مابين نبحه وتغريده

اعزائي
ادارة
واعضاء وزوار منتدى الشدادين
اقدم لكم هذه القصيده راجيا ان تنال استحسانكم

اليعربيه لو يجمل كفها نقش الخضاب=ذا شكل والمضمون اهم اركز على مضمونها
قم طب فالميدان ياحميدان وابلغ فالخطاب=ولا اندحر مع زحمةالجمهور وافهق دونها
اما يصب الوبل والمنشا على روس الهضاب=ولا الدهر يستهلك الي شح من مخزونها
طاب الهوى للي هوى جانا وراح بلا عقاب=واسترسلت منضومة العميان فرك عيونها
لايا مقاريد الفشل بكره يجي قبر وحساب=امه عريضه بالمنابر بيحت مكنونها
لجة مواقع للتواصل جلها قدح وسباب=نبحه وتغريده وصاحيها على مجنونها
ابعد مداهيل اهلها اكل البطاطس والكباب=واثمن معايير الحداثه ضيعت عربونها
الى متى او ليش تستنزف ثقافات الشباب=ضحالة المنطق بمغزاها ورفعة شونها
نستدرك اللي فات صعب محاولة طرد السراب=او ندرك الواقع وحوش وكشرت بسنونها
وان جيت للمستقبل القادم تباشيره خراب=الوقت يتسارع وزاد الطعن في مطعونها
حل القضيه يامحللها وعجل بالجواب=(قبل امس غير)( اليوم غير) اشلون بكره لونها
بعض العرب مثل العرب والبعض من دون الدواب=مابين لبراليها ومتابعين فنونها

اللهَ يعطيك العَافية ، وَلاهنت ع ايراد القصيدةْْ
شُكري وَتقديريْْ

فارسة الاحلام
مرحبابك
شاكر ومقدر مرورك العطر
نورتي الصفحه
تحياتي

صح لسانك اخوي
ابيات قوية اعجبتني كثير
وبداية قوية لك في هذا المنتدى
ويارب تستمر على هذا النشاط
تستاهل شعار التميز

يامرحبا ياشيهانه
وشهادتك اعتز بها
شاكر ومقدر مرورك العطر
لاهنتي
تحياتي

صح لسانك وارتقى شأنك شاعرنا
حياك الله وحيا قافك.

حياك الله يالطاري
شاكر ومقدر شعورك ومروك
لاهنت
تحياتي