ الحيَاة وَ مَزيِجُها وَ أهلاً بِما إخترتيْ يَ أنيقَّة صَّح الله
بوُح شَاعرهَا وَ سَلِمْ ذوُقكِ الوارفْ لروُحكْ السَعادة

تسلمين والله يا مزيج
والله يعافيك ويردك لنا بالسلامة
ألف شكر لك ولطيب مشاركاتك

مزيج
تسلمين على الانتقاء الاكثر من روعه
يعطيييك العافيه

تسلمين والله وَ ربي يبقيك ياراقية ..