الضيف يبغى له كريم يعشيه .. للشاعر بسيس

كريم يابرق سرى في مناشيه=يلوح مابين التهم والشعوفي
نوه اليا خيل ودن الرعد فيه=قام يتلامع مثل لمع السيوفي
مااحلا الحياء والوقت ماينقعد فيه=الا لمن تحداه عنه الضروفي
الوقت هذا مايعلم بطاريه=وراعي الشداد انحال فوق الردوفي
لاقلت وين فلان قالوا ماهو فيه=حيث ماهو فيه عميا الصنوفي
الضيف يبغى له كريم يعشيه=اما ذبح له تيس ولا خروفي
والرجل صار طماعته عند عانيه=يبغى على بنته تجيه الالوفي
واليا عطى خمسين ماهيب ترضيه=وخمسين للحفله وراعي الزروفي
ياللي تسوي البيت جود مبانيه=صلح له العمدان قبل السقوفي
حتى يزين ويعجب اللي يجي فيه=ولاتلحق المال المولي حسوفي
والنفس جنبها الردى لاتجي فيه=ودع بها رب القوي والضعوفي
ومع الجماعه كل فرض تصليه=دين عليك وكل ديان يوفي
والحكي بين الناس بالك توديه=ان كان به عندك من الله خوفي
وكل على فعله يبى الله يجازيه=عابد وجيه الناس والله يشوفي

الله الله يا أبو محمد
ونعم الرجل أبو فواز عسى مثواه الجنة
وعسى الله يسلم يديك يا أبو محمد
كفيت ووفيت وما قصرت

سلمت يمينك أخوي انحش جيتك ...
والله يرحم قائلها ، ويجعل مثواه الجنّه إن شاءالله ...

الله يرحمه ويسكنه الجنه


سلت يا شاعرنا على النقل ودت بود ..

رحم الله شاعرنا أبو فواز وأسكنه فسيح جناته

ونطالبك يابن العم بالمزيد من قصائد أبوك الله يرحمه

وإذا كانت عندك مساجلته مع الشاعر حنيف بن مبارك بن مهرس رحمه الله ياليت تنقلها لنا

وبيض الله وجهك يا سنايدي

ابيااات .. ومعااااني
في قمة الروووعـَة

صح اللسان الشاعر
وسلمت يمينك
دام هذا الحضور الرااقي