قايد الريم

اسعد الله اوقاتكم بالخير
جديدي عسى ان يرتقي لذائقتكم

افكار هاجوسي لفني معازيم=صخرت منها كايدات القوافي
للي بعاده حطم القلب تحطيم=وليا شكيت الحال قالوا عوافي
يا ناعس الطرفين يا قايد الريم=لا تحسبني يوم صديت جافي
انا بدونك عايش الهم والضيم=اضحك و همي داخل القلب خافي
عزفت لك باوتار قلبي تقاسيم=واطربت روحك باللحون الرهافي
وابيع روحي في محبتك واهيم=والستر من بين المحبين ضافي
امرار اشد ومر في دارك مقيم=ادعس على الأشواك والرجل حافي
واليوم تصدر لك عليه تعاميم=ظلمتني وتقول مانته بوافي
خلطت من ظلمك جميع المفاهيم=حتى السمان اضحت بعيني عجافي
صحيح ياما فالسجن من مظاليم=والله واعلم لو تبان الخوافي
انا ادري ان الوقت كله مقاسيم=يصفي وبعض احيان ماهو بصافي
لو ينكشف جرحي غزته الجراثيم=ولو تنعمي عيني غدى الكون طافي
الصبر طيب والليالي مقاديم=الخير قدامي و همي خلافي

وسلامتكم

مشعل الجعيد

ياناعس الطرفين ياقايد الريم
لا تحسبني يوم صديت جافي
.
خلطت من ضلمك جميع المفاهيم
حتى السمان اضحت بعيني عجافي
.
الصبر طيب والليالي مقاديم
الخير قدامي وهمي خلافي
.
صح لساااااااااااااانك
يــ مشعل
ابداع حقيقي
نص جميل جدا
ومعاني ساميه
تعتلي للصداره
دمت
بخير

صح لسانك وعلاشانك
ابيات رائعه يـ مشعل بيض الله وجهك
لاهنت

الله عليك يا مشعل


مبدع يا رجل مبدع


نصوصك تملك من الجمال مالله به عليم


تقديري لروحك الطيبة

الصبر طيب والليالى مقاديم
الخير قدامي وهمي خلافي
لله درك يامشعل رايعه من روايعك اللى عودتنا عليها صح لسانك مليارات يامبدع والله يعطيك الف عافيه
تقبل تحياتي,,,

كفو والله يا أبو سلمان
والله يحييك من جديد في منتداك

سعدنا بهذا النص الرائع الجميل
فصح لسانك وعاش بنانك
ولا تغيب عنا نبغى الجديد

		المشاركة الأصلية بواسطة : غـــــــــــلا اقتباس
	صح لسانك وعلاشانك ابيات رائعه يـ مشعل بيض الله وجهك لاهنت

صح بدنك ومشكوره ع المرور الذي اضاء متصفحي

		المشاركة الأصلية بواسطة : محمد المريري اقتباس
	الله عليك يا مشعل مبدع يا رجل مبدع نصوصك تملك من الجمال مالله به عليم تقديري لروحك الطيبة

لا هنت اخوي محمد وعساني ما افقدك

إي والله الصبر طيب ..

يا مرحبا تراحيب الأمطار يالشاعر الجزل وحياك الله ..

قصيدة رائعة من روائعك التي دائماً تتحفنا بها .. وصح إلسانك مدد بلا عدد .

مرحبا مليون بضيفنا واخينا المعلم والشاعر مشعل الجعيد ويسرني تواجدك معنا
وصح السانك ملايين على ماقدمت
ونكرر لك التر حيب