يا علي

يا علي اسمع كلمتي ويش انا قول = وصيةٍ لك يا علي والعيالِ
من والدٍ زد شاب راسه من الهول = وزد ذاق في دنياه مرٍ وحالي
واليوم قِدني عاجزٍ تِقِل مشلول = اقبل لكم فيٍّ وانا اقفى ظلالي
لابد من يوم على اللوح مشيول = وابيت في قبرٍ وحيدٍ لحالي
لا تسمع لهرَّاجة القيل والقول = وليّاك تقطع في القريب الموالي
اجعل حلالك بين الاقراب مبذول = ولا تِقِل لخوك ذا لك وذا لي
اخوانك اعوانك وربعك على الطول = وهم ظهرك بمعضلات الليالي
والوالدين اعطوهم الحق مدبول = الوالدين حقوقهم كالجبالِ
واظهر زكاتك كل ماجا آخر الحول = واطلب عسى رزقك وكسبك حلالِ
دور جليسٍ من هل الخير مقبول = يقال نِعْمٍ كل ماجا مجالِ
ترى جليس الشر ما منه محصول = مثل الجرب يعدي رزين الجمالِ
يضحك لك وقلبه ترى انجس من البول = جسمه كبير والعقل منه خالي
مثل السراب بحاجرٍ فيه سملول = ياخذ من الحافي لرجله نعالي
بابه كبير ودِب الايام مقفول = عسى فروخ البوم وسطه تلالي
ماهوب من ذربين الايمان مدفون = ما شِب ابه ظوٍ ولا به دلالي
ترى البخل راعيه بالعون مرذول = والكِبِر والعيلات عيب الرجالِ
يالله يا علاّم ما كان مجهول = تغفر ذنوبي يا عزيز الجلالِ
وصلاة ربي عد ما هل هملول = من المطر عذبٍ قراحٍ زلالِ
على النبي الهاشمي خير مرسول = عداد ما هبت جنوب وشمالِ

من قصائد الشاعر عبدالرحمن بن محمد العنقري رحمه الله

صح لسان الشاعر عبد الرحمن العنقري

ومشكور ياطلال على النقل والاختيار الرائع

تقبل مروري الغربي

ونعم الشاعر ونعم ما جاء به من درر

ونصائح أخرتها تجارب الزمان وكونتها دروسه

لا هنت يا أبو عبدالرحمن والله يعطيك ألف عافية

الله يرحم الشاعر ومشكووووووور على القصيدة الجميلة

أبو عبد الرحمن
اختيار موفق لقصيدة جزلة كلها حكم
صاغها الشاعر من تجاربه في الحياة
فنثرها كالدرر ولكن قليلاً الذين يعيونها
واسمح لي أخي بوضع هذه الأبيات
للشاعر الكبير محمد عبدالله القاضي رحمه الله
وهي تصب في هذا المعنى

فكرت بالدنيا وفيضت مكتوم = ما حان بليحان صدري وحامي
ولا يفيد بميت القلـب تـعـلـوم = تاه بعمى رأيـه قـليل الـرحـامـي
وحذراك خلان الرخا عدهم قوم = خلان من دامت نعيمه ودامي
والمكر وآثار المعاصي لها شوم = وأخطأ الخطأ خلط الحلال بالحرامي
ودار العقوبة عن دعا كل مظلوم = عينه تنام وخالقه ما ينامي
والفرق بين المحبين معدوم = والمزح يرث بالقلوب الندامي

سلمت يداك على هذا الأختيار أخوي طلال

كلها حكم ومواعظ تهم الكثير بل دروس في الحياة يجب تطبيقها

الله يعطيك العافيه أخوي طلال

الغربي ، الريان ، البرنس ، السلطان ، غريب الدار .

حياكم الله ، وشاكر ومقدر لكم جميعاً المرور والإضافه .



والمكر وآثار المعاصي لها شـوم ====== وأخطأ الخطأ خلط الحلال بالحرامي

اخوي طلال مشكور على هذا

الاختيار الجميل بارك الله فيك

دمت بود

رحم الله قائلها ..
أحسنت الأختيار يابو عبدالرحمن وبيض الله وجهك
قصيده رائعه بما تحتويه من حكم ونصيحه فلك جل شكري ..
والشكر ايضا لابو حسام لإضافته الرائعه ..



.

صويب الوله : حياك الله يا بو تركي ، وشرفني مرورك ، وبيض الله وجهك .

عبدالله الشدادي : شاكر ومقدر لك .