علــى جــــاري مبــــاح الشـــــوق!!

اعزائي اداري واعضاء شبكة الشدادين الرسميه
اسعد الله صباحكم /ومسائكم بكل خير
اضع بين ايديكم هذا البوح المتواضع أأمل ان يحوز على رضاكم والسلام عليكم

على جاري مباح الشوق وامرك والولا والعوق=انا اللي من بعد اذنك ابقرى ماتهجيته
ابخفق فوق واطلع لجل ذوقك ياحياتي فوق=واببطي كل شي ممكن لجل ذوقك وسويته
يروق احيان بعض الوقت فكري واشكله ماروق=ولو تدري عن الخافي بلا ماجوب ضريته
على وجهي قبال ومرحبا بك بالغلا موثوق=ولاخطوه تميل ولايميل الراس لو كيته
يعز الشوق فوق اللي توريته بعزه فوق=ويشغف بالغلا قلبآ على فكرك تحريته
احبك كثر ماتبصر حروفك بالمضيق انتوق=واسوي لجل حرفك في عروقي نغمة وبريته
احبك لمحتآ باحت على دم الوفا بعروق=ولو ان الحب يقطر من جبينك ماستغليته
احبك ايه احبك لاحصل سرقه ولا مسروق=مجرد حلق يابس من عطش واشفقت بليته
تموت من الخطا شيمه بلا ذمه ولا مصدوق=اخيرآ تنتهي ياليتني ماخذت واعطيته
نزلت ومادهاني فالليالي طرقها المطروق=لو انك حرف معكوف الشنب يقراه بكيته
اجيك بلا جروحآ مدميه في شيمة المنطوق=مدلل بس مابين السطور بذوق راعيته
ابهرج لاخر ابعادك وانا احرص من غلاك اشفوق=حلالك في امانه والحرام الله ولاجيته
ابستبكي وابكي مفردات الخافق المخنوق=كذا مرسول حب بلا شياطين وعفاريته
انيسآ من خلقه الله وهو يكره عجول البوق=زلالآ عذب بين ايديك لاشفته تقهويته
اذا لك حق ياوقتي مبشر بالسعد مسبوق=حقوق الطبع مفروضه على اللي ماتوديته
يذكرني مباح الشوق وامرك والولا والعوق=بفكرآ كم ظلم حقي وانا فالدرب ماخطيته

اخي جزل البيان
اسعدالله مشاك بكل خير
تمنيت لو انك اطلقت على هذه القصيده الرائعه
(شيمة المنطوق)

نص شعري بمعنى جميل للعذوبه
احساس عال
حالة احتراق
حيره للعشق في غربه للمشاعر
محاكاة ابعاد واتجاهات الذات البشريه
كل هذه الاستنتاجات استطيع ان الخصها
انها ترجمه لفكره تدور في بال الشاعر وتوصيل للبوح الشعري بسهوله وادب
جزل البيان
بهذا النص عرفتنا كيف يحترم الشاعر ذائقة الجمهور
لله درك دائما مبدع
لك مني جزيل الشكر
وتفضل بقبول فائق الاحترام

اخوي الغالي/حطاب ليل
ويمسيك الله بالخيروالعافيه
مرورك هو الأرقى والأذوق
دئما وابدى
والاسم الذي اطلقته والله انه
لكان الصواب بعد مرئته بين قوسين
شكرا لك حتى ترضى
وتفضل
ياعزيزي
بقبول
صادق
الود

رائعة جدآ أخوي جزل

لا هنت و الله

أبيات قوية بالمعنى و التركيب

شكرا لك

الشاعر الجزل
( جزل البيان )
لم أجد هنا إلا كل إبداع وحرفنة في السبك والحبك ,.
وأهلاً بك ياجزل الشعر .. لا لا أنت الشعر نفسه
وصح إلسانك مدد بلا عدد ,.

هديل الحب
الأروع مرورك
وشكرا
للأطراءالعذب
تقبلي
تحياتي

اخوي/بندر النايف
صح بدنك ياعزيزي
وسلمك الله
وشكرا للأطراء الراقي المميز
تفضل
صادق
الود

اخوي/صقرالمراجل
الأجمل والله مرورك العذب
والراقي سلمك الله ياعزيزي
وتفضل
بقبول
تحياتي

صح لسانك ملايين ياجزل البيان

ولاهنت والله

..........................