جاني يصيح يقول يا يمه اذبحوها

السلام عليكم ورحمة الله وبركاته
اليوم ودي اشوف واحد يرد وهو يبكي
هذا قصه شاب حب بنت جاره ولكن جاره زوج البنت من ولد أخوه وما زوج
هذا الشاب وقال هذه القصيده ولما سمعت أمه القصيده ردت عليه بقصيده

جاني يصيح يقول يايمه اذبحوها=حبيبتي راحت يايمه من ايدي
والله أدرى انهم اغصوبها= عليّه والدمعات تذرف خفيّه
يايمه راحت اللي له حيروها= راحت حبيبة قلبي يمه الوفيّه
يايمه ثوب العرس له لبسوها= يايمه هذا خاتمها ببكي عليّه
يايمه شوفي وش قساوة أبوها= يدفنها بيده وهي بعدها حيّه
يايمه من شوفها لي احرموها= عيو تودعني ليه البنيه
يارب يبليهم مثل مابلوها = ويارب تسعد هالادميّه

وهذا رد الام

ياوليدي لاتشكي وتلعن أبوها= هذي ترى العادات وهي ابدويه
ياوليدي من شانك عيوني بكوها= مدري شسوي شلي طالع بديّه
ياوليدي لغيرك تدري عطوها= انسى خلاص الدنيا ماهي خليه
ياوليدي خلق الله مايعذروها= راحت وصارت للعوايد ضحيه
ياوليدي لاتصرخ خلاص اذبحوها= خلاص راحت منك هالأدميّه

قصيدة تتدفق بالمعاني العذبة

هذا هو حالنا لا بد ان نرضخ للعادات والتقاليد يوما ما

ولكن ... القادم من الأيام أجمل

سلمت يديك معجب

إختيار رائق وراقي

والله مشكلة العادات والتقاليد مشكلة عويصة
على قولة أخواننا السودانيين

لكني أقول:
حلاة الثوب رقعته منه وفيه
الله يحييك أخوي المحتار

كأني سامعتها في قناة غنوة
على العموم الدنيا ماتصفى لاحد

أهئ أهئ أهئ
ياحرام وشّ يسوي الحين > أوّل المتأثرين !!

السنعات واجد ، وبنات الأصل والأجواد واجد

وهذا الشاب
الله يعوضه الجنّة أخير وأطيب

لاهنت يامعجب ..

اللي اعرفه انه زمان اهالينا هالحركات ............والعادات والتقاليد اللي تنفعنا مانتنصل منها بس بعض العادات ودي امحيها من الذاكرة لان فيها ظلم وإجحاف .......وذي القصة في زيها الاف والله يعين كل انسان ابتلي ببعض التقاليد ............يعطيك الف عافية على النقل ......أخوي محتار

معجب
تشكر على إيراد القصة والقصيدة وردها وفقك الله
وننتظر باقي علومك من قديم وجديد حياك الله