نسب قبيلة الجعدة من الطفحة ولمحة من تاريخهم

		المشاركة الأصلية بواسطة : ابوهشام اقتباس
	اخواني الكرام كفيتوا ووفيتوا ولاهنت يا سعود بن سليمان ولاهنت يا راس العرب ويجب الرد علية والتوضيح في منتدى العتبان والكاتب الغيث العتيبي سحب قصص وفعول ابن الحارث وسجلها للجعده منها قصيده هيا بنت مبارك ثم مقولة الشيخ طوير الساهر الحارثي (الطول في الدرب والكبرفي الزرب وانا طوير لسان وقلب )وهذة المقولة مشهورة جدا بين قبائل الجزيرة العربيه ومعروف قائلها حارثي وليس جعيد ومن النقص نسب افعال الرجال لرجال لم يفعلوها ولكن في هذا العصر ينطبق علية مثل كذبة اشعب اللتي كذبها فصدقها . وفي الختام الرجال لايلومونك في فعل قبيلتك اذا كانت صحيحه فمن لم يغلب من الرجال لايغلبهم والدهر دولتة سجال يوم لك ويوم عليك ولكن يلومونك بنسب افعال غيرك لك فهذا قمة النقص والله من وراء القصد.

حيالله أخوي ابوهشام

يجب أن يرد في منتدى العتبان .وتوضيح الحقائق .. لان الدعوى راحت سرق في سرق ..
.. أنا كتبت كتابه مطوله ....ولكنها ربما حصل فيها لخبطه ... أرجو ...من أحد المشرفين

تنسيق ماكتبت يكون هناك فهم للقاري ..لمعرفة الحقيقه ...ودمتم

بيض الله وجهك يا أبو عبدالعزيز ولا هنت على كل حرف كتبته ووضحته

فمثلك من الرجال من نعود إليهم لتوضيح الحقائق وكشف الشبهات

ولا أنسى أخوي المؤرخ الغالي رأس العرب

وما قام به من جهد جبار في سبيل توضيح مغالطات كثيرة ظهرت في

موضوع أخونا ابن سعدون ،،،، ويجب علينا كلنا كشف الشبهات في

منتديات عتيبة وغيرها من المنتديات.

وبالنسبة للتنسيق ازهله عندي رغم إنه والله بيتعبني بالحيل .

تم التعديل والتنسيق يا رأس العرب

ولا عاد تعودها تراك ذبحتنا ههههههههههههه

وبيض الله وجهك مدد بلا عدد فقد كفيت ووفيت .

الاخ سعود سليمان الحارثي بيض الله وجهك يابو عبدالعزيز ومايصح الا الصحيح ومشكور
على التوضيح الموثق بالادله سلمت يالغالي ودمت لنا ذخر

اخوي راس العرب بارك الله فيك وتشكر على كشف المغالطات ال يرتكبها البعض
الذين لا يعطون التاريخ حقه سلمت وسلمت يمينك يالغالي

		المشاركة الأصلية بواسطة : السلطان اقتباس
	تم التعديل والتنسيق يا رأس العرب ولا عاد تعودها تراك ذبحتنا ههههههههههههه وبيض الله وجهك مدد بلا عدد فقد كفيت ووفيت .

بيض الله وجك يابو عبدالله

والله يعنكم علي .. والمثل يقول ..كفاك الله شر .بدوي ..تحضر

هههههههه

تحياتي

السلام عليكم ورحمة الله وبركاته,,,

اخواني الكرام المهلي مايولي وعساكم سالمين وانا تراني بعيد عن النت ونادرا ما افضي وتوني اشوف الردود,,,,,,,,


يقول ضيف الله ابن تركي ابن حميد

الذم ما يهفي للأجواد ميزان ***** والمدح ما يرفع يدينن قصيرة

اول شي انا ضيف في منتداكم وهذي اول مشاركه لي معكم وكنت اتوقع يكون المرحبين اكثر من المناقشين بعكس اللي حصل و على ماقال الشاعر تركي الجعيد

الضيف اله كرمه وحشمه ومقدار **** لو كان باقي مطلبه مايناله

اخواني كل ديره فيها حقها من رجالها وانا اشوف بعض الردود فيها عصبيه زياده عن اللزوم كأني يوم امدح ربعي اني اذم غيرهم وهذا الكلام غير صحيح يقول الشاعر الشمري:

ماتلحق الشكات كود الرديين *** والا ترى الطيب وسيعن بطانه

وبعض الناس يحلل الموضوع ويرد حسب ضنه قبل يتأكد من كلامه ويراجع مصادره ويجي بعده واحد يطبل لخويه كأن خويه جايبن الغاديه مادرى ان خويه غادي

واكبر دليل قصيدة الشاعر/ ساعد بن مشيلح الجعيد اللي يقول فيها :

يقول الجعيد يرد من باله الغنا .........سوات العسل من طايلات الذوايبي
تعليت في المرقــاب والنور مابدا ..... شفا نايفن تصفق علي الهبـــــــايبي
واعذل على قلب من الـــــهم ينقلي .... واعذل على قلب همــــومه شبايبي
واعذل على صدر كما فـــايح البحر .... واسلي ضميري باللحون العجايبي
وانا هاض بالي صايحن جرنا عصر .... وجينا كما نــــون ٍ غزير السحايبي
ثعوله رصاص الهند والشابك الرعد .... ليا ثــــار من جرد المراود حطايبي
تناخوا عليهم عزوتي حزمة الظفر .... وولو كما جول الوحــــوش الهرايبي
على راس ابوهــــملا ليا رد وانثنى .... مضرا ً على الردات حــامي العقايبي
واخو نورة اللي يســـحق السم للعدا.... ليا منه حضر يكفي شبـــاب وشــايبي
سعود المسمى نور في ظلمة الدجى .... ليا صكت الظلما صدور الشـــــعايبي
والا ياطيور العرش حومي وعيدي..... على فطحة ابن عمير حامي الركايبي
ذيــاب الصدارة والمنـــاكب تعشته .... وذيب الشفـــا طارح عليه الرقـــــايبي
وتلقا دمي ٍ حاينه فاجرد الصفــــــا .... دمي النشاما في المحــــــاجي غرايبي

ذكر احد الأخوان ان القصيد محرفه وان ابو هملا هو اخو هملا الشيباني
ومدري على اي مصدر بنى كلامه والقصيده معروفه وقايلها الجعيد وابو هملا الجعيد فارس و ماله علاقه بالشيخ اخو هملا ليش الخلط واللا الدعوى مجرد مناقشه وجدال على غار سنع.

وبخصوص قصيدة عفنان والله ماجبناها من عندنا وظلم الأجواد مهوب زين وحنا عزنا بعلطان السلايل ماهو بالكلام وهذا كلام احد الرواه واحفاد عفنان معروفين وهم ادرى واذا فيه روايه ثانيه تنسب القصيدة للشاعره الشداديه مافيها شي انتم تعرفون البدو ماعندهم توثيق يعني بعض القصص والقصايد لها اكثر من روايه ولو عند الأخ الكريم المناقش اسلوب منطقي كان قال عندنا روايه تنسب القصيده للشداديه ومافي داعي لتكذيب الرجال علشان قصيده لا تودي ولا تأخر وكذلك سالفة الكبر في الزرب لأنه احتمال يكون لها اكثر من روايه وكلن نقلها حسب الراوي اللي اخذها منه ولا فيه سرق ولا احد عاقل يفخر بشي مهوب اله الا انسان جاهل واعوذ بالله ان اكون من الجاهلين وكلامنا وكلام كل القبايل ماهو قرأن منزل يعني ممكن يكون حصل وممكن لا بس اهم شي يكون مبني على رواية شايب وبدون تحريف او زياده

وانا حطيت في موضوع ثاني قصيده للشاعر المرحوم عوض الله بن رجا يعدد فيها فعول الجعده وفيها مدح للحرث وما ظلمهم حتى لو صار بينهم بعض المعارك في وقت الجهل واللي يتنومس بفعله هذا دلاله على قوة الخصم والا ماتنومسبه ويقول في بيت منها

وابن الحارث القوم العصاه *** اللي محد يلحق منهاه

والموضوع موجود في منتدى قبيلة الجعده واللي يبي يناقش يزورنا في منتدانا والله يحييكم اخوان وجيران والموضوع مايفسد للود قضيه اهم شي النوايا حسنه والعرب تفرح بفعل العرب وحنا نفرح بفعول الأجناب مهوب الأقراب والجيران وعنوان الموقع:



والله يحييكم يا عيال شداد في منتدى الجعدة

حياك الله يا ابن سعدون

بدون ما تاخذ في خاطرك مني ولا من ربعنا انا في حياتي ما سمعت تاريخ مشيد

للجعده يمكن فيهم رجال جيدين بمشاعيبهم بس

فروسيه شيخه واماره قويه مثل باقي قبائل عتيبه من برقا ما سمعنا


مثلاً

عندك الحمده من المقطه

مثل العلوات من العصمه

النفعه امثال مقعد الدهانه

مثل الفهيدات من الشيابين


يعني قبائل من عتيبه لها صيت وفعل ما حد يقدر يجحده

اما انتم يا الجعده والله ما قد سمعنا عنكم شي وحنا جيرانكم الاقرب فما بالك بالبعيد

على قول المثل ( حنا اهل قريه كلاً يعرف خيه )

كذلك التاريخ لم يقص عن الجعده لا في ماضي بعيد ولا قريب ان هناك اماره

وفروسيه لها وزنها مثل القبائل الاخرى .


واذا ارد ان تعرف الكثير عن جيرانك اقراء الكتب القديمه عن بني الحارث كان لها

اماره تمدة من جنوب الجزيره العربيه الى عمان والامارات

حتى حدود بغداد وكذلك الاردن وصلت ماعزي بني الحارث .

ولا اننسى تاريخ القبائل الثانيه التي امتدة في نجد والشمال امثال قبائل قحطان

سبيع وعتيبه وليس كل عتيبه .

وشمر وغيرها اما انتم لم نسمع عنكم شي قطعاً


ولم نسمع يوم ان فيه جعده غزوا نجد او طلعوا من ديارهم الى ديار اخرى .



فمن اين اتتكم هذي الفعول اللي تعدها .



ودمتم يا عيال العم على ارد

كذالك قوله سبعة شياطين ولا جعيد هاذي سبه وليست مدح لأنها تبين كثرة غدرهم وعدم امانهم وقائلها أحدالثبتة

الأخوة الأعضاء كفيتوا ووفيتوا لكن لي عتب بسيط عليكم

الرجال ضيف والضيف له حشمة وتقدير وإذا فية إختلاف فيما نقلة فالأولى

توضيحة للرجل بصورة حسنة من دون تجريح لشخصة فهم قبل كل شي جيران

ولهم الحشمة والتقدير.

أخوي إبن سعدون حياك الله في منتدى آلاد شدّاد والله يحييك وحبيت إنك ماتنقل كلام

إلا بعد توثيقة التوثيق الصحيح بارك الله فيك.