آخر 10 مشاركات |
مختارات | الخطابة: العلم الحديث الذي استعاضوا به عن التنويم المغناطيسي |
|
||||||||||||||||||
الغزل ماهوب همي والشعر ماهوب همي
بسم الله الرحمن الرحيم السلام عليكم ورحمة الله وبركاته ومساكم الله بالخير جميعاً اولاً سامحونا على القصور وعلى الغيبه هذه القصيده قلتها بعد ماسمعت المساجله اللي بين الشاعرين فيصل بن زايد والشاعر فارس بن عايض وكانوا يتعوذون فيها من الناس اللي يتغزلون ومن الشعراء اللي يحبون الغزل فأ احرقني قلبي على محبين هذا الغرض وانا احدهم فحبيت اني اتلقف شوي آه من بعض الهواجس وآه من بعض التعمي=وآه من بعض الحمول اللي على ابن ادم ثقيله وآه ياجرحٍ من اسباب الهوى دايم مدمي=ماوجد له لاطبيب ولا علاج ولا وسيله نبهه فيصل بقافه واكمله فارس وتمي=وامسكوا بالعلم هذا عدةٍ اخطوطٍ طويله غربوه وشرقوبه لين صك بظلع صمي=والجبل من ينطحه ياهل الشجاعه عزتيله يوم فيصل شن حربه ثم خم العلم خمي=وايده فارس وقال ان الغزل مابه حصيله مير انا بقول علمي واسمعوا ياعيال عمي=لاتظنون الغزل دربٍ يودي للفشيله الغزل ماهوب عيب ولا حرام ولا مذمي=الغزل احلى غرض بالشعر ياصحاب الفضيله بس لامنه تحول للكلام اللي مرمي=في هذاه الحال يصبح شاعره راعي رذيله اما انا لامن جوي لملم الافكار لمي=ارضي اذواق العرب مادمت خيال الكحيله والغزل ماهوب همي والشعر ماهوب همي=بس اسلي خاطرٍ مهموم واحواله عليله همي ان الناس دايم تلفت الانظار يمي=ولازم ارضي ذايقتهم بالطواريق الجزيله راي ابن شلحاط مانع ياهل الطاله يهمي=وكلمةٍ جت من سعود الحارثي دايم كفيله تكفي الغربي طوال العمر والهرج استتمي=والسلام ختام ياهل الطايله واهل الجميله وسلامتكم الغربي
|
12 Mar 2009, 08:27 PM | [ 2 ] | ||||||||
شاعر
|
صح للسانك قصيدة جزل يا ابن عمي ........... |
||||||||
12 Mar 2009, 08:47 PM | [ 3 ] | ||||||||
مراقب عام
|
الغربي صح لسانك وبيض الله وجهك ياابو عبيد الله يوفقك والغزل بقصد الحب بالشعر والتحدث عنه مافيه شيء أما الغزل في الأسواق وفي مواقع التجمع منبوذ وحرام |
||||||||
|
|||||||||
12 Mar 2009, 08:52 PM | [ 4 ] | ||||||||
بيوكيميائية
|
,’ صح لسانك يالغربي مداخلتك جداً رائعة دافعت فيها عن اصحاب هذا الغرض من الشعر .. شكراً لك .. ,’ |
||||||||
|
|||||||||
12 Mar 2009, 10:14 PM | [ 5 ] | |||||||||||||||||||||||||||
شاعر
|
صح لسانك يالغربي وشوقتني آه يا أهل الشعر لا... بس أذكر الله ثم أسمي = عيش جو الشعر مع دكتور تحليل الفصيله استلم ياهووووه لك مررتها من تحت كمي =وفي فنون الشعر يادكتور لك باع ٍ طويله اركدوا مافاالهواء عذروب دام الرمي زمي = البلاء ..........اللي تاه من عدله لميله عن قواف الشعر يغني صمتنا ياعيال عمي=كلنا إخوان وعلى باب ٍ من أبواب القبيله بهذا أكتفي...!!!! وأعتذر عن مجارتك لكي لا تساء بي الظنون
|
|||||||||||||||||||||||||||
التعديل الأخير تم بواسطة تركي الشدادي ; 13 Mar 2009 الساعة 04:25 AM
|
||||||||||||||||||||||||||||
13 Mar 2009, 02:18 AM | [ 6 ] | ||||||||
شاعر
|
هلاااااااااااا ومرحبااااااااااااااا بالغربي
يالله انك تحييه معذور على الغيبه بس لاتطول وصح السانك ملايين قصيدة رائعه من شاعر رائع وصح السانك يابوغايب ابيات جميلة ولاهنتوا جميعاً |
||||||||
|
|||||||||
13 Mar 2009, 02:13 PM | [ 7 ] | ||||||||||||||||||||||||||||
شاعر
|
صح بدنك يارعد الجبوب
ولاهنت على مرورك المميز |
||||||||||||||||||||||||||||
13 Mar 2009, 08:24 PM | [ 8 ] | ||||||||
شاعر
|
الغزل ماهوب عيـب ولا حـرام ولا مذمـي
الغزل احلى غرض بالشعر ياصحاب الفضيله ( مهندس الحرف وفارس المفردة ) ( الغربي ) بيض الله وجهك وصح لسانك ,والغزل من أفضل أغراض الشعر ولكن من الطبيعي وعلى قولك في حدود الأدب . وعلى قول المثل الشعبي ( ما زاد من شي سمج ) لكن تبغى الحقيقة والله إنه رهيييب وجمييييل جداً. تقبل مروري دمت بخير ,,, |
||||||||
|
|||||||||
14 Mar 2009, 09:28 PM | [ 9 ] | |||||||
شاعر
|
أبو عبيد أبن عمنا وشاعرنا الراهي حياك الله ومرحبابك وصح لسانك يالغالي ومساجلتنا أنا وفارس بن عايض معانيها واضحة ومقاصدها معروفة ولا أعتقد بأنها تخفى عليك والغزل ما نقول فيه شي بل أنه غرض أساسي من أغراض الشعر الأساسية لكن إذا تحول شعر الغزل إلى وصف فاحش وعبارات بذيئة فهذه المصيبة وهذا ما نرفضه جميعاً وبالنسبة لقصيدتك فلا أقول سوى صح لسانك وبيض الله وجهك وأرجوا أن تعذرني من مجاراتك يابن العم وأكتفي بهذا البيت الذي قاله أبو عبدالله عن قواف الشعر يغني صمتنا ياعيال عمـي كلنا إخوان وعلى باب ٍ من أبـواب القبيلـه |
|||||||
|
||||||||
15 Mar 2009, 11:43 AM | [ 10 ] | |||||||
|
صح لسانك
الغربي يعطيك العافيه على هذه الابيات الجميله تقبل تصفحي |
|||||||
|
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قلبي ترى ماهوب جلسات شله | عيد الشدادي | بحور القوافي | 34 | 04 Mar 2012 04:08 AM |
لاهنت يادمعٍ | أبن مهرس Vip | قصائد مختارة | 5 | 02 May 2009 11:42 AM |
تفضل يا عبدالله الشدادي لاهنت | عقاب الشدادي | المحاورة والألغاز الشعرية | 6 | 06 Jun 2007 09:38 PM |
ابو فيصل اقرب لاهنت | عبدالله الشدادي | المحاورة والألغاز الشعرية | 23 | 31 Mar 2006 10:39 PM |
ماهوب منا | صيته | القسم العام | 10 | 07 Mar 2006 06:57 PM |
أدوات الموضوع | |
|