وقفت لين اني من الوقفة أزريت

وقفت لين اني من الوقفه ازريت =وتعبت لاكن مارضيت بمطيحي
اول بداية طيحتك لاتواسيت=يجيك منهو بالوقاحة صريحي
لاكن بعدها لا وقفت و تساويت =تسمع صدا الأصوات كلن يصيحي
اما عطوك السم في كل مااوحيت =وإلا رضو لك حاجة ماتريحي
كم حي ترفع قيمة عندنا ميت=لامستو ماهو لمثله صحيحي
الي منول يجلس بطارف البيت =من فعله الي قدم وجهه قبيحي
اليوم تسمع من هل الطيب له صيت=أصبح سويد الوجه وجها" مليحي
قبل امس ماله مجلس كل مآ جيت =واليوم أشوفه قدم عيني يفيحي
كم حي ترفع قيمة عندنا ميت=لامستو ماهو لمثله صحيحي
لاكنهم لاذن وصلو وصليت =في مسجد الله مستواك الصحيحي

تبارك الرحمن شاعرنا رائعه
القصيدة دمت بحضورك ومشاركتك الرائعه هلا وسهلا بك
دمت بحفظ الرحمن ونقول هل من مزيد نجم ساطع ف سماء الشدادين ابن نايش

اخي الشاعر
فاتك حضوري
صح لسانك وسلم بنانك
تقبل مروري المتواضع وخالص
تحيـــــــــــاتي

صحة ابدانكم جميع وشكرا لكم ولمروركم الكريم

حياك الله يا أبو نايش
والله يبيض وجهك ويعلي قدرك
ما قصرت يا بعدي
وعسى عمرك طويل وصح لسانك

صح بدنك وشكرا لك ولمرورك الكريم