ليلتنا سهر ,, ليلتنا سوالف ,, ليلتنا فلة

السلام عليكم ورحمة الله وبركاته مساءاتكم فلة ووناسة كيف حالكم ؟ عساكم طيبين وبخير طبعاً مثل ماتشوفون عنوان الموضوع ليلتنا سهر .. ليلتنا سوالف .. ليلتنا فلة .. موضوع سوالف باختصار فعاليات متنوعة في ساعتين راح نفتح الموضوع كل ليلة .. من الساعة 11 إلى الساعة 1 بالليل ساعتين سوالف، مواقف ، مسابقات ، فعاليات ، كل شي بخاطركم طلعوه بهالموضوع ولكن بحدووود فيه مفاجأت راح أعلنها بهالموضوع . 1- كل خميس عندنا بطاقتين شحن وتخمين أرقام واللي يحلهم حلال عليه 2- كل اثنين عندنا فعالية أحلى صورة لهذا اليوم والمقصود : أنك يوم الاثنين تبي تشارك في الفعالية تجيب لنا صورة صورتها نفس اليوم وبأي كاميرا سواء جوال أو غيرها .. أهم شي نبي نشوف اختيارك .. ونغير من هذرتنا الزايدة وإذا في غيرها محنا مقصرين بنوافيكم بالمفاجأت نجي للأهم جداً جداً قوانين الموضوع : 1- الموضوع بيظل مغلق طول اليوم ونفتحه الساعة 11 ونغلقه الساعة 1 2- السوالف المسموحة سوالف فيها مواقف تنذكر وينأخذ منها حكمة سوالف لها لف ودوران ومن هالحكي مانبي 3- ردود " مساء الخير " برد لحال أو " كيف الحال " برد لحاله ومن هالحال مانبي اكتب سلامك وسؤالك وسالفتك برد واحد ، لأن الموضوع مو لزيادة المشاركات الموضوع فعالية صيفية 4- أي ردود تثير الفتنة الطائفية أو التعصب القبلي ممنوعة .. والادارة بتتصرف مع راعي الرد بحزم 5- ممنوع الترويج لمنتديات ثانية برابط أو مباشرة .. لأن فيها عقوبات عليا 6- الموضوع مو شات زي ماتفتكرون الموضوع أشبه بنقاش عام حول مواقف وسوالف لها مغزى ومافي مانع من السوالف بس زي ماذكرنا بحدود المعقول 7- فلسفة في أمور الدين والعقيدة مانبي .. في راسك علم وودك بنشره له منتدى خاص التزم بقوانينه ونزل موضوعك فيه .. اجتهاد شخصي اسمح لي ممنوع ولو في شروط أكثر بنبلغكم وبنبه عليها ونستناكم الساعة 11 لأول ليلة سهر وسوالف وفله فكرة الموضوع من آختنآ حلم السنين تقديم بنت النشامى , ورد الجوري

السلام عليكم ورحمة الله وبركاته حياكم الله وبياكم معنا في هذه الفعاليه ونتمنى من الجميع التفاعل والالتزام بالشروط والله يوفق الجميع لمايحب ويرضى

موضوع رائع في اعتقادي سوف يخلق جو رائع بالمنتدى

الجميع في المنتدى على قدر كبير من الوعي للالتزام بالقوانين و لديهم مخزون ثقافي لاثراء مواضيع النقاش و يمتلكون روح مرحة ستضيف طابع جميل نتنمى من الجميع ان يشارك معنا ويدع باقي الامور جانبا


شكري وتقديري للقائمين على الموضوع

حياك الله أخوي احساس واثق

وحياالله أعضاء منتداناالكرام

نبي يكون الليلة موضوع سهرتنا
عن العطله الصيفيه
وكيف مقضينها؟

سوالف وحكايات

وأتمنى الجميع يشاركنا

قضيناها في البيت ههههه ^_^

الله يعطيكم العافية بنآت على الفعالية القميلة ^_~

الله يعافيك ي الغلا
^-^
حلوه العطله بالبيت والا!!!
مافيهاشئ
المهم مافيه دوام ولامدرسه
صح

تشكرين على طرحكِ البناء الذي يجعل كل شخص يتحدث بكل طلاقة حول إجازته الصيفية و جدوله الزمني طول العطلة. طبعاً العطلة الصيفية فترة نقاهة لنهاية كل عام من الدراسة لكي يرتاحون الطلاب والطالبات من عناء الدراسة طول العام ويقضون وقتهم كيف شاءو وبالذات في كل مايفيدهم سوى حلقات القرآن الكريم او المسابقات الصيفية او السفر لزيارة الأقارب في فرصة ثمينة لصلة الرحم وزيارة المدن للتغير من اجواؤهم المعتادة في مناطقهم بعيد عن السهر وضايع الوقت في معصية الله والتوجه لكل جديد ومفيد يجعل من صيفهم الراحة والفائدة والمتعة وزيارة الحرمين الشريفين فهذا الوقت مناسب وفرصة للجميع .الله يحفظكم ويوفقكم لكل صلاح وفلاح في دنياكم واخرتكم.

ههههههههههه عادي على قولتك

بس مو لدرجة ما طلعنا الا رحنا ملاهي وحديقة وبر وبكرة بنروح سوق نسائي ^_^

بس انا قصدي ما سافرنا هع هع ×_×

اللهم آمين
الشكرموصول لك أخوي خيال ع مشاركتك
معنابالموضوع

وحياك الله

هلابك احساس معنا
لاعطلتك حلوه باذن الله
لوتقولين لناأماكن ومنتزهات بمدينتك
من شان الواحديستفيد وكذا