|
||||||||||||||||||
((( 25,000,000 )))
يــا مـوتـري يـالـيـتـك الـيـوم نــاقـه=والاّ جمل وصفك مع الناس مزيون .بـ حـدّك لــسـوق الإبـل فـي رواقـه=وأبـيعك بــ (خمسة وعشرين) مليون ولـو كـان مـا تـسـوا ولا فيك طاقه=لـكـنـهـم يـا مــوتـري فـيـك يعطون أهـلكـتـني وأنـكرت حـق الصداقه=وأفـقـرتـني وأنا مـن سنين مديون كـنّـي عـدوْك وأنـت فـيـك الحماقه=أتعبتني والحال من دون في دون لـحـظـة شـريـتك وإبـتديـنا العـلاقه=كنّك تقول أهل الورش وش يسوون!؟ لــيــتك تــحــس وفيك طيب وشفاقه=وتـقـّدر أوضاع الــذي مــنك مغبون إلـيـا نوى يـاقف عــلى عظم ساقه=وعزّم عـلـى فـكسار فالبر مضمون يـبـغى طـراة الــعـمـر والإنــطـلاقه=ويسج مـع نــاسٍ يـروحون ويجون يذكر وش اللي عن هوى البال عاقه=ويصير بيـن أحلامه الغُبر مسجون كـأس الـمـرارة من عـنا الوقت ذاقه=ويــقــول يــا عــلّ الـمـتاهات بتهون وجــه الـشـبـه يــا مـدّعـي بــاللباقه=بين المُعاق ،، وبين من عاش محزون إنــه يــموووت ولا يــعـيـش الإعـاقه=وإني أمووت ولأقضي العمر مديون . . فواز البلاهدي الحارثي . . .
التعديل الأخير تم بواسطة خيال الشدادين ; 20 Jan 2012 الساعة 06:09 PM
|
16 Jan 2012, 02:04 AM | [ 2 ] | ||||||||
شاعر
|
رد: ((( 25,000,000 )))
صح السانك يافواز ابيات جزله من راس جزل تحياتي لك |
||||||||
|
|||||||||
16 Jan 2012, 02:05 AM | [ 3 ] | ||||||||||||||||||||||||||||||||||||||||||||||||
عضوة متميزة
|
رد: ((( 25,000,000 )))
وصح خدمت أجدادنا وعندي إحساس إن هذا تكريم لعمل النياق اللي اكرفوها البدو في الصحاري سنين وإلا ناقه تسوى ملايين عشان رقبتها طويله هذي رقبة بشار الأسد كنها زرافه ومايسوى قيمة حوار مو ناقه
ع أمل انتاجهم يصير فيه مزايين كل شي ممكن يصير بهالزمن اللي النياق أغلى من سعر البشر ,,,, صح لسانك ع القصيده اللي من قريتها وأنا ابتسم من تشبيهاتك تخيلت إني بأم رقيبه وأشوف الفكسارات ومزايين الإبل نصيحتي لك يافواز لاتمر طريق أم رقيبه أخاف موترك بعد سبك له يغار من النياق ويدعم له ناقه وإلا بعير وتصير مديون طول عمرك عاد دية النياق ملايين مو مثل دية الإنسان أبدعت والله في هـ القصيدة الجميلة وناطرين جديدك ~ |
||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||
16 Jan 2012, 11:30 AM | [ 4 ] | ||||||||
شاعر
|
رد: ((( 25,000,000 )))
لحظة شريتك وابتدينا العلاقه كنك تقول اهل الورش وش يسوون الله واكبر يابو فريحان عزالله انه الواقع الملموس لمن مر عليه مثل هالموتر صح لسانك ابداع ماهو غريب عليك يامبدع والله يعطيك الف عافيه تقبل تحياتي,,, |
||||||||
|
|||||||||
16 Jan 2012, 11:40 AM | [ 5 ] | ||||||||
|
رد: ((( 25,000,000 )))
::: صح لسسانك ملايين ياخوي وعلا شانك قصيدهـ رائعه لاهنت |
||||||||
|
|||||||||
20 Jan 2012, 05:52 PM | [ 6 ] | ||||||||||||||||||||||||||||
شاعر
|
رد: ((( 25,000,000 )))
مرورك اسعدني لا خلا ولا عدم تحياتي لسموك |
||||||||||||||||||||||||||||
20 Jan 2012, 06:10 PM | [ 7 ] | ||||||||
مراقب عام
|
رد: ((( 25,000,000 )))
فواز تسلم على هالقصيدة الطيبة طال حضك |
||||||||
|
|||||||||
20 Jan 2012, 06:55 PM | [ 8 ] | ||||||||
مؤسس شبكة الشدادين
|
رد: ((( 25,000,000 )))
حياك الله أخي وشاعرنا فواز البلاهدي لا هنت ولا هان غاليك وصح لسانك ملايين أعجبتني القصيدة وأعجبني تفاعل شاعرتنا ترف معها |
||||||||
|
|||||||||
23 Jan 2012, 01:36 PM | [ 9 ] | ||||||||
|
رد: ((( 25,000,000 )))
صـــــــــــــح لساانك مبدع وكفى |
||||||||
|
|||||||||
25 Jan 2012, 09:07 PM | [ 10 ] | |||||||
شاعر
|
رد: ((( 25,000,000 )))
صح لسانك يا فواز البلاهدي على القصيدة الرائعة والله يغنيك من عنده ويسهل أمرك ويجلي همك ويقضي دينك .. |
|||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|