بعد الغياب ... إهداء إلى ابن رزيق

السلام عليكم ورحمة الله وبركاته

كيفكم / جميعآ

بعد غياب لا املك لهُ مبررات وإنما التمس منكم العذر فأعذروووني!!

اتيتكم بنص بسيط اهديه إلى أخي (( فهد بن رزيق ))

وكما عذرتموني على الغياب .... اعذروني على بساطة النص

سلام يا راعي الفضيلات=يأبن العزاوي الحارثيه
يالي بقلبي له منارات=عز وغلاة ومقدريه
لا يا فهد فالقلب حسرات=احزان وهموم وأذيه
ضاقت علي سبع السماوات=وامسيت اجر السامريه
ساعات لامن ضقت ساعات=العن ابوها العسكريه
ما بين صفات وخفارات=ولا ثبوت وداخليه
وأن غبت اكلت ا/من الجزاوات=عالباب ولا فالسريه
والضابط امصدر قرارات=منع الإجازة خارجيه
لا يا مديرين الجوازات=ترى الخوى يبغى خويه
حبيبتي وسط الأمارات=وأنا ورى نجد العذيه
من بيننا حالت مسافات=لا يا فهد ويش السويه
احبها والحب ما مات=ما وسط قلبي كود هيه
حبي لها بالذات بالذات=حب البدو للشاذليه
مير الوصل من بيننا فات=مرت سنه ما هي شويه
لا يا فهد ما هي سهالات=المسأله جدآ قويه
لا يا فهد هات الخبر هات=ولا تركنا العسكريه

دمتم سالمين

يا هلا والله بشاعرنا العذب المتميز
محمد المريري
وأهلاً بعودتك ومعذور على غيابك
يستاهل أبو رزيق كل خير

كفو أنت وحياك الله بعد غيابك وإن شاء الله آخر الغيبات . وصح إلسانك
وكفو بن رزيق ويستاهل المدح وتوجيه الشعر .

والله يبعد عنكم الهم .

شكراً لك

حبي لها بالذات بالذات
حب البدو للشاذليه
هلا وغلا بالغالى محمد المريري ويعلم الله انك شرفتني يوم اسندت القصيده الرايعه لى الله يبيض وجهك ودايم وانت راعي الاوله وسباق لكل علم غانم ولاقول الا الله يعيننى على الرد والله يجملني معك ومعك امثالك من الرجال الطيبين وانتظر ردي المتواضع وبيض الله وجهك مره ثانيه
تقبل تحياتي,,,

والضابط مصدر قرارات
منع الاجازه خارجيه

الله الله

صح الساااااانك ملااااييييييين

ولآهنت

ومعذووووووووووور يالذيب

قصيده جزله حازت على كامل رضاي

وفقك الله يالذيب

الله الله
يامحمد
الدنيا حضور وغياب
وانت دام حضرت يمحي غيابك
ونلتمس لك العذر
والله يحييك
صح لسانك
والله اني شلتها
اعجبتني ومسندها على شاعر كبير
وبزيد من همة فهد
يوم شلتها رردت بيتين
اقول فيها


قم يافهد هات العبارات
هات الحلول العالميه

.
.
ارسم له الفرحه وبالذات
خل المعاني داخليه


صح لسانك يامحمد
وبيض الله وجهك
دمت
بخير

محمد المريري
صح لسانك
قصيدة وافيه
ومسندة على شاعر كبير
في انتظار الرد
تحياتي لك

اخوي/محمد المريري
صح لسانك والله حتى ترضى
راقي والله يامحمد بهذا السهل الممتنع
الشافع بكل الامكانيات والدوافع
اسندت على زميل وشاعرنتوسم في رده عليك ان يوكب المستوى
المرموق لقصيدتك
تفضل بقبول مروري المتواضع وبفقه خالص تحياتي

الخلوق محمد المريري
شاعر رائع افتقدناه طويلا ومثلك لايشفع له لو يكتب قصيده كل اسبوع
لاننا نتطلع الى جديدك وجديد كل مبدع مثلك وشرواك
وهذه القصيده رائعه بكل المقاييس سهل ممتنع
اسندتها على شاعر لايقل روعه
وننتضر رده عليك
تفضل بقبول ائق الاحترام

		المشاركة الأصلية بواسطة : السلطان اقتباس
	يا هلا والله بشاعرنا العذب المتميز محمد المريري وأهلاً بعودتك ومعذور على غيابك يستاهل أبو رزيق كل خير

حضورك الأول يزيد النص تألقاً



السلطان



لا خلا ولا عدم