ناسك الشعر ..

عمتم مساءً ،، اليكم الرد على (السنبلة)
على هذا الرابط //
http://www.shdadeen.com/vbq/showthread.php?t=26251

حمست بن القصيد /ونجر الافكار دن=يشعلني الطرق /واحطب له شعر /واشعله
مزاجي وذوق في كيفي وللناس بن=والشعر اعاف أهزله / والشعر أروم أجزله
شاعر ليا خفت القيفان قافي رَزِنْ=يستعجل الحرف لمساتي ولا استعجله
فصيح وأن لت عرّاب القصيد وعجن=أنساب حرفي على صدر الشعر سلسله
تتوه عن قبلة المعنى عباد الوثن=وأنا لخط القصيد القطب والبوصله
لاكن هذا زمان الهرطقه والفتن=ماعاد نسمع من التطبيل والبلبله
يارب الابداع مرمي في غياهب سجن=عيونه معصبه / ويدينه مكبله
نخطي على الشعر ليه؟ / و" للخطايا ثمن"= ندفع ثمنها قصايد بُرق ومهلهله
لكن حييت / يأبن دهام / والشعر فن=بينه وبينك ليا عَدّوا جدوده صِله
شعيتني بالقصيد وزدت قلبي شجن=وهيجنت طربان مدري شوق مدري وله
أهل الضعن /علمهم بيدين راع الرسن=وكل بدويٍ مع ربعه يسوق جمله
وأخت السنيقال / قينه من مكاسيب قن=ماهيب لي لو بغتني ربة الفُلفله
اضحك لها كل مالديت / من غير سن=ومن يعتقد صدق ضحكاتي /هذاك خبله
وأن كان تبغى جواب لـ كل / ماذا / ومنْ=اقول: علم الحديث يفسر المسأله
عن راوي الشعر / عن جده / عن ابوه / عن=الشاعر اللي يقيس الشعر ويحلله
ترى السنابل تشابه / بين بُر ودخُن=يا تي بعضها بحبْ / وبعض لا حب له
وأنته مزارع ولك خبره وراعي وطن=تقيس حب الجرين وتعرف معدله
لكن خل المعاني بين رمز ورطن=والبني فُعله / ومفعوله/ ومستفعِله
ولاخرة بين نار وبين جنة عدن=وكلٍ يحاسب نهار الحشر حسب عمله

أبن سليمان

الله أكبر يا أبو عبدالعزيز

وصح لسانك مليووووووون يا أبو خليه

عزالله إنك فخر للمنتدى وشعراءه ومكسب لنا جميعاً منك نتعلم ونستفيد

ولا هان عبدالمحسن والله يعطيكم العافية يالنشاما

وأخت السنيقال / قينه من مكاسيب قـن
ماهيـب لـي لـو بغـتـنـي ربــة الـفـُـلـفـلـه


تـرى السنابـل تشابـه / بيـن بُــر ودخـن
يا تي بعضها بحبْ / وبعـض لا حـب لـه
ابن سليمان
بيض الله وجهك اجدت الرد وحبكت المعنى
انت مبدع بكل ماتعني كلمة الابداع من معنى
وبكل صراحة انا اعتبرك شاعر المنتدى الاول بدون قصور في باقي الشعراء
بارك الله فيك وفي شعرك السامي وحضورك الجميل ايها الشاعر الراقي
وتقبل شكري وتقديري ومتابعتي لكل ماتكتب وفقك الله[/S[/SIZE]IZE]

يا سلام يا سعود الخبرة والاحتكاك والتمرس والشاعرية المميزة

كلها في هذا النص لا هنت يا سعود وصح لسانك حتى ترضى

صح إلسانك يا أبو سليمان لا هنت

صح لسانك يالنابغه

قصيدة رااائعه مايقولها غير ابو طارق وحده

كل الود

ابن اسليمان
مسيت بالخير
اللسان يعجز عن التعبير بالشكر لك
على هاذه الرايعه
اسال الله ان يجعلك ذخر للشعر و الشعراء

دمت بود

صح لسانك يابو سليمان


لك خالص التقدير والاحترام

صح السانك ابو سليمان
ولاهنت
كفيت ووفيت

صح لسانك على هالقصيد الرائع والمميز


تحياتي وتقديري