محمد فضاء

السلام عليكم ورحمة الله وبركاته

اقدم بين ايديكم هذه الابيات وهي في اخ وصديق عزيز الا وهو محمد بن فضاء بن سهاج السمي البقمي

لعل وعسى ان تنااال اعجابكم واستحسانكم.


الحظوظ تضيق والاحلام فيض = والعمر روح وحلمي ماقضا

واهني اللي من الدنيا حضيض = ماصبر صبري على جمر الغضا

والله ان صدري من همومي يغيض = مير عز النفس علمني الرضا

والله ان لو حاجتي بيد البغيض = لا اقطع يميني لا مدت لبغضا

كاسبٍ لي سلعةٍ فيها حضيض = احتضيت ابها وغيري ما حضا

خوة اللي خوته لي ظل قيض = مااحتدي عنها لو العاذل عضا

من رجالٍ لاجلها الهاجس يهيض = ملتجا المحتاج عن برد ولظا

والله ان وجيهكم بالطيب بيض = في زمان اليوم واللي قد مضا

ووالله ان الطب للقلب المريض = رفقة اللي كنه محمد فضا

صاحبٍ راسه من الطنخه يفيض = ورفقته لاشك مافيها عوضا



الشاعر/سامي عايض الشدادي الحارثي

اخوي/الذيب
حضيض انا بالسبق لقرائت مثل هذه
القصيده الشامخه بشموخ شاعرها والتي تحفوفه الاصاله والفخر من كل الجهات
بيض الله وجهك ياسنايدي وصح لسانك حتى ترضى
تقبل مروري المتواضع وخالص تحياتي

كفو والله يا شاعرنا أبو عايض
تستاهل الخير ويستاهل خويّك محمد البقمي
وصح لسانك ملايين

بيض الله وجهك
وصح لسانك
لاهنت ولا عدمناك شاعرنا




تحياااااتي

من رجالٍ لاجلها الهاجس يهيض = ملتجا المحتاج عن برد ولظا
والله ان وجيهكم بالطيب بيض = في زمان اليوم واللي قد مضا
ووالله ان الطب للقلب المريض = رفقة اللي كنه محمد فضا
صاحبٍ راسه من الطنخه يفيض = ورفقته لاشك مافيها عوضا

وسبعة انعام بالمااادح والممدوح
سامي لافض فوك
الله لايضرك انت شاعر
متمكن تنحني له هامات الجزال
من القوافي تمتك موهبة وهج شعري
اتمنى ان يصل للاعلام