هديه من سفير وشاعر لحطاب ليل

اخواني واخواتي
اعضاء وزوار
منتدى الشدادين
ارجو ان تحوز هذه القصيده
على رضاكم

ياحاطب الليل شب النار واوقدها=عود على عود يبقى جونا ناري
بدد دياجي ظلام الليل بددها=يلفي على ضوها السمار والساري
لو سابقات الليالي طال سرمدها=بوجود شرواك سار الليل قماري
ورد علوم النشاما يا موردها=ياللي على دوس درب المرجله ضاري
ان جيت اعد المواقف صعب اعددها=احد درا بك واحد والله مهو داري
انهج على خير والاذكار رددها=والامر لله يالكاتب ويالقاري
سلايل العز مجد ياممجدها=ومواطن الجود بانت والقدر جاري
كم من قرون غزاها الموت واهمدها=وكم من رموز مجلي ذكرها الباري
دنياك دنياك لا تشقا وتعبدها=السير قدام واقدارك لك تباري
على دروب الوفا ربك يسددها=ومن فوق ظهر السفينه يبرز الصاري
خذها على قلها من يد كاتبها=ماعاد بالسوق لا بايع ولاشاري
وصلاة ربي عدد ما اسقت سكايبها=عد البشر والشجر والشوق لدياري
على ابن عدنان من خيرة معادنها=نبي الامه نزيه الذكر والطاري

تحياتي

ياوجه الله الشفاعة يالله .
ههههههه
وش هذا يالسفير الشاعر
تدري اني لقيت لشاعريتك شبيه
نعم هي الطائرة العملاقة البريطانية
تلك التي تلقي بقنابلها من على مستوى عال
وبإمكانها البقاء محلقة 24 ساعة
هي شاعريتك المجنونة ياشيخ ارحم
هههه
صح لسانك واسر ياساري.

اذكر الله
يالطاري
وفيك الخير والبركه
وارجو ان تشقر
على مملكتي
تحياتي

مستحيل اكون ضمن الجنود المجندة
فكرت مليئاً وقررت الزيارة فقط
يكفيك ابو حمد طيب الله ثراه !

لله درك ما اضرفك
سر
والله يرعاك
تحياتي

كفو والله يا شاعرنا العزيز
ابدعت وأجزلت وتميزت
ونظمت واذهلت

يستاهل والله أبو الوليد كل خير
وننتظر حضوره وتواصله
والله يبيض وجيهكم كلكم

اهلا بأخي وعزيزي
السلطان
سعدت بحضورك
ولا عليك زود يالغالي
وشهادتك اعتز بها
لاهنت ولاهانو ربعك
واضم صوتي الى صوتك
واتمنى ان يكون ابو الوليد يتابعنا
ليتحفنا بابداعاته
وحياك الله اخي السلطان
تحياتي

صح لسانك شاعرنا
ولاهنت على القصيدة الرائعة

صح لسانك ولاهنت شاعرنا

.......................

هلا اختي الفاضله
بنت النشامى
بعدين اعذريني
لاحضت اني كنت اكتب (النشامى)(نشاما)
خطأ عابر مع سرعة الكتابه
سرني مرورك العطر
تحياتي