الحمد للي ستره بكل الأحوال

الحمد للي ستره بكل الاحوال=ولااحد بميت كلنا خابرينا
بس القهر والغبن فالقلب لاشال=في داخله صدمه من الي يجينا
صعبه يذوق الزاد ويروق البال=ومثلك مخلينا من الجاهلينا
تجاهلك من شغل والاا من أعمال =والعذر كان أول وسيله لدينا
وشلون هنا عندكم لجل الأموال =وشلون لو صابه مصيبه حدينا
ياشين فعل الوقت فينا اذا مال =ويشين دوراته بكل االسنينا
يجييك من خبث العرب زين الأقوال =ويجيك قبح الهرج من طيبينا
الحق مآ يزعل منه غير الانذال =وانا اقوله دام االه سامعينا
لو أنك الي في مكاني والازوال=مواقف ماهيب تحسد علينا
لقضي لزومك غصب وأطيب الفال =لوانهاا ماهيب هنا في يدينا
خابرك مثل المزن والمزن همال =تملى عيون اللي بها طامعينا
وخابرك مثل السيل ياخوك لاسال =تروي ضمى منهم عنه مبطيينا
ياخوك هذا الوقت بالذات مختال=وشلون طعت الوقت ياخوك فينا

ابو نايش
جزل ﻻهنت على هالقصيدة الطيبة

كلمات كتبت بماء الذهب شاعرنا اعجبتني لله درك

هلا بك ولا هنت يا شاعرنا العزيز
أبو نايش
والله يبيض وجهك ويرفع قدرك
ما قصرت وصح لسانك

صحة ابدانكم جميع وشكراً لكم ولمروركم الجميل

صح لسانك
ولا هنت أخوي
كل الشكر والتقدير