الحب في عالم الانترنت !

السسسلام عليـــــــكــــــم

بصراحة فكرة الموضوع منقولة >> كل شغله منقول :MsgPlus_Img0297:

الحب في الانترنت

كلنا نسمع بمحبة الانترنت

في الماسنجر او عن طريق المنتديات

لكن عندي سؤال محيرني

هل من الممكن انها تتحول الى واقع

وماهي توقعاتنا لأهدافها وحدودها الى اين تصل

هل لها نكهه خاصه وتجلب الشوق والذكريات

ام كلها على هامش الأوهام

ابي نقاش مابي شكر

,’

بسم الله و سلامُ عليكم

موضوعك حساس و يهم الكثير

رح ابين وجهة نظري فيه

حب الانترنت

زي أي شي في العالم

ما تقدر تقول انو كلو سلبي و ما تقدر تقول إنو كلو ايجابي

اول شي الكثير يعتقد إنو يحب و دخل في عالم الحب

مع إنو يكون بس مجرد إعجاب أو تعلق

تكون البنت دوبها تكلم ولد أو الولد دوبو كلم بنت

أو يكون البنت هادي عجبتو وحس انها غير عن البنات و اسلوبها مرح وفكاهي أو رومانسية و خجولة على حسب ما يحب

و البنت نفس الشي تكون اتعلقت في الولد ع اساس انو محترم وعاقل او ع اساس انو فلاوي و يحب الوناسه على حسب ماتحب هيه كمان

حيجي أحد يقول :

طيب انا جربت بعدت عن البنت وما قدرت حسيت اني اشتاق لها و البنت تقول نفس الشي

و يقولك معناتو انا خلاص حبيتها و انا خلاص حبيتو ووقعت فـ شباكو

في تفسير بسيط لهادا الشي :

انا سجلت في منتدى الشدادين و شاركت معاهم و اتعودت كل يوم ادخل اسنتر واشارك وارد .. ويوم فصل نتي ..اكيد حشتاقلو صح ..؟

طيب انا كل اسبوع اروح البحر و في اسبوع حصلي ظرف وما رحت ..حشتاق للبحر برضو

يعني اي شي في الحياة اتعودت عليه و اتعودت تعملو وتركتو اكيد حتشتاقلو وطبعاً يعني تحبو من حب الاشياء ولأنو عادة

بس ما يبرر إنو اشتياقك للبنت أو الولد هو دليل على إنك تحبو الحب اللي هوه .

الشي التاني ~

للولد

لو حسيت أنو البنت هادي مناسبة لكي عجبك تفكيرها اسلوبها تعاملها

لو تبغى تحبها قولها يابنت الناس انا ابا اتزوجك واديني رقم بيتكم عشان اجيب اهلي

و لما تروح تخطبها هناك هيه حتطلعلك وحتشوفها والله عجبتك ودخلت مزاجك كمل ما عجبتك كل واحد يروح ف طريقو ويا دار ما دخلك شر .

في كتير ناس ما يكونو قد الحركه هادي:MsgPlus_Img0446:

اللي مو قدها اكسر الشر من البداية و سيب بنت الناس في حالها وحتى لو هيه بينت لك انها تبادلك نفس الشعور

خليك رجال و اعرف كيف تدير الأمور اقطع علاقتك معاها بلا لعب فاضي .


تالت شي ~

للبنت

لو فكرتي تحبي الشخص دا اللي بتكلميه أو حسيتي نفسك حبيتيه

طيب ايش هيه مقومات الحب اللي شوفتيها فيه وقولتي خلاص بس هوه دا فارس أحلامي ..؟

الوحده تحب الشخص اللي يحميها مو الشخص اللي تبغى أحد يحميها منو ..!

و برضو اللي يضحي عشانها .. و ع النت ايش هيه اووم التضحية اللي حتشوفيها ..؟

و كمان الشخص اللي يبغاها شريكة حياتو وتفضل معاه طول العمر .. واكثر الكثير و الكثير الكثير الكثير من شبابنا حفظهم الله يبو يتسلو

و يضيعوا وقت .. ما نقول مايحبو و ماعندهم مشاعر إلا بالعكس في ناس تحب من قلبها و بقوة بس ايش الفايدة إذا انتا ابضاي في الحب والمشاعر

وماعندك استعداد تكون البنت هادي شريكة حياتك ورفيقة و أم لعيالك ..؟

وانتِ يا بنت

حبي نفسك و احترميها

نفسك عزيزة عليكِ لا تسوي إلا الشي اللي يرضيها ولا تزعليها وتسوي اشياء غصب عنها

صونيها و فكري خمسمية مره قبل ما تقدمي على أي خطوة .

رابع شي ~

الحب تناغم روحين

إحساس نبيل , فريد من نوعه

وكل انسان حيلاقي اللي يحبوا و حيلاقي نصفو التاني بدون ما يدور عليه

و خلونا نستغل النت والاتصالات في اشياء افيد لنا

مو نكذب على بعض ونقول نحب واحنا من جنبها :MsgPlus_Img0444:

خامس شي وآخر شي ~

تعاملي مع الرجل كـ امرأة يتعامل معك كــ رجل

و لا تتعاملي معه كـ أنثى فيتعامل معك كـ ذكر ..!

وكل واحد عقلو فـ راسو يعرفو خلاصو

و ربنا يوفقكم

,’

,’
معليش ع الكلام الكتير وتشكرات رعد :s

,’

شدادة

أعجبني كلامك كثيراً وريحتيني من عناء التفكير والكتابه بكل ما يجول بخاطري

رأيي من رأي شدادة


يعطيك العافيه رعد

والي حلف مايقرب البنت بأي شي
وشلون يتزوج وهو بس مشتاق

شكرا لنقاشك

شدادة الوزير يبدو اني بديت اشعر به من عدة اشهر مدري احس اني معجب

بس صعبه اصرح

شكرا غالي

شكرا شدادة الوزير على نقاشك الموضوع

الحب في الإنترنت
أشبه مايكون كفقاعة الصابون لن يدوم طويلا
إذا أساسه مبني على أوهام وخيال
وقديكون حب حقيقي ويدوم بدوام حياة الشخص
وهو الحب في الله
هو الحب الصادق النابع من قلب يحمل مشاعرصادقة من حب وإخاء وود
ومعزة واحترام وتقدير وتفاني
يكفي من نحب في الله دعوة في ظهر الغيب
أشكرك رعد الجبوب لروعة أطروحاتك الرائعة دمت بود
أسأل الله لك موجبات رحمته وعزائم مغفرته

جزاك الله كل خير يا اعذب احساس

والله يوفقا لما كتب هنا
اشكر لك زيارتك الموضوع

كله خرطي = يعني ما له أساس من الصحة أبداً
والحب معروفة أساليبه وطرقه وأهدافه الصحيحة
والحب الذي لا نهاية سعيدة له
لا يعتبر حباً أبداً

:

دَمَاَر شَاَمِلٌ

هذا هو بكل إختصار

.

كلام جميل

شكرا لكم ولزيارتكم الموضوع

تحياتي وتقديري