خياط

خيـاط بـالله خـذ مقاسـاتــــها زيــــن = وحذراك حـذرا خصرها لا تشـده
حذرا تشـــده تقسم الجسم نصفـــين= ويقضي على العشاق لارحم جده
يكـفيـــــه يـاخيـاط سـلهامة العـيـــن= ويـكـفـيـه يـاخـيـاط خـالً بـخـدهـ
ويـكـفيـــه ياخياط لو خالــــف الديـن= شـئ لا لا عـيـب النـشامـا بـعـده
ويكفيــــه يا خياط انا اليوم عاميـــن = لا بـحت له سـدي ولا بـاح سـده
على الظروف وفارق السن شرهين = وفـي قلوبنا نـار وحطبها الموده

الله الله يا هاجوس

لا توصي حريص ........... قصدي خياط

ولا هنت يا بعدي عسى عمرك طويل

وصح لسانك ملايين

صح للسانك وقصيده جزلهـــــــــــــــــــــــــ

هاجوس
صح لسانك ويعطيك العافيه
كلمات جزله وجميلة
دمت بهذا الأبداع
تقبل تحياتي ومروري

الله الله

عليك ياهاجوس

وش ذا الكلام الرائع

صح لسانك قصيدة غزلية من الطراز الاول

ياليتك خليتها بعد رمضان كان استمتعنا بها اكثر

تحياتي لشخصك الكريم

صح بدنك يالسلطان ومشكور على المروور

صح بدنك يارعد الجنوب ومشكور على المروور

صح بدنك يا ملك اليل ومشكور على المروور

من رؤس بنيوس صح بدنك ومشكور على المرور واذا قريت القصيدة الغزليه في رمضان كفر عنها !!

هاجوس صح لسانك أخوي ..

الله يعطيك العافيه