ياموتري ريحتك القيظ كله

هذي قصيده من ديوان الشاعر بدر الحويفي
عنوانها

ياموتري ريحتك القيظ كله


[rams]http://up.shdadeen2.com/upimg/shdadeen12656171281.ram[/rams]



الله مــن قلـب هــجــوســه تــمــله
مل الغضا لمبهرات المباهيـــــــــــــر
وشـوف البـراري والفضـا ولـــعة له
لاشفت بالمنشا مزون مزابيـــــــــــر
يامــوتــري ريــحتك القيـــض كلـــه
أبيك لاقامت تطول المشـــــاويـــــــر
لابـــد لك لابـــرد الـــوقـــت تـلــــــه
يحن ماطورك على ساقة الطيــــــــر
في مــاقع بعـــض العرب مايدلــــه
مدهل لفتخان الرجال المناعيـــــــــر
نبي لنـــا معهم وناســـه وفلـــــــه
مع درب مسهاج الوسوم المباكيـــــر
ليا اصــــبحت روس النوازي مطلـه
عقب الجليد نكسر الثلج تكسيــــــــر
ثم اصـــبح القرناس من عقب طله
يوجس بجلده مثل دق المساميــــــر
واستطلعوا خطو أشــقــرعادة لــه
حرش الكفوف يمزر الخرب تــــــمزير
والبــارحه حل المساء قد حصل له
عشاء خفيف من ابرق الريش تنسير
لافــرعوه وشافـــهن وأدرجن لـــه
وأدلج وراع الجمس كفه على القيـــر
وتضايقن عقب الفضا وأحضرن له
وسلط على وحده وذلك مخاميــــــــر
وليا المشبب عندهم مزهب لــــه
با اللي ندبها طير الريش تطييــــــــــر
والخـــــرب طــــقه ماتعدى محلـه
والثالثه فزت ولا عينـــــــــــــــــت خير
بطيارهاشــــفنا غيـــاره وخلــــــه
زمت وحولها ولي المقــــــــــــــــــادير
أعلق بها اللي عوقهن سهمة لـه
شيهان عوق ملوعات المعاشيـــــــــر
ملموم مثل الصول طوله وجلـــــه
أجرد يصخر شرد البرق تصـــــــــــخير
وكل ركض للي بوجهه يشلـــــــه
تزارقوهن بالحدود البــــواتــيـــــــــــــر
اكبودهم عقب القرايا مــغلــــــــه
تسع الشهور نقزر الوقت تقزيـــــــــــر
وركبوا وقالوا تبع الجمس ظلـــــه
لا ما نقول أوقف كفيت العواثيـــــــــــر
نبــــي لــنا خــد مـــهامل امزلـــه
مادوجت فيها الغنم والمظاهيـــــــــــر
تلقى بها زرق المعارف محلــــــه
بيض الدواغر متعبـــــــات المــــــداوير
هذا هوى اللي قزر القيض كلــه
ماشاف غير القوبعه والعصــــــــافيـــر


عسى تنال على أستحسانكم

صح لسانك ..
يعطيك العافية أخي وافي ..
فعلا أعجبتني .. !

لافــرعوه وشافـــهن وأدرجن لـــه
وأدلج وراع الجمس كفه على القيـــر




أبو ثامر


عز الله أن الموتر يبيله فزه يم الربيع والوناسة

هيضتنا يالذيب والله يعطيك العافية

يا تسبدي تسبداااااه ,,


تسلم أخوي وافي على الإنتقاء المهيض ,,

وشكرا لك ,.

		المشاركة الأصلية بواسطة : بنت الزين اقتباس
	صح لسانك .. يعطيك العافية أخي وافي .. فعلا أعجبتني .. !

حياك الله أختي الفاضله
والله يعافيك وما أعجبك إلا لعلو ذائقتك

		المشاركة الأصلية بواسطة : طــارق الشدادي اقتباس
	لافــرعوه وشافـــهن وأدرجن لـــه وأدلج وراع الجمس كفه على القيـــر أبو ثامر عز الله أن الموتر يبيله فزه يم الربيع والوناسة هيضتنا يالذيب والله يعطيك العافية

هلا والله بأبو زايد
والله يعافيك والربيع حان وحان طاري البر
والله يوفقك

		المشاركة الأصلية بواسطة : بندر النايف اقتباس
	يا تسبدي تسبداااااه ,, تسلم أخوي وافي على الإنتقاء المهيض ,, وشكرا لك ,.

هلا بالغالي بندر
هههههههه هيضك
يمدحون الجو والربيع عندكم في الشمال
تل الموتر لأقرب فيضة أوشعيب
أنت قريب من الربيع
الله يوفقك

والله من زين القصيدة يا وافي
من جد تهيض على البر وطلعاته
ما عاد للموتر بعد الراحة إلا طوال المشاوير
ولا هنت يا الغالي

لاهنت يالذيب
ولاهان غاليك
ويازين طلعات البر وقت الربيع

وافي

والله تذكرنا بمجلس الغانمين شرواك في رأس طعس تشم الهواء النقي و الحيا

الجديد بعد الماطر باأسبوع ومزال مستمر الماطر الله يرحم ديارنا

ويبقيك ذكر للقبيلة والدولة