من أروع المساجلات

بين بن عون والعطاوي

الله مـن قلـب ٍ همومـه تلامسـه=بيدينهـا فـي كـل ليـل ٍ تخامسـه
مايتركنه يـوم واحـد مـن الشهـر=ولهن عليه إليا إنتحى الليل رامسـه
وروح ٍ بنيـران المحبـة تحـرقـت=عليها الغرام مصولبـاتٍ محامسـه
وعين ٍ ليا جا القلـب يدلـه تذكـره=عنودٍ تجدد مـادرس مـن روامسـه
ليا عرضت خطوا هنـوف ٍ مخفـره=حورية التوصيف بالزيـن طامسـه
تجر ذعـذاع الهـوى فـي شليلهـا=كما وردة ٍ في مدرج السيل غامسـه
في فيضة ٍ ريح البختـري عطورهـا=ممطورة ٍ مثل أمس واليوم شامسـه
ماطب فيها ألا بعـض شـرد المهـا=والطير توحي في طرفهـا هوامسـه
فلا عاد أجيد السالفة مـع منادمـي=كن النهـار بعينـي الليـل دامسـه
ياوصـل ٍ شاعـر هـوازن تعلمـه=عن حالي اللي واهج الحب حامسـه
ناده بصـوت ٍ شاهـر ٍ ليـن ينتبـه=وقله رفيقك مخلـب الهـم لامسـه
وأنا خابره كـل الصعايـب يرومهـا=على النوز ماتخط الضرايب نيامسـه
تكفا يابـو نـواف روحـي تعلقـت=في واحد ٍ عنها الرجا الياس طامسه
وأخر ماأقوله لك ترى قلبي إحتـرق=كما لمبة ٍ فيها السلـوك متلامسـه
من واحد ماهوب يـاوي ليـا كـوى=كوى القلب بأربع وألحق الكبد خامسه

وهذا رد شاعر هوازن الشاعر عبدالرحمن العطاوي

لاباس ياشاكي مـن الهجـر والنيـا=يشكي هـوى خـلٍ بعـادٍ مرامسـه
لجيت من شكوى خليلي من الهـوى=وأمسيت فكري غارق ٍ في قوامسـه
وشلون أجاري راعي الفـن بالمثـل=وخيول عزمـي سابقتهـا عرامسـه
لبيـت صياحـه وعجلـت فزعتـي=وفرسان جهدي من عناه متعامسـه
ونخيت عواني على الشعر واسكتـوا=صم المسامـع والنواظـر طرامسـه
وقعدت كني را هب ٍ وسط صومعـه=إلى ما إنتحى ليلي وقفـت خرامسـه
وأمسيت كني راعـي الـذود فالخـلا=وأصبح بدال إبله قطيـع الجوامسـه
في مهمـه ٍ قفـر ٍ خلـي ٍ بلاقعـه=حافي وخالية ٍ مـن المـا ترامسـه
يابن عون مبلي الهوى كل ماإنكـوى=وأصبح بكا من جور يومه على آمسه
تعبر بقيـس وماجرالـه مـن العنـا=تمخلا بقفر ٍ عاري ٍ مـن دهامسـه
فالصبح يقفي كنه الوحـش فالخـلا=وفالليل عجل ٍ يـم ليلـى هرامسـه
كل ٍ يبي يقطف مـن الـورد ماحـلا=لكـن دون الـورد يوذيـك نامسـه
وأنا أقول ياراع الهوى وادع الهـوى=ليا صار دونـه كاثـرات ٍ كعامسـه
ليا صار مالك حيلة ٍ فـي مواصلـه=وجرح المحبه في ضميرك مغامسـه
إرم العزا وإترك يابن عـون مابقـا=والتيل لا يجرح مشاعـرك هامسـه

أخوي / تركي

تسلم على نقل هالمحاااورة ,,

وصح لسااان الشعراء ..

يعطيك العاااافية ...

سلمت وسلم غاليك يا أبو عبدالله
والله لا يهينك على مشاركتنا
بهذه المساجلات الطيبة

الاخ تركي الشدادي

سلمة يمينك على حسن الاختيار لهذه المساجله الرائعه من شاعرين

جزلين وغنيين عن التعريف , وصحة السنتهم مليون,

الله يعطيك العافية

على نقل المحاور الرائعة شكرا..!!

		المشاركة الأصلية بواسطة : فاقدة أبوها اقتباس
	أخوي / تركي تسلم على نقل هالمحاااورة ,, وصح لسااان الشعراء .. يعطيك العاااافية ...

مشرفة المنتدى الله يعطيك العافيه

ترى فيه فرق بين المساجله الشعريه

والمحاوره وهذه مساجله لاعلاقه لها بالمحاوره

ولاتمت لها بصله مكانها القصايد المنقوله

رجعوها الله لايهينكم

وشاكر لك مرورك

سلمت اناملكــ و
سلمت اخوي تركي الشدادي

عودة من جديد
فعلاً يا أبو عبدالله
من أروع المساجلات
والله يعطيك ألف عافية على إيراها لنا