هب النسيم وسنا البرق وضّاح

هب النسيم وسنا البرق وضّاح=وجهة ديار لها القلب يومي
وارزم رعد والحيا بارضها طاح=واسقى ثرى سهلها والحزومي
والبس من النبت تيجان ووشاح=يشرح خواطر ويجلا الهمومي
ريضان تزهر ومنها الشذى فاح=والطير شادي يحط ويحومي
مريت طرقي خلاوي وسوّاح=وارتاح بالي وزانت علومي
وعزّمت مالي عن البر مرواح=اهنا بليلي واسيّر بيومي
اذكر تفاصيل وقت لنا راح=والنار تشعل واسامر نجومي
امسي بسجّه واصبّح بمسراح=واجول مده واجدد عزومي
عن وقت كنه معلق بملواح=والعمر وان طوّلت مايدومي
ولا دام هم ولا دامت افراح=والحال وقعه علينا عمومي

صح لسانك
ولاهنت أخوي
شكري وتقديري

		المشاركة الأصلية بواسطة : بنت النشامى اقتباس
	صح لسانك ولاهنت أخوي شكري وتقديري

يامرحبا باختي النشميه
ولك الشكر الجزيل
مع فائق الاحترام والتقدير

هلا بك يا أبو فهد
والله يحييك يا شاعرنا العذب الجميل
ما قصرت والله يبيض وجهك
وصح لسانك ملايين

صح لسانك
والله لايهينـــــك عــلى روعـــــة الابيـــــات ,,,,

		المشاركة الأصلية بواسطة : السلطان اقتباس
	هلا بك يا أبو فهد والله يحييك يا شاعرنا العذب الجميل ما قصرت والله يبيض وجهك وصح لسانك ملايين

مرحبا بالسلطان العزيز
حياك الله وابيض وجه
وصح بدنك
ولاهنت ولاعدمناك

.













وَ لا دام هَّم وَ لا دامتْ أفراح
وَ الحَال وقعهُ علينَا عموُميْ

وَ رزيِمْ القافْ هُنا كَ رزيمْ الرعَّد وَ رُبما أَقوُىَّ
قافُ مُزهِر بـ الشذىَّ وَ عبَّقْ المطَّر يتقاطِر منهُ عُذوُبةً
صَّح الله بوُحكْ إِبنُ مَالكْ وَ لا هِنتْ على هكذا
عطاءْ زاخِر وَ حضورٍ طَاغيْ ’

		المشاركة الأصلية بواسطة : شيهانة المرقاب اقتباس
	صح لسانك والله لايهينـــــك عــلى روعـــــة الابيـــــات ,,,,

يامرحبا يالشيهانه
والروعه في حضورك وتعليقك بارك الله فيك

صح بدنك ولا هنتي

		المشاركة الأصلية بواسطة : ! سارة الغيد ! اقتباس
	وَ رزيِمْ القافْ هُنا كَ رزيمْ الرعَّد وَ رُبما أَقوُىَّ قافُ مُزهِر بـ الشذىَّ وَ عبَّقْ المطَّر يتقاطِر منهُ عُذوُبةً صَّح الله بوُحكْ إِبنُ مَالكْ وَ لا هِنتْ على هكذا عطاءْ زاخِر وَ حضورٍ طَاغيْ ’

سلمت يديك ياساره
وسلم راسك على هذا النص الفريد
والذي هو ايضا يتقاطر بالمفردات القيمه
لاخلا ولاعدم