قصيدتي المختطفة من قراصنة النت تعود..!!

	ايها الأحباب في منتدانا الغالي... هذة القصيدة أختطفت بعد أن أهملها من أؤتمن عليها ونشرت في عدة منتديات .. تحت أسم من اشباح النت غير معروف .. وهي من أهم قصائدي على الأطلاق. وقد تأخر نشرها قرابة العام والنصف الى أن عادت الى مكانها الطبيعي .. بجهود المخلصين والغيورين على الحق.. أشكر كل من ساهم في ذلك .... وفي المقدمه السلطان.. والشاعر الكبير عبد ربه عتيق العازمي .. وأقول ان اي نشر لهذة القصيدة أو جزء منها تحت أسم غيري.. هو سرقة أدبيه صريحه .. لن أسكت عنها ...

شيهان حرفي فوق عال القمم حام=وما لا تطوله روس الاقزام جابه
كسبت جولات القلم والكسل نام=كلٍ من الكتّاب يقرا كتابه
وماتوا من الحسرة صغيرين الأحجام=ومن كان عنده عقل ضيع صوابه
للزور تباعين وأنصار وأزلام=منحوس عبّر به والأخر مشى به
وترى الحسد له جد وأخوال واعمام= تجمعوا على الفشل والخيابه
وخسروا مثل عزة وطه وصدام=ما رد سطوة حد سيفي عصابة
أكتب وقرائي عطاشا وحيّام=يشدهم حرفي بدقة صوابه
بمتابعتهم صار تتويجي الزام=على الكريم اللي عزيزٍ جنابه
حبر يراعي طهر وأسلاح مقدام=كسّر مجاديف الملل والرتابة
يقدّره طاهر مصلي وصوّام=ويصد عنه اللي عليهم جنابة
العلم عقل ونقل وحروف وأرقام=العز تاجه والكرامه ثيابه
ماهو لكم ياجيم ها.. يا الف لام=يالمنطق المعكوس ساس الغرابة
ولو في يديكم ختم تصدير الأحكام=شلتوا هرم خوفو وقلتوا خرابة
وضميتوا اسلندا إلى غوطة الشام=وخليتوا الدهنا من الزورغابة
ويمكن تقولون النور فرع من يام=وزهران والحرّث ماهم من شبابه
والروس والشيشان من عائلة سام=والاوز والبشتون حرب وعتابه
جانبتوا الواقع وعشتوا بالاوهام=لا حولكم توبة ولا من إنابة
ما لوم شخصٍ عن ضحاضيحكم شام= الدبج والضحضاح وش ينبغابه
لا رزقكم طيب ولا بدركم تام=يجوز فيكم حكم حد الحرابه
لكنكم عندي عزيزين وحشام=أحبكم حب الكرم للزلابه
أو كثر حب الزير لعيال همّام=حفظ لهم حق النسب والقرابه
لهذا ترى ما راح نحكم با لاعدام=على مداد أقلامكم يالشيابه
أما تكاتفتوا وجبتوا خبر هام=والا درستوا قُطر قوس الربابه
لكن قررنا نحط الكم لجام=قرار صرح به وكيل النيابه
أقلامكم لازم تبدل بمرسام=ونفرض على ما تكتبونه رقابة

ابن سليمان

لا هنت يا شاعرنا المبدع والمتميز على الاطلاق أبو عبدالعزيز

لرب ضارة نافعة ولربما كانت هذه القرصنة عاملاً مهماً في شهرة

هذه القصيدة والتي أخذت جولة طويلة حول المنتديات الشعبية

فجعلت منها القصيدة الأكثر جدلاً الآن ..... لا تأسف بل افرح بشهرتها

والله يحفظك ويرعاك يا أبو عبدالعزيز وأتمنى أن تأخذ منها نسخى وتضعها

في ديوانك الآن وبالله التوفيق

يقـدّره طـاهـر مصلي وصوّام = ويصد عنه اللي عليهم جنابه
العلم عقل ونقل وحروف وأرقام = العز تاجه والكـرامه ثيابه

صح لسانك اخوي سعود سليمان وبيض الله وجهك على هذه
القصيدة الرائعة والجميلة وهذا ليس غريب عليك فانت الشاعر
الاول في المنتدى ومن يقول غير ذلك يغالط نفسه ويتجاهل الحقيقة
اخوي سعود انت رائع ومبدع بارك الله فيك ونور الله لك البصر والبصيرة
وتقبل تحياتي وتقديري واحترامي ،

صح لسانك ولاهنت يابو طارق

وانا اشهد انك كفووو وشاعر مبدع بكل ماتعنيه الكلمه

هههههههههههههههههههه الله عليك يابو طارق

عنوووان القصيده يررروووع

والمقدمه بعد ههههههههههه

قرصنه وأختطاف وأشباااح ههههههههههههه

وش لون لو أنسرقت سيارتك هههههههههأمزح

على العمووووم صح الساااانك قصيده ما يكتبها الا سعوووود

واسمح لي

القرصنه ياسعود لضعيف وخمام = لو أنه أقرب من قريب القرابه
ودّك على مثله يحكمون الاعدام = ويقطع لسانه قبل حدّ الحرابه
ياشاعرا حطم قياسي الأرقام =الوسم شاهد حق عند التشابه
وانته قصيدك ينعرف لو بعد عام = أميّزه وأعرف من اللي حكا به

تحياااني اخووك الرهاااوي

صح

اللسانك

يابو عبدالعزيز

وسلم بنانك ولاهنت

		المشاركة الأصلية بواسطة : السلطان اقتباس
	لا هنت يا شاعرنا المبدع والمتميز على الاطلاق أبو عبدالعزيز لرب ضارة نافعة ولربما كانت هذه القرصنة عاملاً مهماً في شهرة هذه القصيدة والتي أخذت جولة طويلة حول المنتديات الشعبية فجعلت منها القصيدة الأكثر جدلاً الآن ..... لا تأسف بل افرح بشهرتها والله يحفظك ويرعاك يا أبو عبدالعزيز وأتمنى أن تأخذ منها نسخى وتضعها في ديوانك الآن وبالله التوفيق

أبو عبدالله .. حي مرورك والله

اشكرك على كل ماتقوم به .. في خدمة

ابناء الشدادين خاصة وقبيلة بني الحارث عامه..

بجهودك وأمثالك رجعت القصيدة الى عرينها ...

كل الشكر والاحترام...

لكن شوف الديوان وصلحه

صح لسانك يا سعود ..


ابداع معهود .. احترافيه في تسلسل الأبيات



لله درك

مرررراحب

صح لسانك ملايين

وبنقلها في المرقاب بأسمك

تحياتي وتقديري
دمت بخير

صح لسانك يابو عبدالعزيز

وبيض الله وجهك على هذه

القصيده الجزله

ولاهنت يالغالي

تقبل مروري وتحياتي الغربي