الحر لا منّه على الوكر وقع

السلام عليكم ورحمة الله وبركاته
احب اهني جميع من في المنتدى بعيد الاضحى
وتقبل الله منا ومنكم صالح الاعمال




الحر لامنه على الوكر وقع
مايلفته في ماكره كثرة البوم

ما يخلف اطباعه كثير التطبع
الهم عوايد مثلنا والهم اسلوم

ياويل منهو في سماه يتربع
حرً على صيدته مايكثر الحوم

اللي عللى حسن النوايا مشبع
ياعنك باني فيه ماني بمذموم

والي غلاه بوسط عيني تربع
يستاهل اني لجله اطيح واقوم

مقعادنا في وسط متر مربع
ابرك من الفرقا معه دايم الدوم

والي عطيته لجلها مايّرجع
وعن غيرها والله ماني بملزوم

ومن يطلب الله من خطاه يتوقع
يصبر على بلواه والرزق مقسوم

ارزاقنا بيدين ربي توزع
ومن رحمة الله ماحد عاش محروم

والي على الاخطاء دوم ايتتبع
ليته عن اعراض المخاليق بيصوم

ارحب ويا هلا بك يا شاعرنا العزيز
أبو نايش
وبيض الله وجهك وما قصدرت على هذه القصيدة
دائماً مبدع ودائماً نحن بانتظارك
وصح لسانك ملايين

اشكرك اخي الشاعر الكبير فاتك حضوري

وكلمات لها وقعها

صحة ابدانكم جميع وشكراً لكم ولمروركم الكريم