يَا مَا حَلا وَالنَار يِضوُيْ لَهبها

		المشاركة الأصلية بواسطة : بحة خفوق اقتباس
	الله الله عالفكره روووعه بصراحه شوقتينا نلملم العفش ونكشت>>>تبي تطلع الحين عواااافي ي الغلاااا على الموضوع الروعه واكيييد راح اترك بصمه هنااااا لك

هَلا فيكِْ بحَّة خَفوُقْ ’ يعَافيكِْ وَ يخليِكِْ إِكشتيْ عندنَا
هِنا تَرىْ بوهـ كل وَسَائِل الكشتَّة الكشخَّة

.
.



أبداً أبداً مَاتشجعوُنْ كِلْ ذا بخلْ . . ؟! قَسم بِالله مَاقِلنا عَلقوُا الذبيِحة وَ لا إِقنصوُا حبَارىْ

.
.

متى تبي تذعـذع هبـوب الشمالـي = وتبدأ مطاليـع المـزون الثقيـلات
بروقهن من تحـت لهـن إشتعالـي = وحس الرعد فيهن يجلجل بالأصوات
ياالله يـاربّ علـى النـاس والـي = ياعالـمٍ كـل الأمـور الخفـيّـات
نرجيـك ياسامـع دبيـب النمالـي = ترسل علينا مـن تواليـك رحمـات
يمّـك رفعنـا صوتنـا بالسـؤالـي = يوم إبتدأ الوسمي وجالـه علامـات
إسق الديـار الدارسـات المحالـي = وإحيي الدعوب اليابسـات السنيّـات
هنـاك أبستانـس ويرتـاح بالـي = وأشفق على نظم البيوت الجزيـلات
وهـي مناقعهـا سـواة اللـوالـي = تبرق وتعكس صورتك كالمرايـات
وعقب التمشي جيت فـي دوّ خالـي = تسورب شغيّاته كما زحـف حيّـات
وأوقدت لك بالرمـث نـارٍ تلالـي = ريحة ندا رمثـه تفـوق البخـورات
وفرشت من حوله ثـلاث الزوالـي = اللي على الجالس تفصّـل مقاسـات
وصفّيـت فيهـا مهدفـات الدلالـي = وضبطت بالبن اليماني لـك إسـواة
وفنجال شايٍ خـادر اللـون حالـي = مثـل الدعايـه لاتذوّقـتْ رشفـات
ومعك من الربـع القـروم العيالـي = إثنين بالحِسبـه ..وبالفعـل ميّـات

.
.

يرتاح بال اللي المشاكل تباريه = والبر يجعل شايل الهم ينساه
ويازين شوف الروض والغيث واطيه = ريح النفل مع الخزاما تعداه
ويا ماحلى شوف القطا في مفاليه = مع الصباح وزاهي الروض غطاه
في صحبة لاشافت الصيد ترميه = نصفه غداء والنصف لاخر تعشاه
ويا ماحلى شوف الهدد وانت راعيه = في تختخ راعي الغنم ما توطاه
والصيد مد الريش والصقر حاديه = يبغى النجاه ولحقه الصقرممداه
وحولبه القرناس من فوق فاريه = الريش طار وقامت الريح تذراه
والجمر شب وفوقه الصيد نشويه = هاذي طرات العمر وهاذي حلاياه

فكره رائعه يا سوير ..

والله يعطيك العافيه ..
وان شاء الله لنا عوده بالمشاركة في الموضوع

.

لا ضاق صدري رحت للبر حطاب = وشبيت ناري في صحاري خلاها
وسط الفياض اللي بها أزهار وأعشاب = ريح الخزامى فايح(ن) في مساها
استرجع الذكرى على رأس مرقاب = وأرسم لقلبي صورة(ن) ما نساها
دنياك تلبس لك عبايه وجلباب = وتخفي غدر سود الليال وجفاها
شفت القمر يوم اكتمل صار جذاب = نور ليال(ن) مظلمه في سماها
ترى العمر مثل القمر طل ثم غاب = أغنم حياتك لا تكدر صفاها
حافظ على الطاعه قبل يقفل الباب = ثم يتبين صحها من خطاها
اليوم فعل الطيب راعيه ما خاب = عند الرجال اللي بعيد(ن) مداها
الطيب يبقى يا فتى الجود لو شاب = في شجرة(ن) سيل المكارم سقاها
والبيت ما يبنى بلا أوتاد وأطناب = ومن لا بنى يسكن مذاري هواها

.

سارة
رائعة كروعة حضورك لطرحك العطر
فكرهـ حلوهـ وإن شاء الله يكون ألبوم وقصائد روعهـ
بتفاعل أعضائنا الكرآآم
وافر الشكر الموصول بعبقـ الفل النقي
لروحكـ النديهـ
دمتي بود

.
.

ياماحـلا المسـرى مـع طـلعة النـور = من قبل خيط الشمس يبدي شعاعـه
مع رفقـةٍ مافيهـم اللـي بـه قصـور = ربــعٍ تـربـوا بالـكـرم والشجـاعـه
كـل واحـدٍ فيهـم مجـرّب ومخـبـور = مـاشـاور الحـرمـه بـخـوة ربـاعــه
لا جــا لــزومٍ مايصـفـون بـالـدّور = كـلٍ بـذل مجهـود قــدر استطـاعـه
أميـرهـم يهـتـم بـالـرّاي والـشــور = دايــم يــدوّر ويــن راي الجمـاعـه
لا صرت عنده كنك بعش عصفـور = مابـاقـي الا يوكّـلـك فــي ذراعـــه
لاجيت اقول اسمه اسميـه منصـور = كـلٍ يعـرفـه مــن طـيـور البتـاعـه
شيل الشوازن والفشق معهم صقور = وحمام لا صـاروا طيـورك جواعـه
موترك جيبٍ خلفه العفـش مجـرور = يسوقـه اللـي خـاف ربــه وطـاعـه
وجمسٍ محمل ما ركب فيه مطيـور = هـو منـوة اللـي مـات قلبـه وباعـه
عفشـك مكـمّـل فـيـه زلٍ ومـاطـور = وبيتٍ من (القاضي) جديـدٍ شراعـه
وعـدة المطـبـخ بـيـن قــزٍ وتـنّـور = وحوايـج واغــراض فيـهـا نفـاعـه
ورز(المهيدب) مع سكاكين وقـدور = واحرص على الطبّاخ كمّـل متاعـه
ونـجـرٍ ومحـمـاسٍ ودلّــه ودافــور = وبـنٍ وتمـرٍ يـغـري الـلـي شبـاعـه
تنـزل بـروضٍ تـوّه اليـوم ممطـور = والغيم عقـب الشمـس تـم انقشاعـه
البـر حـولـك كـلـه ورود وزهــور = وقت الربيـع العشـب زاد ارتفاعـه
حتى الرمل تشتم له ريحـة عطـور = والقـاع خضـرا كـن فيهـا زراعــه
معك خروفٍ مايبي ضرب صاطور = اذا ذبـحـتـه عـلّـقـه مـــن كـراعــه
احمـس بصيلـه والمعاليـق بالـفـور = من طعمه الجوعـان ياكـل صباعـه
من عقب هذا ما تبـي طـب دكتـور = كانك مريـضٍ صـار عنـدك مناعـه
حنّا بنعمه بـس تبـي حمـد وشكـور = وحفظ الصلاة الخمس ويّا الجماعه
ما تغتني لو تملـك المـال وقصـور = لا صرت مـا تملـك كنـوز القناعـه

.

.
.

زَهرتناْ ’ لروُحكِ زَهر الخُزامىْ وَ بإنتظاؤ عوُدتكِْ
بِنتنَا ’ حيّ هَلا بكْ يَ الغَلا لا عدمتْ حضوُركْ الدائِمْ
غَزالتنَا ’ هَلا فيكِْ وَ حضوُركِ وَ مُشاركتكْ لاهنتِْ

أمطـــرت والجــــو يا محــلا بـرادهـ = ذعذع الغربي معه يشموم شيح
في مكان ٍ يذهب الضيق إرتيادهـ = بالمطـــر والديم والبـــر الفسيـــح
تستطيب الروح وللنفس إستفادهـ = يبري ضيق الصدر لو ماهو شريح

بعض اللقطات من عدستي



شبة النار في هذا الجوء العليل
.
.




تحياتي لكم