الذيب من يقدره ياربع ??

هذه القصة رواها احد الاشخاص الذين يحفضون قصص الأباء والاجداد يقول::

[color=#000000]فيه رجل يقال له بدر بن هضيبان العقيلي من قبيلة مطير رجل يملك من الابل والغنم وكان رجل محبوب عند ربعة والناس كان جارة شمري يقال لة عبدالعزيز الجدياوي كانو يردون بيضاء نثيل وكل ماصبحوا نياقهم وغنمهم البل جافله والغنم ناقص منها قطيع درو ان اديره كلها ذيابه وفي يوم من الايام اكل الذيب جمل العقيلي الي يشيل القرب علية وكان الجمل من اغلى حلال العقيلي قال العقيلي لشمري تكفى يابوعبيد الذيب نبي نذبحة قال الشمري ابشر يابدر ويدورون الذيب ويلقونة واللة وتبوش بنادقهم الي معهم ويروح الذيب عليهم ويدورونة عقب ذاك اليوم ولالقوه وكل يوم الغنم ماكولً منها قال بدر ياعبدالعزيز الذيب مايذبخه الا فرج قال الشمري صدقت وانا خونورة والمقصود بفرج هو جارلهم قديم اسمة فرج الضباطي المطيري فارسل القصيدة بدر العقيلي المطيري هذه القصيدة الجميلة يشكي لجاره القديم ويرجوا من الله يجيبه لهم يقول في قصيدة

يـاراكباً حيــــلاً تـقارع لواحيـــه = يامرسلي ردوا عليه اسلامي
اليـــا وصلته ريعه لـين يوحـــيه = ياشوق من كنه ضبي الأدامي
عسى الحياء الجراح يسقي مرابية = حتى فرج ينزل علو العضامي
يابو محارب خمسة الي دبو فية = وبنت الرخيم الها عليهم حلامي
عبد العزيز وجـاره الــي يواليــه = مــاتستوي بـندق بليا غــلامي
نـــادوسها المـاخوذ مغير يلويــه = مدري يزيد الشب فوق الحامي
وبعيري الي كل ضميان يسقيــه = فرع الضريس وفي علو الثمامي
الـذيب اكلنا كـــل محل طاريـــه = يابو محارب عرظوه المضامي

فلما وصلت القصيده لفرج الضباطي اخذ بندقيته فذهب يبحث عن الذياب التي ازعجت جيرانه فوجد هذه الذياب وقضى عليها جميعاً بما فيها الذئب المذكور في القصيده وقطع رؤسها فوضعها بجنب البير التي ياردونها جيرانه فارسل هذه القصيده الجميلة الحكيمه بما تحمل من صفات الرجال القلائل في هذا الزمن رداً على قصيدة جاره القديم

ياراكباً حراً شناحن بياديــه = اسبق من الورقا فريد الحمامي
لولا الواحي راكبه مايواليه = افجح مناكب مثل لون القطامـي
فوقه غلاماً بالقساء مايداريه = همه عصاه وبندقه والحزامـي
ملفاك بدر الي يرحب بعانبه = يفرح الا جوه الربوع الحشامي
ذباح كبشاً ماحسب يوم يشريه = سقم الحريب وقمته بالولامي
ومقلط دلال الهيل ماحسبو فيه = ومصاليات النار والجمر حامي
بهارها من كل الأجناس ناقيه =عوايد المطران في كل عامـي
قله يابدر الذيب ماني بناسيه = جهمت تال الليل وقت الضلامي
واصبحت بذياب الخلأ في حراويه = وجاني يسعسع ماحصله منامي
وعطيتها لين استجلت مقاريه = يوم اكهب الناموس والحض قامي
وحديتها على خويه يباريه = يـوم اعتــرض ولياه ميت قوامــي
والثالث الي دم جوفه على ايديه = يبــي يقوم ولاحصله مقامــي
وثـريت لبعيراً عليــه طريـــه = بــين الذراع وبين خشم العدامي
قطعت راسه لين كلً نظر فيه = وبعد ذبحت الذيب زان الكلامي
والرجل صندوقاً يشال الذهب فيه = تعلموا يلــي تبــون العلامــي
والخبل للماجوب عذره يسويه =شوماً عنه يازاهيات الوشامـي

ارجوا ان القصة اعجبتكم ولكم التوفيق

لي رجعة للتعليق على القصة

الآن أنا بطلع لأني متأخر ومشغول

أرجو استماحة العذر

ياليت زمنا ذا فيه تواصي الجيران مثل اول
قصه جميله اضفتها الى ملفات اجمل الاشعار

ساري السلطان انا سعيدة بمروركم

والرجل صندوقاً يشال الذهب فيه=.. تعلمـوا يلـي تبـون العلامـي
والخبل للماجوب عـذره يسويـه=.. شوماً عنه يازاهيـات الوشامـي

سمعتها من قبل وانطربت لها كامله من يديك

لاهنتي يامستحيله لاهنتي...

لا ندمت ياسعد .. ياهلا بمرورك ..

قصه موروثه رااااااائعه يالمستحيله

الروعه تواجدك هنا ياندى

مايقدرالذيب الاذيب مثلة

والأولين كلهم ذيابة وصقور

كل علومهم طيبة

وهم اهل نخوة وكرم وفطنة وحكمة وشهامة وشجاعة

هذي صفات الرجال الي تكادتكون نادرة في زماننا هذا

اختي المستحيلة

قصة معبرة بهاكثير من الفوأد

لكي مني جزيل الشكر

شكرآ يالمستحيله على القصه

الراااائعه والابيات الاكثر روووعه

تحيتي لك ودمتي بووود