جاني خبر عن مجلس فيه تقرير

(الفقر خيّم في ربوع الجزيره)

جاني خبر عن مجلس فيـه تقريـر=من قايد الدولـه وحامـي الذخيـره
اللي على الهيجاء مثل سالـم الزيـر=وزيادتن فوقه علـى الدِيـن غِيـره
اللي يقـول :الفقـر بيديـه تحذيـر=يبعد عن الشعب السعـودي زئيـره
واحدث صناديق الرخاء زين تدبيـر=وكلمة هل الدخل التغت من مديـره
عبدالله اللي كان فـي حكـم الآميـر=واليوم تاج المُلـك صـوّر مسيـره
يستاهل العرش المـؤزر ولا غيـر=عبـدالله ايحكمـه ويصبـح أسيـره
قبله حكم كـل العـرب بالطوابيـر=وحبّه سلب قلـب الفتـى والغريـره
حبن غزا شعبـه ومـن دون تنذيـر=وركّـز قواعـد مملكتـه المثـيـره
وأعلى المراتب حازها دون تزويـر=واللي على وضح النقا مـا يضيـره
هذا كلام الحارثـي ليـل وعصيـر=ولين آخر الدنيـا وفتـش السريـره
ويهدّ طيره حـرّ وإلا مـن الجيـر=شيهان والكـل اتقـى شـر طيـره
ويقولها الشعب السعودي ولا خيـر=في منكرن أنكر على الجـود خيـره
واعلم يا بو متعب من أبها ليا النيـر=ولين الشمال اللي رغد بـه سفيـره
إن العوافي دايمـه والستـر سيـر=يمشـي عليـه اللـي تمّنـاه سيـره
لكـن يلحقنـا مـن المـال تقصيـر=والفقر خيّم فـي ربـوع الجزيـره
من يوم الاسهم حوّلت قاعـة البيـر=وكلن تساءل واشتعـل فيـه حيـره
الاسئلـه واجـد ولا فيـه تبـريـر=والقرض حّل ولا عرفنـا مصيـره
والقسط عنىّ طرق عبـدالله الخيـر=وابكى دموعـن بالمدامـع غزيـره
ليه الحسد صـوّر مآسيـه تصويـر=واغمد سيوفه فـي متـون الظهيـره
ليه البطانـه مـا تصّـب التفاسيـر=وتعلن ليا حرقـت سلـوك الظفيـره
وليه العيون اللي على الكرسي تدير=أمست ترى والصبح صارت ضريره
هـذي رسالـه للملـك والتعابـيـر=أكثر من حروف القصيـد الخطيـره
عساه يفهم قصة الشعـب والضيـر=اللي شرب كل العرب مـن غديـره
لنّه ليـا قـال الفـرج لازم ايصيـر=ولن الضمير العـدل هـذا ضميـره
يـا ليتنـي حولـه واعّـد المقابيـر=اللي قبرها الوقت من جـور غيـره
ويا ليتني شاعر على شهـرة العَيـر=والصف يزهمنـي ومشتـاق زيـره
من شـان مطلوبـي يحّقـق وتأثيـر=حرفي يبان اليا وضح لـي هديـره
لكن حكم الوقـت مغمـور وآسيـر=وسمّ الخيـاط ابعينـي ابكـل ديـره
ما هو جهل بالشعر يا سامعي ميـر=هـذي قوانيـن السنيـن الأخـيـره
اللي غدت مثل السهـوم المساميـر=في ظهر من طال الحصون الكثيـره
وختامها ياللي علـى شعبـك اتغيـر=اطرد جيوش الفقـر بـرّا الجزيـره
وافرج لمن حالت عليـه المساعيـر=بانيابهـا فـي كـل ديـره وديــره

صح لسانك يا تركي
(
يستاهل أبو متعب ملك الإنسانيه )
أحد روائع الشاعر (تركي بن جابر العضياني الحارثي)
منقول وأتمنى أن يحوز على رضاكم
وتقبلوا تحياتي

صح لسان الشاعر المتمكن

قصيدة جزله ورااائعه

لاهنت يانواف

بس ياليت تتعلم تنسيق القصايد من هذا الرابط

http://www.shdadeen.com/vbq/showthread.php?t=2702

حياك الله أخوي نواف وحي ما جيت به

وصح لسان شاعرنا وبناخينا تركي

وهو مسجل معنا هنا باسم شاعر مغمور

وأتمنى أن يضع قصائده بنفسه

ليس قصوراً فيك يا نواف

ولكن لأن الشاعر موجود وديوانه ينتظر قصائده

صح لسان تركي وبيض الله وجهه

ومشكور يانواف على النقل والاختيار الرائع

تقبل مروري وتحياتي الغربي

ولا هنت يا أستاذ عبدالله وشكرا على نصائحك الدائمه والهامه و إنشاء الله أستفيد منها في تنسيق القصائد القادمه .

والشكر موصول للأستاذ :الســلـــطان

والـــــشـــــاعر :الـــغــــربي

وتقبلوا تحياتي .

صح السانك

ولا هنت

وجهك أبيض يا بسمه ولاهنتي وشكرا على مرورك العطر

والشاعر تركي يستحق منا كل تقدير وإحترام و نحن بإنتظار ديوانه كما ذكره الســلطـان

وإنشاء الله أن يكون قريب لإعجابي بهذا الشاعر الكبير والجدير بالإحترام.


نواف الشدادي

لاهنت اخوي نواف وتسلم يمناك على نقل القصيدة

وصح لسان الشاعر تركي العضياني


وابومتعب يستاهل كل طيب

ولاهنت يا بدوي فاهم وشاكرين مروركم العطر...........

وتقبلوا تحياتي

نواف الشدادي