آخر 10 مشاركات |
مختارات | الإبتسامة لا تكلف شيئاَ، ولكنها تعني الكثير |
|
|||||||||||||||||
رائعة من روائع محمد ابن تويم رحمه الله
رائعة من روائع محمد ابن تويم رحمه الله000 سيري على وضح النقاء يا مثايلي= كما تسير الخيل في الميدان ماهيب خيلٍ عارياتٍ ظهورها=خيل ٍ علاها لابةٍ فرسان هذي قوانين الحروب القديمة=قوات كانت مع فلان وفلان واليوم جانا غيراتٍ بدالها=سبحان من هو كل يوم في شأن عشنا مع العالم ورحنا وجينا=وأسماعنا تشهد على الأعيان شفنا المصايب والمهمات كلها=والروس مصدرها والأمريكان داسوا خطوط الجو والبروالبحر=والمسلمين بقوة الأيمان يسبحون الله سر وعلانية=حق ٍ علانا نعبد الرحمن والأرض نعرف شرقها من شمالها=ذلول ٍ ذكرها الله في القرآن أيضا ونعرف غربها من جنوبها=عرف ٍ يحجج غاية الأنسان كلٍ قنع بأرضه وكل ٍ رضي بها=وأنا قنوع ٍ بأرضي وربحان وين الديار اللي تواسي ديارنا=سقية ربوعك يا أحسن الأوطان فيك المدينة طيبة ٍ المنورة=كثيرة الزوار والسكان سكن بها نبينا والصحابة=وعاشوا بها في ماضي الأزمان أيضاً ومكة فيك والبيت الحرم=رفيع المقام وشامخ البنيان عريضٍ طويل وبالمصلين يزدحم=وزمزم تزم وتروي العطشان أيضا وفيك الطايف أحسن منطقة=وفيك الهدا تشرف على نعمان بيروتنا الطايف ولبناننا الهدى=لا فرق مابين الهدى ولبنان أيضا وفيك العاصمة يا بلادنا=جزيرة ٍ حكامها شجعان سيري بركبك يا الرياض وتطوري=في ظل دولة مسلمين أخوان دولة سعودية تساعد شعوبها=وموفقة للعدل والأحسان تحكم بشرع الله وسنة رسوله=رغم ٍ على أهل الزور والبهتان أبا أمدح الأحرار من طيب نيتي=والصدق بيّن والدليل برهان ليس ان مدحي للنشاما مجاملة=يستاهلون المدح مهما كان والجيش له واجب وحق ٍ عليه=قيّاده وضباطه الظفران وجنوده اللي رهن عين الأشارة=أبناء وطنّا فرحة الصدقان نشكرك يا قواتنا يا المسلحة=يا درعنا الواقي من العدوان أنتم سراحين الغداري نمورها=وأنتم أسود ٍ تحمي الحدان نار ٍ اليا اشتبت واليا تحركت =لهيبها يفجر الصفيان والراسيات من الجبال يهدها=ووحوشها تجفل من الشعبان يقوله ابن تويم من هيض خاطره=يا سامع الطاروق والألحان أنا عدلت القلب عن شلة الهوى=مالي ومال مطارد الغزلان واللي بعد غصنه يلاعب هبايبه=لعبت علاه النفس والشيطان ويقول نحو السيدات العذارى=قول ٍ هذا نصه من الفُسقان يا أبو جدايل كاسيات ٍ متونك=ويا أبو نهود ٍ أصغر من الرمان ويا أبو عيون ٍ يوم ترمز بهنه=تطلق صواريخ ٍ على العشقان ويا أبو ثمان ٍ يوم تضحك بهنه=سوات برق ٍ لاح بالأمزان ويا أبو شفيات ٍ طعم عسلهنه=في ربع ساعة يشفي الوجعان هذي هروج ٍ مالها قابليّه=نسمع بها من جانب العربان حي ٍ يسجلها وحي ٍ يذيعها=وحي ٍ علاها يقفل البيبان أبا أنصح الشعار في كل ديرة= نصيحة ٍ في صالح الغشمان كتبت في طياتها ما يسرهم=علم لهم يا الطرقي العجلان اليا بغوا بدع المثايل وردها=نظم الشعر ما هو حكي ورعان والمدح في بعض المعاني سماجة= يا شينها يا حر يا شيهان نعرف خطى البندق ونعرف صوابها=ونركب الحبة على النيشان وان كثرت الأهداف نرمي بعيدها=رمي ٍ يخلي روسها طشان قلته من هجوس ٍ مجود اعنانها=أدرى لساني واللسان حصان عقلي مساعدني وفكري يدلني= والهرج فضة والذهب سكتان يا أهل العقول الزاكية سامحوني=لن كان مالت شوكة الميزان تمت وصلى الله على سيد البشر =أعداد ما أمطر حايز الرجعان ودمتم بود
التعديل الأخير تم بواسطة البرينيسي ; 11 Feb 2009 الساعة 10:57 PM
|
11 Feb 2009, 02:58 AM | [ 2 ] | |||||||
عضو متميز
|
محمد بن تويم من الشعراء الذين لهم كلمات تبقى للأبد وذلك لقوتها وإحتوائها على إبداع أصبح ينقص شعرنا في هذه الايام أخوي البرينيسي سلمت يداك على هذا النقل |
|||||||
|
||||||||
11 Feb 2009, 07:40 PM | [ 3 ] | ||||||||
شاعر
|
أختيار موفق اخوي البرينيسي صح اللسان الشاعر وتسلم يدك على النقل عناد القاف |
||||||||
|
|||||||||
11 Feb 2009, 11:06 PM | [ 4 ] | ||||||||
شاعر
|
الله يسلمك يالبرنس وشكرا على مرورك الرائع دمت بود |
||||||||
11 Feb 2009, 11:08 PM | [ 5 ] | ||||||||
شاعر
|
الله يسلمك ياعناد القاف وشكرا على مرورك الرائع ودمت بود |
||||||||
17 Feb 2009, 10:03 AM | [ 6 ] | ||||||||
شاعر
|
قصيده في قمة الروعه
صح لسانك الشاعر وسلمت يدينك على النقل والاختيار الذوق تحياتي |
||||||||
17 Feb 2009, 04:30 PM | [ 7 ] | |||||||
جود القلم
|
صح السان الشاعر
وسلمت يمين من نقلها تحيتي |
|||||||
|
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
رثائي في والدي محمد بن عطيه رحمه الله | بشير الذيابي | بحور القوافي | 13 | 25 Jun 2009 03:29 PM |
شيله رائعه لمحمد ابن تويم رحمه الله | البرينيسي | قصائد مختارة | 2 | 25 Feb 2009 10:17 AM |
أم العيون الكحيلات رائعة من روائع ابن تويم رحمه الله | البرينيسي | قصائد مختارة | 13 | 21 Nov 2008 03:59 PM |
محاورة رائعة بين محمد السناني وسعيد بن رحمه ( موال ) | ابن مهرس2008 | الشيلات والقصائد الصوتية والمرئية | 12 | 30 Oct 2008 12:46 AM |
ابن تويم رحمه الله يتحدى خلف ابن هذال | البرينيسي | المحاورة والألغاز الشعرية | 20 | 21 Oct 2008 10:50 PM |
أدوات الموضوع | |
|