إلى الغربي عيد الشعر

سلام يالغربي ووين التراحيب=ياللي دخيلك لاوصلك مايضاما
المرجلة فيكم ياأهل المواجيب=ونعم بكم ياطيبين الكلاما
أنتم لنا فخر وأنتم أصاحيب=ربعي ذوي شداد قوم نشاما
وفالحروب ماتقتلون المصاويب=عدوكم لن شافكم راح شاما
وإذا نصاكم ضيف نعم المعازيب=أهل الكرم وأنتم رجال كراما
جيرانكم تشهد لكم ياهل الطيب=ياهل العلوم الغانمة والمقاما
‏

وسلااااامتكم

الله الله صح لسانك ملايين

يانايف بن شداد والله يقويك

ننتظر رد الغربي

صح لسانك ياأبن شداد وعساك عالقوه اليوم ودوم


بنتظار أمير القوافي

الله يحييك يا نايف عند الغربي وربعه
وسلمت وسلم غاليك وكلنا في الحال واحد
وأبشر بعزك وصح لسانك
وبإنتظار أبو عبيد

صح لسانك يا نايف على هالإبداع ..

صح لسانك ولاهنت بنتظار الغربي
دمت بخير

		المشاركة الأصلية بواسطة : نايف بن شداد اقتباس
	سلام يالغربي ووين التراحيب=ياللي دخيلك لاوصلك مايضاما المرجلة فيكم ياأهل المواجيب=ونعم بكم ياطيبين الكلاما أنتم لنا فخر وأنتم أصاحيب=ربعي ذوي شداد قوم نشاما وفالحروب ماتقتلون المصاويب=عدوكم لن شافكم راح شاما وإذا نصاكم ضيف نعم المعازيب=أهل الكرم وأنتم رجال كراما جيرانكم تشهد لكم ياهل الطيب=ياهل العلوم الغانمة والمقاما ‏ وسلااااامتكم

صح لسااااانك يانايف وبيض الله وجهك

وماعليك زود يالغالي

هذا رد على السريع واعذرنا على القصور

يامرحبا ماتشرق الشمس وتغيب=عداد ماتنشى مزون الغماما
ترحيبٍ احلى من قراح المشاريب=ياصاحبٍ بالطيب والجود قاما
من عزوةٍ يروون حد المقاضيب=وعدوهم مايهتني بالمناما
ما كنك الا يالسنافي كما الذيب=ولا مثل حرٍ كفخ ثم حاما
حياك ربي ياعطيب المضاريب=مافالخواطر غير طيب وسلاما
هذي تحيه مايجيها عذاريب=ندقها لابن الرجال الحشاما
رتبت لك جزلات الابيات ترتيب=ونبغى السلام يكون مسك الختاما

صحت السنتكم

أبيات جزلة

لاهنتم

^
^

ماشاء الله صح لسانك نايف وصح لسانك الغربي ..


أبيات رائعه ...


الف شكر لكم ..

صح لسانك اخوي نايف واخوي الغربي
وتسلم يمنك انت ويه