ابيات من قصيده للشاعر بسيس رحمة الله عليه

الله على جمس سماوي كما الما=ابغى اتمشى به بعد قل حيلي
ماقصدوه اهله عليه بسلما=وبشرط عليه مورده مايميلي
لو عندنا من غيب الايام علما=ماكان نبني البيت وسط المسيلي
الكيف للشراب ماهو كما الما=وانا على شرب المصافي عليلي
الي ذهيب ضاع ماعنه علما=ولحد يرد العلم للي يسيلي
علم على معناه ماهوب حلما=وصبري على ماصار ليلي طويلي
ان جيت ابسري في اخر الليل ظلما=وان جيت اشيل البشت ماله مشيلي
اللي كلامه يثلم القلب ثلما=مثل السراب يصير ماله حصيلي
واللي يجيب الما مع مخضخض الما=هذاك قلبه مثل قلب الحسيلي
ان شفت في قولي تجني وظلما=بشتال فردي والتوي بالدخيلي
ابغى دخل يعرم الخشم عرما=ادور الطيب واكب الذليلي
ماابغى الردي جعله من السطح يرما=بختار من ربعي عبيد الحويلي
يبقى ولا يحرم من الرزق حرما=ابو سعود اللي يحب الجميلي
لون بعض الناس صم وبكما=مايعترض في الدرب ماله دليلي

الله يرحم الشاعر الكبير ابو فواز ويغفر له

قصيدته جميلة

اشكرك انحش جيتك على نقلها لنا

الله يرحم ابو فواز ويجعل مثواه جنات النعيم

أنحش جيتك شاعر مبدع وذوقك راقيء ونقلك واعي وفقك الله

شكرا لكم على مروركم
خيال الشدادين تسلم طال عمرك شهاده اعتز بها من شاعر كبير مثلك
تحياتي للجميع

الله يرحمك يا شاعرنا الكبير أبو فواز
ويجعل مثواك الجنة
عز الله إنك فقيدة وعسى الله يسلمك
يا أبو محمد ويبارك فيك