جرّاح العيون

حيّالله اللي لا تمثّل ينصتون=شاعر وتعرفك الليالي لا سريت
القدر للغانم يكون اللي يكون=يكرم واسخّر له هجوسي كمبليت
لايق لك البيرق زها فوق المتون=في ماقف دونه تمثلّت ووفيت
جزله على جزله وقيفان وشجون=ترجح على بعض القصيد بكل بيت
الفال ياوجه السعد غرّ المزون=في ماقف دونه تمثّلت وبديت
تحدا بنا سود الليالي بالركون=ويحداك من حولك يحد وماانحديت
طب الكبود ان لافها حرق وطعون=طبّي وطبّك لا كويت وماانكويت
فال الدسم وسمانها فوق الصحون=غير العصاير والحلا والبسكويت
ياصقر في مرقاك لا ترضى بدون=ان قام حضّك مايبيعك لا شريت
القدر عالي لك وسجلني زبون=منشا الحيا والغيث يروي وارتويت
ياما تعمّدت احتريك ولا تهون=وياكم لروشتة معاليك احتريت
مايبلش الجرّاح في طب العيون=واكبر همومه هل رأيت اومارأيت
النحت نقشه بالصخر لو يعلمون=كم لي وانا اكتب وانت شاهدت وقريت
فالبحر من دون السفينه يغرقون=مامن رمي واصيب وانا مارميت
تنساق للميصال ماارمشت الجفون=حتّى تحقق بالاصابه ماهقيت
يالله وبسم الله بلا شك وضنون=والعمر فاني وانته انت بما حويت
وش لي وللي للصواب يعارضون=عذري يالوّامي عديت وما اعتديت
واللي دله ضرف الليالي والشطون=يدري ومعذاره تصدّق مادريت
افطن ولو بعض العرب مايفطنون=واعرف دروبي لن حكيت اوما حكيت
جملة لسان الحال هونها تهون=واقنص على فكسار والا بسكليت

.



وَ حيالله سفيِر القَافْ وَ قيفَانه !
هَلا وَ مَسهلا سفيِر الشِعر وَ َجَزلْ المَعنىَّ وَ المبنىَّ
وَ حيْ هـ / الفَاخرَّة وَ عدَّاكْ العيِبْ يَ وافيْ الحضوُر وَ العطاءْ
صَّح الله بوُحكْ وَ يسلَّمْ بنَانكْ وَ يعيِشْ إِحساسكْ الزاخِر دوُماً


# إِعتلَّتْ الثُريَّا وَ وِشمَّتْ بالتميَّز
وَ حيثُ مِنصَّة التَنبيهَاتْ سـَ تتبختَّر !

القدر للغانم وحنا غنيمتنا هالقصيدة الجزلة
وخله يقنص ع الفكسار وش له بالبسكليت
عسى الله يقوم حض كل من طاح حضه ..
أبدعت ي سفير وشاعر بنسج هالقصيدة
وأمتعتنا وصح لسانك مليون ولايسدون .

مبدع من أول حرف قريته لك ياسفير الشعر
صح كلك

الله الله
طيب ورقي وابداع يا أبو فهد

كفو والله يا شاعرنا
والله يبيض وجهك على كل علمٍ غانم
ولا هنت وصح لسانك

الـفـال يـاوجـه السـعـد غــرّ الـمــزون
فـــي مـاقــف دونـــه تمـثّـلـت وبـديــت
***
***
فـال الدسـم وسمانهـا فـوق الصحـون
غـيـر العصـايـر والـحـلا والبسكـويـت

صح لسانك ياسفير
ومايستاهل المدح غير الطيب والكفو

صح لسانك وعساك على القوة يا سفير وشاعر

قصيدة جزلة

صح لسانك

وعلا شانك أخوي

ولاهنت ع القصيدة الجزلة

ما شاء الله
صح لسانك شاعرنا
ابيات القصيدة رائعة

*

صح لسانك والله يعطيك العافيه