مزاين تبوك

هذه القصيده القيت في مزاين تبوك
في شهر 12/1431
وذلك بمناسبه مشاركه الشيخ/عبدالله سعيد الحارثي
وفوزه بالمركز الاول وضح فردي
والمركز الثاني وضح ذود
وهذه القصيده القيت فالحفل الذي اقامه بهذه المناسبه
والراعي الرسمي للحفل قناه الصحراء

بسم الاله مكون الكون كله=اللي عبيده كلها تحت ضله
الواحد اللي كلبونا نساله=اللي وهب للناس مذهب ومله
يارب يامنشي نسيم الهبايب=ياعلم(ن) بالحال دقه وجله
تجعل لنا في كل خطوة سلامه=وتبعد دروبي بعد عن كل زله
والثانيه ياهاجسي شد حيلك=خابرك لك ميقاف دايم تصله
شاعر وغوص البحر واجيب دره=ماجيب بعضه جبت انا الدر كله
الشعر نبراسي وانا نبراسه=حبل الشعر في يدي فتله وفله
يامرحبا ترحيبت(ن)عالميه=عد الشهور وعد مبداء الأهله
وعد الحجيج وعد ماطار طاير=وعداد ماخط القلم في المجله
وعداد مادن الرعد في مزونه=وعداد سيلآ سال في يوم حله
باضيوفنا اللي شرفونا ولبو=دعوة كريمآ والكرم عادت اله
نفرح ليا جانا من الناس لافي=يلقى الكرم والبن في كل دله
حنا بني الحارث ليا صاح صايح=نسوق دم ارواحنا فدوة اله
جمرة عرب من يوم حنا خلقنا=قول النبي ماهوب يحتاج ادله
اروحنا فيها طناخه ونخوه=امن الشجاعه مانعرف المذله
كم من عدوآ راح مشتال همه=وكم من خليلآ ذل من دون خله
عدونا يذوق كاس المهانه=من عزمنا عيت عظامه تقله
واليوم جينا كلبونا فزعه=ندك قاع الارض ونقول لله
لله درك يامنومس ربعه =عبدالله ابن سعيد طبع وجبله
راع العلوم الغانمه والجزله=والمجلس اللي ماحدآ بيمله
دندن يابو فواز بالله دندن=للطيب والناموس يامحتله
حنا ترى سيفك نهار الماقف=اضرب بنا القمه تجي منهله
الحارثي لو ماتجيه الدعوه=يجيك فازع لو محد يرسله
انته منومسنا مع اهل الطاله=ايبله هذا العلم صدق ايبله
ذودآ مغاتيرآ تروم العليا=مثل المزون اللي مطره يهله
طوال اللحي وسبالها تقل انه=انا اشهد انه مثل زقم الدله
خرع الاذاني والنحر وش كبره=تقول باب القصر فاتح كله
سنام مفهوق ورقاب دقاقه=تقول سيف الزير يوم يسله
اليا مشت تطرب على ممشاها=وليا بدت ياحي ذيك الطله
ماجابها بالفين ولا عشرة =مليون والمليون مانفطن اله
الواحده منهن حسب تخميني=تجيب في وسط العليا فله
لاكن مانرخص عطايا ربي=اجسادنا في حبها منشله
وختامها يارب ياخالقنا=يارازق الانسان ياموكله
اتوفق اللي كلبونا عنده=وتنومسه وتنومس ايضا بله

الشاعر/محمد سعيد الحارثي (محيسن)

لا هنت أخي محمد الحارثي
وأتمنى أعرف ليش مسجل باسم محيسن وأنت اسمك محمد؟
هنا يحصل لبس كبير في المشاركات
فأنت محمد والمعرف محيسن

عموماً
صح لسانك ملايين ولا هنت يا الذيب

صح لسانك يامحمد

قصيده جميله وتجملك مع الفائز بالمركز الأول ومع أبناء القبيله

صراحتاً نفخر تواجدك معنا هنا يامحمد

قصيدة رائعة جدآ


وأنت شاعر كبير ولا يختلف عليك اثنين


تقبل مروري المتواضع

		المشاركة الأصلية بواسطة : السلطان اقتباس
	لا هنت أخي محمد الحارثي وأتمنى أعرف ليش مسجل باسم محيسن وأنت اسمك محمد؟ هنا يحصل لبس كبير في المشاركات فأنت محمد والمعرف محيسن عموماً صح لسانك ملايين ولا هنت يا الذيب

اخي الكبير السلطان
اولآ يشهد الله اننا نفخر بالرجال اللي مثلك
ومرورك اسعدني بحق
وثانيآ/اسم محيسن اصبح مشهور اكثر من محمد والسبب
مدرس كان يدرسني ويقولي محيسن
ولما نشدته قال فيه واحد يشبه لك اسمه محيسن في حفر كشب
واشتهرت بهذا الاسم

مافيك حيله يابن سعيد مبدع في اغراض الشعركلها ومتمكن بيض الله وجهك على هالقصيده اللى تنومس واللى ترفع راس قايلها في ماقف ماعنه صده وصح لسانك مليارات ياذيبان
تقبل تحياتي’’’’’’

		المشاركة الأصلية بواسطة : محيسن اقتباس
	الشعر نبراسي وانا نبراسه=حبل الشعر في يدي فتله وفله نفرح ليا جانا من الناس لافي=يلقى الكرم والبن في كل دله حنا بني الحارث ليا صاح صايح=نسوق دم ارواحنا فدوة اله جمرة عرب من يوم حنا خلقنا=قول النبي ماهوب يحتاج ادله واليوم جينا كلبونا فزعه=ندك قاع الارض ونقول لله لله درك يامنومس ربعه =عبدالله ابن سعيد طبع وجبله حنا ترى سيفك نهار الماقف=اضرب بنا القمه تجي منهله الحارثي لو ماتجيه الدعوه=يجيك فازع لو محد يرسله انته منومسنا مع اهل الطاله=ايبله هذا العلم صدق ايبله [/poem]

صح لسانك ملاييين يا / محيسن
وعلا شانك , قصيد جزل وميقاف طيّب
وليس غريب عليكم ذلك , فأنتم أهل الوفا والعلم الطيّب
وألف مبروك فوز / عبدالله بن سعيد
بذوده ومنقيته ويستاهل كل خير
تقبل مروري
دمت بخير ,,,

دندن انت يامحيسن والله انك مبدع
شاعر تخوض كل الميادين ولا فيك حيلة
سجل اعجابي يابو سعيد