قصيدة عابرة سبيل لزوجها قبل وفاتها

قصيده وقصه حقيقيه للشاعره عابره سبيل ،،، (رحمها الله)

--------------------------------------------------------------------------------

حبيت انقلكم هذا الطرح المميز

من هي الشاعره عابرة سبيل ؟؟؟

هي شاعره كويتيه لها ديوان شعري اسمه عابره سبيل

واشعارها رائعه جــــــــدا ولكن القدر شاء ان نفقد هذه الشاعره

بسبب مرض السرطان ابعدنا الله عنه

وللشاعره 6 ابناء اكبرهم عمره 12 سنه

واثناء ما كانت على فراش الموت كتبت هذه القصيده

التي تبين مدى ايمانها بالله وان الموت سيكون مصيرها لان

هذه ليست اول مره تدخل بها المستشفى بل كانت تدخل وتتعالج

ويقوم زوجها بذبح وليمه لشفاءها ولكن المرض دام معها

حتى ماتت وكانت هذه اخر قصائد عابره سبيل لزوجها...


الشاعره / عابرة سبيل رحمة الله عليها

كتبتها قبل وفاتها وسلمتها لاختها الكبيرة

وامنتها ان لاتخبر بها احدا الابعد وفاتها

ـ ـ ـ ـ ـ ـ ـ ـ ـ

تـرى الـذبايح واهـلها مـاتسليني =انـا ادري ان المرض لايمكن علاجه
ادري تـبي راحـتي يـابعد عـيني =حـرام مـاقصرت ايديك في حاجه
اخـذ وصـاتي وامـانه لاتـبكيني =لـوكان لـك خاطرن ماودي ازعاجه
ابـيك فـي ايـدينك تـشهدني وتـسقيني =وداعتك لايجي جسمي بثلاجة
لف الكفن في ايديك وصف رجليني=ماغيرك احدن كشف حسناه وحراجه
ابـيك بـالخير تـذكرني وتـطريني =يـجيرني خـالقي مـن نـار وهاجه
سـامح عـلى الـلي جـرى مـابينك وبيني =ايام امشي عدل وايام منعاجه
اعـيالي هـمي وانـا الـلي فـي يكفيني =علمهم الدين تفسيره ومنهاجه

،،،،،،،،،،،،،،،،،،،،


عندما علم زوجها بالقصيده بعد وفاتها رد عليها بالرد هذا:

حاولت أنام وحاربت عيني النوم=وجريت صوت مثل صوت الذيابه
والجفن كنه صاير وسطه هزوم=ودموع عيني مثل رش السحابه
على وليفِِ قالوا اليوم مرحوم=راح وتوفى ما تهنى في شبابه
زرت القبور اللي على بعضها رسوم=حطيت رسمِِ فوق ذيك النصابه
قلبي من الدنيا عليل ومرسوم=الوسم توه عقب خط الكتابه
أحبها مير القدر صار مقسوم=ويحبها كل الأهل والقرابه
الموت أخذها وأودع القلب مسلوم=جرح عميقِِ ما يداوي صوابه
الموت أخذ شجعان ورخوم وأقروم=وأخذ رسول الله وباقي الصحابه

واخيرا
رحم الله الشاعره
وموتى المسلمين اجمعين

واسال الله لنا ولكم الخاتمه الحسنه
والسلام

يعطيك العافيه يا ريم الصحراء

رحم الله الشاعره ولاهنتي على نقل قصيدتها ..

الله يعافيك يابنــــــــــــ {H}ــــــــــــــدر
ومشكور على مرورك
عقدتني باسمك وأقواسك

ههههههههههههههه

ما تعرفين تختصرين ههههههههههه

قولي بندوري ههههههههههههههه

لا ما أعرف أختصر يأخ العرب
الحروف قليله وكملتها بضحكة هههههههههههههههههه
وش اسوي حكم الرد علي

ريم الصحراء ،،،
يعطيك العافية على هذا النقل ...

ورحم الله الشاعرة ،،،
تقبلي مروري ...

حاتم الشدادي

شاكرة لك مرورك العطر أخي الكريم

مشكوره ياريم الصحراء

والله يعطيك العافيه

يعطيك العافيه يا ريم الصحراء على النقل ورحم الله الشاعره وجميع اموات المسلملين
تحياتي ,,,

رحم الله الشاعره برحمته الواسعه

أبيات مؤثرة

يعطيك العافية على الإختيار المميز

ومشكوووره اختي ريم