البشري وشهامته ..

السلام عليكم

مســـــــــــاء الخــــــــير,, واســــعد الله أوقاتكم بكل خير

صلوا على النبي ,,,
انا شايب بيغثكم ..
_________________________

هذا جري البشري الحربي, له جار مطيري اعتاد العيش مع البشاريه في حلهم وترحالهم, وكان لجري ولد يقال له: محمد والمطيري له ولد وصديق لمحمد هذا.

المهم اتفق محمد مع خويه هذا على القنص والبحث عن "الضبا", ويوم انهم وصلوا لمكان تواجد الضبا ويعينون لهم شجره يتلاقون عندها.

محمد بن جري البشري, رجع للشجره بعد ما تعب من البحث, وحط رجله على رجل وريّح. المهم وبعد فتره ويجي صاحبه المطيري, وهو مقبل تهيّاله رجول محمد انها "ضبي" وجلس يتحقق من هاللي يشوفه .... والا هو أبد "ضبي" مابه كلام.

وما كذب "عينه" المطيري .... ويخرج البندق " وطلقه" تسكن جسد البشري خويه.... واتجه المطيري فرحان بصيده, ولكن كانت الماساه :(

ويوم شاف ان الصيد هو خويه وصديقه, جلس "مفجوع" جنبه ماهو مستوعب الصدمه الين أظلم الليل, وقام أخذ البنادق, وشال خويه الميت على ظهره, وراح لبيت ابوه ...

فقاله ابوه:عساكم صايدين وغانمين. فقال له ولده: اي والله يبه صدت صيدٍ ما صدته قبل. فقاله ابوه: وش هو ياولدي ووينه؟!!

قاله: يا يبه صيدي تراه ولد جارك جري, وتراني ذبحته سهو ومن دون قصد :( وصار يقص على ابوه ويبكي

فشال المطيري ولده وراح لـ الشيخ/ ســمرة البشري. وقال له القصة كامله, ثم قاله: هذا ولدي ان بغا جري القصاص وان عفا فجزاه الله خير.
ويأمر بعد كذا الشيخ/ سمره بياقاد نار قويه قدام بيته (وهذا بمثابة اعلان لحدوث امر جلل), المهم اجتمعوا القوم في بيت الشيخ ومن ضمنهم جري. وتوجه له الشيخ بالكلام بعد ما حكى لربعه القصة كامله وقال: هذا ولد جارك تحت حسنتك وسيئتك فسكت جري وبكى من شدة الصدمه والفجعه L

وبعد ما هدي جري قام لولد جاره وقص شعر راسه ثم قال: تراني معتقع ولد جاري لله. فقال سمره لجماعته: ابغا منكم تسوقون دية ولد جري فقالوا تحت الامر يالشيخ. وقال: هذي اربعين عقال كل واحد منكم يجيب ناقه.

زيقال بقي عقال واحد تنازعه اثنين من الموجوديم واظطر الشيخ سمره بقص العقال. فجاب كل واحد منهم ناقه بالقطعه اللي معه فصارت "واحد واربعين" ناقه

ويوم ساقوها على جري. عيا عنها وقال: انا اعتقت ولد جاري ولا ابغا جزا لي الا من عند الله. وكل واحد منكم ياخذ ناقته وما قصرتم ياربعي فرجعوا كل بناقته.

قال الشاعر "غير معروف الاسم":

البشري اللي قصته ترفع الراس= وافي ليا بار العميل بعميله
قالوا ولد جارك لفا عقب الادماس= قاتل ولدك وفوق متنه يشيله
خمسين وضحا نوخن دون هوجاس= وعطين ولد جاره بسبة قتيله
ساقوا ولدهم حرب من حر الاكياس=حيثنهم ملفا العلوم الجميله

والله موضوع جميل جدا وتشكرين عليه يالمستحيلة

والخير ترا ماهو بحرب الخير بقبايل العرب فيهم الشهامة والحلم والعطف والكرم والصفح .

فهذا لايمثل قبيلة حرب بحد ذاتها فان مثل فانما يمثل قبايل العرب هذه طباعهم وهذه اخلاقهم ولو كان المطيري او اي فرد ينتمي لقبيلة أخرى مكان الحربي ماظنيت انه راح يقصر وراح يسوي أطيب من اللي سواه البشري .

وأعيد وأكرر الله يعطيك الف عافية يالمستحيلة , فانت لاتأتين الا بالجميل والمفيد .

سلمتي يالمستحيلة

نعم هذه هي أخلاق أهل الشهامة والمروءة من الرجال

وهذا ما حصل من البشري من صفات قليل من الرجال يتصفون بها

أشكرك وأثني على قوة مشاركاتك يالمستحيلة

مشكوره على القصه الراااائعه

والابيات الجميله مع التحيه والاحترام

المنبثق
السلطان
عبدالله
الكرم والشهامه موجودة فيكم جميع ..

الله يقويك ويديم تواصلك

لاهنتي يامستحيلة لاهنتي

سلمت ياسعد .. ياهلا بنغبرتك ..

المستحيله يعطيك العافيه

على هذه القصه الجميله والأبيات

التي أستمتعت بقرأتها

بــــــــــــــحـــــــــــر الشووووووووووووق
تسلمين يالمستحيله على هذه القصه الجميله و الموثرة
ويعطيك ألف عافيه

تحيا وتدوم يالولهان ..