|
||||||||||||||||||
صاحب اليوكون
السلام عليكم
معاناة أثناء توقفنا عند الإشارة وقف بجانبي صاحب يوكون الله لايعيده ولاساعته اللي شفته فيها ... صاحب اليوكون
معك يحلى السمر يا ناثر الغـرّه علـى الأهـداب=ويطيب الليل لو تنقض جديلـك فـوق الأمتانـي رحيق الشوق من شأنك بوديان الحشا منساب=وخلايا الود مـن حبـك ، تجـددّ وسـط شريانـي تعمّد تطعن المجروح وجرحه بالحشـا ماطـاب=وتمشي بالجنازة وأنت فيهـا المعتـدي الجانـي
ألا ياصاحب اليوكون ذبحـي مـن بجنـب البـاب=علـيـه الله أكـبـر ، أشـعـل السـر جـوف نيـرانـي هنـوفٍ مرخـي الغطـوة ولفتاتـه بـدون حسـاب=غريـرٍ أدعـج ولأجـل المكيـدة ، يمـضـغ لبـانـي ندهتـه قلـت لـه ، يـا نـابـي الأرداف قلـبـي ذاب=خـف الله فـي مشاعـر، شاعـرٍ بالحـب هيمانـي سحرنـي فيـك نظـرات لعيونـك تخطـف الألبـاب=وأسرني صوتك اللي فيـه مـن ترنيـم الألحانـي جمالـك ، يذبـح العشّـاق ، بالفطـرة كـذا جـذّاب=وأنا من عقـب شوفـك ميـتٍ والخالـق ،أحيانـي رحيق الشوق من شأنك بوديان الحشا منسـاب=وخلايا الـود مـن حبـك ، تجـددّ وسـط شريانـي تعمّد تطعن المجروح وجرحـه بالحشـا ماطـاب=وتمشي بالجنازة وأنـت فيهـا المعتـدي الجانـي شكيت الوجد وأبديت العنـا مـن غيبـة الأحبـاب=وعذلت القلب لأجل رضاك يامكحـول الأعيانـي معك يحلى السمر يا ناثـر الغـرّه علـى الأهـداب=ويطيب الليل لو تنقـض جديلـك فـوق الأمتانـي أنا من يوم طيفك ما استحّل الفكـر عقلـي غـاب=وصارت عيشتـي والنـوم عقبـك كلهـا أحزانـي خف الله في خفوقٍ يحتضر لأجلك بدون أسباب=فـلا حـيٍ ولا مقتـول ، وسـط الـجـوف ذويـانـي ولولا ني أداري العيب وهرج الحاسـد المغتـاب=لا أّبيّن ، ما بقلبـي ،، وأعلنـه ، لفـلان وفلانـي أقول إن خاطري والشّف من شوفة وليفي طاب=كلام ٍ صـادق ٍ مـا هـو بهرجّـة ، مـزح بلسانـي يشيب الوقت والأيام وراسي والِشِعر مـا شـاب=جريحٍ للقصيـد ، ونـزف قافـي ،، إسـم ديوانـي وهذي حالة الدنيـا ، تخلّـي لـك عـداك أصحـاب=وتعّود ، تقلـب الأصحـاب ، بعـد الـود عدوانـي مودتي وتقديري محمد بن عمار
التعديل الأخير تم بواسطة ! سارة الغيد ! ; 10 Feb 2014 الساعة 10:17 AM
سبب آخر: تنسيق القصيدة
|
10 Feb 2014, 09:31 PM | [ 2 ] | ||||||||
مؤسس شبكة الشدادين
|
رد: صاحب اليوكون
الله الله كبير يا ابن عمار وشاعر لا يشق لك غبار احسنت وصح لسانك ولا هنت يا أبو حمود على النقل والاختيار |
||||||||
|
|||||||||
11 Feb 2014, 01:18 AM | [ 3 ] | |||||||
<img border=
|
رد: صاحب اليوكون
احسنت الاختيار ياهلابك تقديري وشكري |
|||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|