محاورة فايز وعقاب

لكن هات العلـم وأعطيـك فنجـال = يا ليت كل اللـي مضـى تفهمونـه
صح لسانك
متابعينكم بكل اهتمام

وجهك أبيض يا نفل
وما عليك زود يا غالي

من رؤس بنيوس
يا هلابك

ماني بحولك ياخلف يابن هذال=شاعر وطن والعالم يقلدونه
تبرق وترعد لكن السيل ماسال=الها شهر والسيل مايذكرونه

الله الله يافايز

صح لسانك

ولاهنت ياعقاب

أستلم يا شاعر المنتدى

البرق يبرق والرعد له تزلزال = وعليك يالفنان هلت مزونه
يالربع فايز ما لقينا له أشكال = وعندي هنود ٍ كنهم يشبهونه

صح لسانك ياعقاب ولاهنت

وانا مضطر للخروج الان لكن العوض فالمقبلات

لاهنتوا يالربع على الحضور

عقاب الله يهديك
يخلق من الشبه اربعين
صح لسانك حبيت امزح معك الله يسعدك

صح بدنك يا ابن العم
وأنا أشهد إنا تعلمنا منك الكثير
والمقصد كله مزاح والقلوب صحاح
وأشكر جميع من حضر والله يعطيكم العافية
(( سبحانك اللهم وبحمدك .. أشهد أن لا إله إلا أنت .. أستغفرك وأتوب إليك ))

عقاب الشدادي

يا مرحبا ترحيبة ٍ مالها أمثال=في المنتدى اللي وافياتن فنونه
يا ربعنا فايز محنـك ورجـال=لكن تال الوقت كثـرة ديونـه

فايز الشدادي

في منتدى قوم الوفا نسل الابطال=الك البقا والطيب حاضر زبونـه
ياعقاب والله ماشكينا لك الحـال=كلٍ ودربـه يبصرنـه عيونـه

عقاب الشدادي

حذراك يا نسل ((الفداغيش)) تحتال=صاحبك يعرف لينهـا والخشونـه
أنتم سجنتوا صاحبي طيب الفـال=والعلم واضح وأنت مالك مهونـه

فايز الشدادي

صاحبك ابن فدغوش ماهو بمحتال=يمكنكـم ياعقـاب ماتعرفـونـه
خل الحكومه حكمها مابه جـدال=واللي عليه ملاحظـه يسجنونـه

عقاب الشدادي

ما ترحمون القلب يا جيد الخال=ويا كثر منهم مثلنا يرتجونـه
مهوب لا سارق ولا هوب قتال=هو ليه يا أهل المعرفة تمنعونه

فايز الشدادي

لاصرت منت للمسة الخشم حمال=قال المثل دربٍ عسـر لاتجونـه
اللي توكل له مهمـات واعمـال=ولايقوم ابهـا تـرى يفصلونـه

عقاب الشدادي

الدمشقي وش به يراوغ ليا قال=وحنا نبا علم ٍ رسيـه ركونـه
عمك يقول أنه للأثقال شيـال=وأخوك والله ما عرفنا لحونـه

فايز الشدادي

ماني مراوغ مار للحق معدال=تبغى بمجلس حق والا بدونه
حنا نهار الماقف حيود وجبال=والوعل ابوقرنين نكسر قرونه

عقاب الشدادي

ما قلت أنا فايز عن الحق ميـال=وش به عليه روعتنـي سنونـه
بأمزح معه وأرقى طويلات الأقذال=وأطلب من الرب الكريم المعونـه

فايز الشدادي

ضيعتنا ياعقاب في وسط الادغال=والرجل يبلش كان كثرت ظنونه
معك شريحه مار مامعك جـوال=والناس رقمك وش له يخزنونـه

عقاب الشدادي

أنا أحسب أنك مع هل الخيل خيـال=وأثرك ورى نجم السماء ما أنت دونه
لكن هات العلـم وأعطيـك فنجـال=يا ليت كل اللـي مضـى تفهمونـه

فايز الشدادي

ماني بحولك ياخلف يابن هذال=شاعر وطن والعالـم يقلدونـه
تبرق وترعد لكن السيل ماسال=الها شهر والسيل مايذكرونـه

عقاب الشدادي

البرق يبرق والرعد له تزلزال=وعليك يالفنان هلت مزونـه
يالربع فايز ما لقينا له أشكال=وعندي هنود ٍ كنهم يشبهونـه