لسهم القصيد قصيدة وطنية بمناسبة

هذه القصيدة الوطنية قلتها لايضاح بعض الحقائق عن بلدي المملكة العربية السعودية
ومليكي المفدى الملك عبدالله ابن عبد العزير حفظه الله
وبمناسبة المصالحة العربية التي جرت اليوم في قمة الكويت الشقيقة

الجيل ألأول والوسط ثم هالجيل = فامن ورخى والحكم لاخوان نورة
بفضل ربي ثم فضل المشاكيل = وسياسة الحكام شور ومشورة
في ضل ابومتعب ملكنا وحلحيل = لاضاع شورالغير ماضاع شورة
ملك ملك ماهي دعاية وتظليل = سياسي(ن) محنك ولبوه صورة
قوي عزم وباس فالعدل والميل = حلحيل حلال الامور الجسورة
اليا ارتكى لمحوكمات الغرابيل = يقدح وقدحات الصطر ومخبورة
وفي دارنا مانستمع للعواذيل = اهل الخنى لاخالط الكذب زورة
بعض الدول حكامها في دجى ليل = حكام جهل وفي جهل ومعثورة
اخذو من الواقع دراسة وتحصيل = تاريخ دولتنا وباين سطورة
وسع الأفق بعد النظر فالتحاليل = هونهجنا حاضر وماضي عصورة
دستورنا القرآن ماعنه تبديل = والدين اساس الحكم لاخوان نورة
ودار غذتنا لين صرنا رياجيل = عنها العدو مدحور فالنحر شورة
عساك ياديرة هل الجيش والخيل = دايم على مر السنين معمورة

بقلم : سهم القصيد

		المشاركة الأصلية بواسطة : سهم القصيد اقتباس
	عساك ياديرة هل الجيش والخيل = دايم على مر السنين معمورة [flash=]width=400 height=350[/flash]

آمين

وصح لسانك ياسهم القصيد

صح بدنك يالعميمي وشكرا لمرورك
ودمت بصحة

ما شاء الله عليك يا أبو زياد
أحيي فيك وطنيتك الزائدة
وأشكرك على هذه القصيدة ولا هنت
وفي انتظار جديدك القادم

مشكوور يابوعبدالله
الله يحي نباك
شكرا على المرور والشرطة

دستورنا القـرآن ماعنـه تبديـل
والدين اساس الحكم لاخوان نورة
ودار غذتنا لين صرنـا رياجيـل
عنها العدو مدحور فالنحر شورة
عساك ياديرة هل الجيش والخيل
دايم على مر السنيـن معمـورة

صح لسانك يا أبو زياد

والله يحفظ بلدنا وسائر بلاد المسلمين

الله الله ياسهم القصيد

صح لسانك ولاهنت والله يعز اخوان نوره

تحياتي

آمين وصح بدنك يابوزايد
مشكور على مرورك
ودمت بصحة وعافية

امين
وصح بدنك يالغربي
وتقبل تحياتي

صح لسانك ياسهم القصيد وبيض الله وجهك