طلب / قصيدة بسيس بن حديد في أخوه المرحوم سعد

ارجو من الاخوة نشر قصيدة الرثاء التي قالها في أخيه

سعد بن حديد رحمه الله وذلك بعد أن وصله خبر وفاته هو وجميع أهله

الذين كانوا معه في سيارته

وذلك للطلب المتكرر لها 0


الهـــــــــــــــــــــــــــــــــــــــــــــــ ــــــادي

ابشر يطلبك ابو سلطان

قريبا ستكون هنا باذن الله .

لك شكري وتقديري اخي حمد على تلبية طلبي 0 وهذا ماتعودناه منكم
الهـــــــــــــــــــــــــــــــــــــــــــــــ ــــــــــــــــــــــادي0

القصيدة قالها بسيس عندما وصله خبر وفاة اخيه وازوجته وابنائه الثلاثه ووالدته . في حادث اليم في ديراب قرب الرياض قبل فجر السبت
1 / 3 /1413 هـ.
وفيها شكوى على سمو الامير نايف حيث يرى ان الدوريات يومها قصروا في عملهم شوي .

يالله يارب الخلق مِيْته وحيه=يا منجي ٍ موسى ومنجي هل الغار
نايف يامير وزارة الداخلية=لا واهنيك يوم ما جتك الاخبار
صدمة قوية والعلوم اوفقية=حتى هل الحادث مطفين الانوار
مافيه دورية وراحوا ضحية=كلن رقد واقولها سر وجهر
محد حضرهم يوم فيهم نسية=واتْأخر الاسعاف واكلتهم النار
والراعي اللي ما يحفظ الرعية =لو بيتعذر ما يفيدن الاعذار
ياخوية اللي صادفته المنية=باعلى جبال طويق من عند الاقمار
جته المنية ما كتبله وصية=قضى وقدر ولا يردن الاقدار
راحوا بناخيه والام الرضية=واخوية اللي ما يغثي على الجار
ما قال هذا لك وهذاه ليه =دايم يراعيني كما الوالد البار
يالله عساهم للجنان الفضية=طالبك يا منجي محمد من النار
اخبارهم عندي وتطري عليه=اليا ذكرت وجيههم مثل الانوار
اتلا خبرهم قيلوا في الحوية=راحوا وتالي ليلهم صار ماصار
دنيا سوات اللي ركب له مطية=يقول اباخذ مع هل الهجن مشوار
والموت للمخلوق مسرع مجية=لو حط له حارس وكرسي دوار
قلته وانا مالي على احد دعية=وانا على ما دبر الرب صبار
وسيعة الدنيا وضاقت عليه=مافي يدي حيلة وضاعن الابصار
ومن اعترف بالله وسنة نبيه=جعله رفيق للصحابه والاخيار
طير الهوى ظلت عزومه قوية= واليا انكسر احد الجناحين ما طار
ساعة سمعنا بالخبر والقضية=صابر وكن يقطع الكبد منشار
هلي دموعك يالعيون الشقية=من يوم ما شفنا مكفن وقبار
وصلاة ربي على صفوة عباده نبيه=اعداد ما هلت على الارض الامطار

الاخ حمد الشدادي


شكرا على تلبة طلب أخونا الهادي


الله يعيطك العافية



مع تحياتي لك


ولا هنت مررره ثانية

أخوي الغالي حمد

ألف شكر لك لتداركك

طلب الأخ الهادي رغم حذف الموضوع

وهذا ليس غريباً على رجل مثلك أن تحسن التصرف

في أحلك الظروف وأصعب الأوقات

هذه القصيدة من أروع القصائد التي سمعتها مرات

عديدة قبل سنوات مضت توفي فيها الشيخ

سعد بن حديد وعائلته كلها تقريباً

وصل الخبر لمسامع أخوه بسيس وكتب هذه

القصيدة بعد فترة بسيطة من الحادثة

بدموع الألم ودم القلم

أحسنت أخوي حمد بارك الله فيك

الله يعطيك العافيه اخوي حمد

ماقصرت مشكور على القصيده

احسنت اخوي حمد على تلبية طلب اخونا الهادي

وبيض الله وجهك.

اشكر كل من شارك في تلبية طلب قصيدة المرحول بمشيئة الله ( بسيس) واخص بالشكرالاخ (حمد) وتجاوبة السريع 0 واذا دل هذا الشي انما يدل على خيره مايحتويه هذا المنتدى من افضل واروع المميزين في المنتديات الاخرى اكرر شكري وتقديري واعجاب في المنتدى ووفقكم الله لما يحبه ويرضاه 0 والسلام عليكم رحمه الله

الهـــــــــــــــــــــــــــــــــــــــــــادي

أخوي الهادي

حياك الله في منتديات ربعك وعيال عمك

وما فعله الأخ حمد ما هو إلا دليل تواصله

وجهوده لنجاح هذا المنتدى وأنت تستاهل

كل خير يا ابو سلطان وحياك الله

ويدمج هذا الموضوع مع موضوع القصيدة

لأنها تصب في مجرىً واحد