آخر 10 مشاركات |
مختارات | يَرَى بأولِ رَأيهِ آخِرَ الأمورِ |
|
|||||||||||||||||
رسالة مواطن إلى الوالي .. ثاني مرة
بسم الله الرحمن الرحيم كالعاده دخلت اليوم المنتدى ولقيت رساله في صندوق الوارد 00 مضمون الرساله ان موضوعي (( رساله الى الوالي )) تم نقله الى قسم المحذوفات!! طبعا معهم حق لأن الراسله كانت فارغه!!! طبعا اليوم راح تشوفون الرساله 00منقوله ولكن كأنني انا كاتبها لأنني عشت سابقا وحاليا والى ان يشاء الله جميع فصولها00 واليكم الرساله:::::::: اقرأ للآخر :: حبيت اليوم أوجه رسالة للوالد القائد خادم الحرمين الشرفين (حفظة الله وأطال في عمره) من واجبات الأبووووه أن الأب يستمع لصرخات أبنه وضمه على صدره وإذابة كل آلامه والملك زي ابوي،، لأحد يتدخل بين أب وطفله @ @ @ @ @ @ ابشرك يا خادم الحرمين الأسعار مضبوطة والمواد الغذائية متوفرة ما نقصنا بس إلا الخبز يرفعون سعره وخذ عندك بعض الأسعار قشطة المراعي صارت 4 ريال حبة المظبي 22 ريال الكفرات ارتفعت 30 بالميه الأدوية 25 بالمية تخيل يا خادم الحرمين جبن كرافت والمراعي السايل ارتفع طيب وش نسوي لبزارينا المشكلةيقدرون الكرافت السايل مع الصامولي الببسي صار 20.5 والأيجارات أرتفعت وقسايم المرور زادت الحمدلله على النعمه أمن وآمان الله لا يغير علينا حتى رز ابو كاس ارتفع لا وازيدك من الشعر بيت رزمة الكراث والبصل صارت بريالين شفت شلون حنا بنعمه @ @ @ بس تكفى كلمة راس.. ما ودك.. تنزل رواتبنا شوي.. عشان.. نبني للأردن 70 الف وحده سكنيه ثانيه ونعطي لبنان مليار ونص دولار ونرسل لمصر المعونه السنويه تعرف ماشاء الله حنا.. من كثر الفلل التمليك.. الناس صارو يأجرون ببلاش ممكن طلب طال عمرك.. ابي سلف 12000 ريال عندي دين اسدد فيه لي سنه ولا خلص.. كل شهر 500 ريال الله يرحم حالنا والله.. @ @ @ ابشرك طال عمرك قبل كم يوم حطم سعر برميل البترول الرقم القياسي وصار يباع بـ 99 دولار ورصيدي أيضا حطم الرقم القياسي في نفس اليوم وصار فيه 17 ريال الحمد لله شفت كيف أنا بخير @ @ @ أحب اطمنك صرنا نسوي رجيم غصب عنا تعرف اللحم ما عاد نعرفه حتى الدجاج ما عاد نأكله صرنا رشيقين تسمع بالكرش ما عاد نشوفها تسمع بالبطن اللي لاصق في الظهر يوووووه في كل مكان نشوفه نم قرير العين الشعب بخير لاتتعب نفسيا ودور في النت توأم تفصلهم توائمنا ليش ينفصلووو صلة الرحم زينه خلهم يتشابكون طول العمر يمكن لو فصلناهم يتهاوشون ويفترقون خلهم متشابكين في جسد واحد الله لا يغير علينا @ @ @ ابشرك طال عمرك شعبك تطور استبدل البكاء بطعم الملح ببكاء بطعم الدم آآآآآآآآآآآآآآه يا حلو مذاقه ودك تجربه؟؟ انا أقولك وشلون نظف منزلك من حليب الأطفال نظف جيبك من الفلوس نم ومخباك فاضي خل زوجتك تصحيك من النوم قبل الفجر وتقولك أن طفلك ما عنده حليب دق الشماغ ولف على جيرانك دور سلف.. علشان تشتري حليب لطفلك الجميع بيطردك لأنهم طفارى انس انك ملك وأرجع للبيت بتدخل على أنغام بكاء طفلك عندها ستحتقر نفسك وانت عاجز عن اشباع طفلك عندها ستكره اليوم اللي انولدت فيه عندها ستكره اليوم اللي انولد طفلك وصرت مسؤول عنه عندها ستضمه وستبكي من القهر ستنزل دموعك وتحس بطعم الدم في حلقك @ @ @ تذكر طال عمرك يوم حنا صغار وش كانو يقولون لنا كانو يقولون الرجال ما يبكي عيب تطلع دموعه صرنا نصيح عادي البكاء صار ملازم لنا والسبب كومة لحم (أطفال ونساء) في رقبة الواحد يبكي لأنه عاجز عن توفير الحياة الكريمة لهم @ @ @ بس ودي أقولك شي قبل ما أروح أصيح تدري وش معنى الرجل يبكي قدام زوجته وأطفاله معناها تساقط كل قيم الرجولة اللي تعلمناها في طفولتنا معناها إحساس المرأة بالانكسار وعدم الأمان معناها خنوووووع ما بعده خنووووع للظروف القاسية اللي وضعنا فيها معناها أمور كثيرة ما راح تفهمها.. ///////// ///////////////// ///////// ///////////////// المرسل أبنك: المنتف والملحط والمديون والمستأجر رب أسرة وأسر مثلي كثر
|
31 Jan 2008, 04:02 PM | [ 2 ] | |||||||
أبو حاتم
|
اخوي الراسي راي فيه كثير من الصحه حتى ولو طغت عليه النظره السوادويه امنيتي لك ولجميع اخواننا العيش في نعمه وان يسترنا الله في الدنيا والاخره تقبل مروري ويعطيك الصحه |
|||||||
|
||||||||
31 Jan 2008, 04:32 PM | [ 3 ] | |||||||
عضو متميز
|
الراسي ياشيخ الله يرحم والديك تكلمت في الموضوع الذي يضع البعض رأسه في الأرض خوفاً من الخوض والكلام فيه تكلمت في موضوع عندما يحين الكلام فيه تجد الأغلب يقول اسكت لا تتكلم في السياسه !! أي سياسه والشعب يموت جوع وبرد وظلم !! ياسعادتنا وفرحتنا عند الدول الآخرى بـ 5% !! اطفال يموتون من الجوع نساء يمتن من البرد شيّاب يموتون من القهر وحكومتنا الرشيده ترسل ملايين الدولارات للدول الشقيقه والصديقه ! |
|||||||
|
||||||||
31 Jan 2008, 05:10 PM | [ 4 ] | |||||||
عضو جديد
|
شكرا للمرور العطر لكل من قراء هذه الرساله00 غريب بدياره الله يكفيني شر النجوم اللي حاطهم جنب الموضوع!!! أهم شي لاتنسون الراسي اذا صار في الامور أمور00تعرف الدنيا مافيها أمان 000 |
|||||||
31 Jan 2008, 06:50 PM | [ 5 ] | ||||||
|
ههههههههاي اخوي الراسي ما صاير لك الى كل خير انت تتكلم وغيرك يتكلم ويتذمر من الارتفاع وجشع التجار الذين ليس عندهم من يردعهم ولكن اخووي تفائل بالخير وان شاء الله تجده والكلام صار متداول والناس تطرح الاقاويل اخووي صبرأ وسوف ترى نتائج القرارت التى طرحت وبعدها نرى مانحن عليه هل هوو اطلاق قرارت فقط مع عدم تفعيلها ام انها تصب فى مصلحه المواطن تقبل رائي ياغالي تحياتي لك |
||||||
|
|||||||
31 Jan 2008, 06:58 PM | [ 6 ] | ||||||||
زهرة المنتدى
|
لا تعليق يعطيك العافيه اخوي الراسي |
||||||||
|
|||||||||
01 Feb 2008, 01:35 AM | [ 7 ] | |||||||
عضو جديد
|
البدر شكرا لمروك00 أما من ناحية تفعيل القرارات فكل سنه وانت طيب!!! وإبقاء قابلني اذا تفعلت !! سعمت المثل اللي يقول(( من غاب 00000؟؟ أكل الذيب تاليه)) وطبعا الذياب لدينا كيثرون !!!! وسالفة امسكلي وأقطعلك دراجه هالايام00 |
|||||||
01 Feb 2008, 01:38 AM | [ 8 ] | |||||||
عضو جديد
|
نور الهدى00 شكرا للمرورك العطر ودمتي بود |
|||||||
01 Feb 2008, 02:09 AM | [ 9 ] | |||||||
عضو متميز
|
مابعد كلامك يالراسي كلام... جبت مشاكل الشعب السعودي كلها... لكن من يسمع لنا .. |
|||||||
|
||||||||
01 Feb 2008, 02:21 AM | [ 10 ] | |||||||
عضو جديد
|
حاتم الشدادي 00 أسعدني مرورك00 وأما من يسمع لنا 00 الله كريم 00 وترا مشاكلنا من البطانه الفاسده00 صدقوني هم اللي يحجبون الروياء عن اللي أرسلت له الرساله!!! |
|||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
120 رسالة تكوين تغزو جوال مواطن خلال 10 دقائق! | ابن الأمير | الهواتف الذكية - سامسونج - هواوي - البلاك بيري | 12 | 03 Aug 2010 08:00 AM |
يا الله يا اللي تسوق المزن يا الوالي | السلطان | الشيلات والقصائد الصوتية والمرئية | 9 | 30 Nov 2008 08:23 PM |
رسالة من مواطن سعودي الى وزير امريكي | عبدالله الشدادي | القسم العام | 16 | 07 Oct 2007 04:35 PM |
مواطن ممتحني | قلب الذيب | بحور القوافي | 17 | 24 Apr 2007 10:06 PM |
أدوات الموضوع | |
|