آخر 10 مشاركات |
مختارات | عن أَبي هُرَيْرَةَ رَضي اللهُ عنه قال: قالَ رسُولُ الله صلى الله عليه وسلم: "كُلُّ سُلامَى مِنَ النَّاسِ عليه صَدَقَةٌ، كُلَّ يَوْمٍ تَطْلُعُ فِيهِ الشَّمْسُ: تَعْدِلُ بَيْنَ اثْنَيْنِ صَدَقَةٌ، وتُعين الرَّجُلَ في دَابَّتِهِ فَتَحْمِلُهُ عليها أو تَرْفَعُ لهُ متَاَعَهُ صَدَقَةٌ، والْكَلِمةُ الطَّيِّبةُ صَدَقَةٌ، وبكُلِّ خَطْوَةٍ تَمشِيها إلى الصَّلاةِ صَدَقَةٌ، وتُمِيطُ الأَذَى عنِ الطَّرِيِق صَدَقَةٌ" رواه البخاري ومسلم |
مواضيع ننصح بقراءتها |
|
||||||||||||||||||
سبع ساعات
سبع ساعات اسولف واتكلم واستخف دمي=وهي تسمعني وتضحك ومبسوطه على الأخر سبع ساعات اعلمها عن احزاني وعن همي =واسولف عن حكايا الطفل كان وصار هالشاعر سبع ساعات تتساقط حروف الصدق من فمّي =على صحرا مسامعها سحاب العشق متناثر سبع ساعات وتحلف لي براس العشق وتسمي =تقول انت الوحيد اللي ملكني حبك الساحر سبع ساعات ونادتني بأسمه ما هو بأسمي =تناديني فهد واسمي انا ياللاسف جابر تشنج كل شيٍ كان حولي ومسمعي يدمي =ركز خنجر فهد في مسمعي من صوتها الخادر تخدّر فكري وجسمي وذاب بداخلي عظمي =وصرت اسمع صدى صوتٍ يردد غلطة الشاطر يردد غلطة الشاطر بعشرة واقعي وحلمي =وترددها زوايا غرفتي والواقع الغادر كثير اصوات شقت جلدي اللي يحتضن عظمي =وصراخ الباب والدولاب والشباك والساتر وونات القلم والدفتر اللي يلتفت يمي =وخايف وش ابي اكتب بوسطه من هنا لـ باكر وكانت ساكته وصوت النفس من خشمها و خشمي =ربع ساعه وبحة صوت قالت: خير وش صاير وطرا في بالي عبدالله وخالد واحمد ونشمي =ولآخرهم فهد تسعه وانا مدموغه العاشر وقلت ابداً مغير الخير ولكن امسحي رقمي =اكيد انه فهد جالس سبع ساعات وهو ناطر وقالت لي: رجاءً او اقولك.. طير ياعمي =مسوي حضرتك في هالزمان العاشق الطاهر وقالت لي: اقول! وقلت: انا بقول وذا علمي =عجب هالناس وش هالناس تخطي وبالخطى تكابر انا يابنت بنثر لك حياتي واجمعي لمّي =بعضه بنثره في مسمعك هالحين ومن خاطر ترى عمري انا تسعه وعشرين وكذا رسمي =ولكن عشت ايامي دبلها مقبل وعابر اصيل وكل اصيلٍ مايبي مدحي ولا ذمي =وسبع انعام في هالناس اخص الحامد الشاكر انا من نجد وربعي هم عتيبه وخالي الدحمي =وبرقا لحمي ودمي وانا من روق ومع ناصر انا جابر ولد هايف وسلم الطيب هو سلمي =ابوي الي مربيني على الجزلات واتفاخر انا راعي مجاهيمٍ يشع بفخذها وسمي =وراعي خيل وراعي بير وبيتٍ مبغضه كافر على الرمضى ابت رجلي بأرضٍ عاشقه ضمي =وشمسٍ تشرق وتوقف على راسي وانا صابر عرق وجهي يصب وامسحه بشماغي وكمي =وألد عيوني عن ناسٍ سرقني يمها الناظر وانا شاعر ولو اكتب عجز كل فكر في نظمي =ولاني بالغرور احكي ولكن واثق وقادر وانا رجال هاوي للقمم ويقودني عزمي =وابي ارقى على راس الجبل وانتي مع الحادر عرفتي ليه انا طاهر؟ لانك همي وغمي =ولان الدنيا في عيني جبل نرقاه ونغامر يابنت الناس شفتي كيف بليّا سلاح مانرمي =ولانوقف بوجه البندق المليان ونخاطر خلقنا الله بشر بعقول وذا واقع وذا وهمي =وكلٍ يتبع مراده وفينا رابح وخاسر وقالت لي فمان الله شعلت النار في جسمي =فمان الله يالطاهر ومثلك قله ونادر ورحت آخذ كتاب الله واحلف بالكتاب:" امي =لو ان اسمي فهد بالله ماكان احلى من جابر..!!؟ الشاعر جابر بن هايف
التعديل الأخير تم بواسطة الوزير ; 27 Aug 2012 الساعة 12:19 PM
سبب آخر: تنسيق القصيدة
|
21 Aug 2012, 09:42 PM | [ 2 ] | ||||||||
مؤسس شبكة الشدادين
|
رد: .. سبع ساعات
حياك الله أخي العزيز حاكم ويا هلا بذوقك واختيارك سعدنا بتشريفك لنا وجميل مشاركتك والله يحييك |
||||||||
|
|||||||||
25 Aug 2012, 06:40 AM | [ 3 ] | ||||||||
|
رد: .. سبع ساعات
قصيدة في غاية الروعة مشكور أخوي على ايرادها ولاهنت |
||||||||
|
|||||||||
26 Aug 2012, 02:42 PM | [ 4 ] | |||||||
عضو جديد
|
رد: .. سبع ساعات
.. أهلين : وسهلين في سلطــــاان ، وألأخت بنت ألنشامى ألله يحيكم ، وألذوق ذوقكم طـال ألله في أعماركم : وعشان كذا ، كل شوي ذوق في وجودكـم وألله يخليكم ومنــــــــووورين |
|||||||
27 Aug 2012, 01:45 AM | [ 5 ] | ||||||||
عضوة متميزة
|
رد: .. سبع ساعات
إختيار جميل جداً يا أخوي , يعطيك العافية وشكراً |
||||||||
|
|||||||||
27 Aug 2012, 12:19 PM | [ 6 ] | ||||||||
|
رد: سبع ساعات
صح لسان الشاعر جابر بن هايف وصح ذوقك وإختيارك |
||||||||
|
|||||||||
04 Sep 2012, 09:15 AM | [ 7 ] | ||||||||
عضوة متميزة
|
رد: سبع ساعات
اختيار رائع تسلم أخوي يعافيك ربي |
||||||||
10 Sep 2012, 09:55 PM | [ 8 ] | |||||||
عضوة متميزة
|
رد: سبع ساعات
يعطيك العافية على الابيات الرائعة تقبل تحياتي وتقديري |
|||||||
|
||||||||
25 Sep 2012, 06:16 PM | [ 9 ] | |||||||
عضوة متميزة
|
رد: سبع ساعات
اشكر لك ذوقك في اختيار تلك الروائع بارك الله فيك |
|||||||
|
||||||||
26 Sep 2012, 03:58 AM | [ 10 ] | ||||||||
|
رد: سبع ساعات
صح لسـان قايلها ولاهنت على النقل قصيدة رايعة |
||||||||
|
|||||||||