هل دموع الرجل في الحب فخر ام مهانة

ما ودي أرجع يا أبو سعود وأرد
لأني قلت آخر محطة لي

للمعلومية وللمرة الألف تسيء الفهم
وما عرفت تقرأ أسطري زين يا عايض

أنا قايل لك لا ترد علي إلا بعد ما تركد وتقرأ كلامي ألف مرة
يعني تركد زين وأفهم وش أقصد وبعدين تعال رد
والشقشقة خليتها لك يا خالي

خخخخخخخخخخ
أنا شفت الجازي تقول هجوم وماهجوم
وجيت مطفي النور وتوني صاحي بعد
لكن إن شاء الله ينفهم الدرس هالمره مافيني أشرح مره ثآنيه

يالبى شقشقة العصافير

دعاني هذا الموضوع
لموضوع مثله قديم وقصيدة لي قديمة
والابيات تتحدث عن رائي ومشاركتي
وقد اوردت من الابيات مايخص
الموضوع وتركت باقي
القصيدة

واصبحت أنا للضيق ومزايم البين=اسير لو الكون عندي براحة
يادمعتي طيحي وحنا قويين=لأجلي أدور للهموم استراحة
ويابو فهد يا ذخر من يقضي الدين=ما ذقت سقم العشق وإلا رماحه
وإن عيوا الشعار حنا معيين=وكلٍ على مافيه يضمد جراحه

واعي,,,
وسلامتك ,,,

وهذا رد الشاعر ابو فهد

الاخ سلطان الحارثي ابو عبدالله جاريت القصيدة وجريتنا معك


ياليتنا عن حجنا مستخيرين * ولاارسلت لك شعر ينقض جراحه
رمح الهوى صاب الرجال الشجيعين * حب الشرف ماهوب حب البجاحه
لولا ي اوسع خاطري يالكريمين *بذكر ربي للصدور انشراحه
وخوة نشاما مثلكم يالعزيزين * وبالشعر والسجات للبر راحه

واصبر على المقسوم والله لنا يعين *وارجي فرج رب يصرف رياحه
ابو فهد

موضوع راقي ومميّز
ألف شكر للأخت / شدادية مصقرة
دمتم بخير جميعاً

يادمعتي طيحي وحنا قويين=لأجلي أدور للهموم استراحة
الله يعطيك العافيه
ياواعي..

		المشاركة الأصلية بواسطة : السلطان اقتباس
	ما ودي والله إني رجعت لهذا الموضوع لكن من جد تعجبت لهذا الموضوع رجال سمين بدين متعافي ما فيه من علامات الحب شيء ويقول ما أحد جرّب الحب مثلي والرجال ما يبكي من الحب؟!!! وأخرى تقول: ما أتخيل إن فيه رجال يبكي عشان الحب ..!!! حنا نتكلم عن مشاعر والمشاعر في الإنسان تميزه عن الجماد البشر قلوب وأحاسيس والقلب يعشق ويحب ويتمنى الاستقرار العاطفي ومسألة التنقل من أنثى لأنثى تتنافى مع هذا الاستقرار ...!! عموماً بكاء الرجل ليس كما يتصور البعض هنا ومثل ما يقولون ينوح ويتهشّم بكاء الرجل حرقة في قلبه تذرف بها عيناه دمعاً لا يتصرف به ولا يسيطر عليه.. من يقول أن دمعة الرجل غالية أقول له: نعم هي كذلك ولذا تذرف لمن أغلاه قلبه وأحبه لا أحب التناقض لكن يبدو أن بعض الحب ليس إلا مجرد لعب وتعلق ولذا انتفت المشاعر الحقيقية وزادت فرص التبديل في نزيلات القلب

ها الدب اللي تقول عنه شكل السمنه
غطت على قلبه وأصبح لايشعر بشي
الله يكون بعونه...

انا أتفق مع اخوي الغريق في كلامه

الهشام
مشكور وماقصرت أخيراً صآر معي واحد
بعد ماكنت لحالي صدق اللي يقول جيتكم واحد وجيتوني جماعه

ياناس أفهمو عنوان الموضوع
(هل دموع الرجل في الحب فخر ام مهانة)

منو اللي فيكم يفتخر أنه يبكي ؟؟؟؟؟؟

يبكي رجااااااال عشااااااااان الحب

انا بجد ماحب اشوف رجال يبكي الا بوقت شئ يستاهل دمعته

اما عشااااااااااان الحب

هذا رأي الشخصي

مشكوره المصقره لكن اعجبتني ردودك على الاعضاء احسك متحمسه

ربي يسعدك

,
موضوع حلوو كثير .. والربع تحمسو ..

اما رائي بالموضوع ..
اذا كانت دمعة الرجل على حبيبته اللي هي زوجته .
.في رائي انها فخر وبقوه كمان >وصار لي هــاالموقف وفعلا حسيت بالحب وابو ابو الحب بعد

اما انه يبكي على بنت الناس ..اللي في بيت ابوها ..ماهي مذله بس احس انو ماله داعي البكاء


شكرا بحجم السماء شداديه

ربي يسعدك
,

		المشاركة الأصلية بواسطة : الغريق اقتباس
	الهشام مشكور وماقصرت أخيراً صآر معي واحد بعد ماكنت لحالي صدق اللي يقول جيتكم واحد وجيتوني جماعه ياناس أفهمو عنوان الموضوع (هل دموع الرجل في الحب فخر ام مهانة) منو اللي فيكم يفتخر أنه يبكي ؟؟؟؟؟؟

يبكي ويفتخر الشخص اللي جرب وحس

بمعني الحب&


وصدقني انهم فاهمين وعارفين وش يكتبون يا الغريق..