آخر 10 مشاركات |
مختارات | الحياه مدرسه دروسها التجارب ومعلمها الزمن |
|
|||||||||||||||||
قصيدتي فالعيد (طفلة هوى) (تنتخي الرهاوي)
من اخر قصايد شاعرنا زعيم الحب في القصائد الغزلية طبعاً بعدها ما كتب غير في الحزن والهجاء فقلت اجيبها وانخا اخوي الرهاوي اربه يطلع زعيمنا من الاجواء الكئيبه اللي معيشنا فيها وتكفا يالرهاوي لا اوصيك. قصيدتي فالعيـد حـزن ومواويـل=غنت على ذكرى غرامـي ومربـاه (طفلة هوى)سـوت بقلبـي بهاذيـل=صنع العـذارى فالقلـوب المشقَـاه متوارثين الصد جيـلٍ بأثـر جيـل=اخرهم اللي شـد للوصـل وأرخـاه وخلى جوارح صاحبٍ لـه معاليـل=لا ميتٍ وأفنـى ولا حـول منجـاه احط في قلبـي مـن الهـم وأشيـل=على لعـوبٍ ماشفـع لـي مناجـاه اقرّبـه ميـر اتبـع الميـل بالميـل=مقفي زعل مدري جنونـن توطـاه بذلت لأجل ارضاه كـل المداخيـل=ظالـم علـى قلبـي تسلـط وبكـاه احرمني الفرحـة وحلـو المناهيـل=إليا ذكرت اللي مضى صحت ماأقساه وامسح جديد الدمع لحظات واهيـل=ماجزت عن حبـه وباقـي لرجـواه تدرون وش يطري على آخر الليـل=لا مرنـي طيفـه وشوقـي تلـقـاه افز له واصـب مـن دلـة الهيـل=وارشف معه ذاك الغلا واسمع احكاه واقبله واغفى على الصـدر واميـل=واقوم واضمـه وفاهـي علـى فـاه مامـل منـه ولا يمـل التعالـيـل=وإليا بـرد جسمـي تلحفـه وادفـاه ادلله تدلـيـل مـهـوب تـدلـيـل=تدليل مااظنـه علـى الارض يلقـاه وإليا صحيت وصار للوضع تبديـل=دريت بأنـي فـي خيالاتـي اقـراه احسبه عود واثر مامـن محاصيـل=اثر الغضي لأقفـى وعنّـد بفرقـاه يشقي رجـالٍ ماتثنـى لهـا حيـل=هذا أنا صرت اعشـق النـوح والآه واكتب خواطر حيرتي شك وازيـل=وارد فكري عن مدى الشك وانهـاه واقـول صعبـه ماتهـد المعاويـل=حبٍ على صاف الهوى طال مبنـاه اصبر على نفسي رجـات المقابيـل=واقول لوزاد البطـا جـرح ودمـاه لا بـد مايرجـع هيـام ومواصيـل=بكره يعود لا طغى الشوق واضنـاه واعلمه وش لـون ذيـك المراسيـل=اللي تواصـل سيلهـا بعـد مسـراه لكـن مـا اظنـه نـوا بالتساهيـل=وانا عجزت مـن الوفـا لا تناسـاه حرمت لأقعد له على الدرب ماحيِـل=ارقب رجوعه بعد ماقّفـت اخطـاه وان مارجع لي ياحيـات الغرابيـل=بعيش عمـري بيـن (آهٍ) وويـلاه هذا وانـا ماقلـت كـذب وتهاويـل=إلا صحيـحٍ للخليـقـه نشـرنـاه
|
07 Jan 2009, 09:00 PM | [ 2 ] | ||||||||
شاعر
|
ياسلام عليك ياسلطان جيت بالطيب كله
صح اللسان زعيم الحب والله يعينه وفي انتظار رد الرهاوي لاهنتوا |
||||||||
|
|||||||||
08 Jan 2009, 02:30 PM | [ 3 ] | |||||||
شاعر
|
هلالالالالالالالالا وغلالالالالالالالا سلطان يالله تحيه وتحي ما جاب قصيده من العيار الثقيل لشاااعرنا الغائب الحاضر زعيم الحب شاعر استفدت منه في بداياتي في المنتدى كان بيني وبينه مشاغبات مثل مايقول ابو عبدالله سلم لي عليه ياسلطااان ونرغب في عووودته للمنتدى واشتقنا لقصايده وابشر بسعدك زعيم الحب اموووون عليه ومالك الا من يبحث خفااااه قريبا صح السااان الزعيم مليااااااار وشكرا على نقلك للقصيده وان شاء الله لي عووووده أخوووكم الرهاااوي |
|||||||
|
||||||||
08 Jan 2009, 02:41 PM | [ 4 ] | |||||||
|
زعيم الحب زعيم الشعر ... صح لسانه وسلمت على النقل يا سلطان .. |
|||||||
|
||||||||
08 Jan 2009, 08:57 PM | [ 5 ] | |||||||||||||||||||||||||||
عضو متألق
|
عناد القاف مهي غريبة عليك المشاعر الطيبة تجاه اخوك زعيم الحب
صح بدنك نيبة عن اخوي زعيم الحب |
|||||||||||||||||||||||||||
08 Jan 2009, 09:01 PM | [ 6 ] | |||||||||||||||||||||||||||
عضو متألق
|
الرهاوي انت كفو ولا جيتك الا وانا ادري ان زعيم الحب يقدرك تقدير خاص ولا اخفيك انه هزئني يوم علمته باللي سويته بطلبي لك لكن في الاخير قعد يضحك ومشاها لي بشرط اني اتصدى لاي قصيدة من طرفك فلا هنت عجل علينا وانا اتحمل كل شيء بس نرجع الزعيم لسابق عهدة |
|||||||||||||||||||||||||||
08 Jan 2009, 09:12 PM | [ 7 ] | ||||||||
|
زعيم الشعر بيض الله وجهك على القصيده والله يردك لنا سالم وغانم ورااضي يالرهاوي عليك إنك تقصد فيه قصيده ترجعه وأنت يا سلطان حياك الله ولا تذخر من جهدك شي في نقل قصائده وإعادته لنا |
||||||||
|
|||||||||
08 Jan 2009, 10:33 PM | [ 8 ] | |||||||
شاعر
|
نفل بن عايض شاعر إفتقدناه في الأيام الأخيرة وعسى المانع خير وسلم لي عليه يا سلطان وصح لسانه وبيض الله وجهك على النقل والرهاوي ما يقصر.. |
|||||||
|
||||||||
09 Jan 2009, 12:41 AM | [ 9 ] | |||||||||||||||||||||||||||
عضو متألق
|
ماااااافيه شك ياااااسعود حيااااااك لااااااهنت
|
|||||||||||||||||||||||||||
09 Jan 2009, 06:12 PM | [ 10 ] | |||||||||||||||||||||||||||
عضو متألق
|
مرحبا بندر النايف وان شاءالله مايكون خاطرك الا طيب ويرجع الزعيم من جديد واصبر علي والايام الجاية تكون احلا باذن الله |
|||||||||||||||||||||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصيدتي للشاعر عيد بن مربح الرشيدي | تركي الشدادي | بحور القوافي | 28 | 20 Jan 2012 06:34 PM |
اتيت بعد قصيدتي | محمد المريري | الترحيب والتهاني | 8 | 06 Jan 2010 08:36 PM |
قصيدتي للشيخ سلطان بن خليل بن قرمله بمناسبة مزاين قحطان | ممدوح بن بنيدر | بحور القوافي | 11 | 29 Aug 2009 02:07 PM |
قصيدتي المختطفة من قراصنة النت تعود..!! | سعود سليمان الحارثي | بحور القوافي | 15 | 04 Sep 2007 02:24 AM |
ناصر الحربي.... يرد على قصيدتي له ... | سعود سليمان الحارثي | بحور القوافي | 6 | 07 Dec 2006 10:06 AM |
أدوات الموضوع | |
|