يا عقيد الشعر مال الصعاب الا الزعيم

اخواني مشرفين وأعضاء وزوار منتديات شبكة الشدادين الرسميه السلام عليكم ورحمة الله وبركاته لي قصائد كثيره متفرقه بين المنتديات وهذه القصيده من ضمنها وبعد بحثي بالمنتدى لم اجدها وانا والله ناسي مدري قد سجلتها والا لا لكن حبيت ان اشارك بها اليوم وهي من ضمن قصائد مساجله بيني وبين الاخ عواض بن ثايب الشلوي اتمنى ان تنال اعجابكم وتحوز على رضاكم

بسم ربٍ كون الكون رحمانٍ رحيم = قلت من صافي هواجيس فكرٍ ساليه
في نهارٍ ساعته نوب ديم ونوب غيم = مال حيٍٍ شي عندي وانا أيضاء ماليه
المغازي والمقاصد تبارا سيم سيم = حلها بيدين من يفتح الاقفاليه
من مصانع صاخر القاف في حي النسيم = لاجناب الشاعر اللي يعرف اسواليه
كاف عشره له مقرٍ نعرفه مستديم = في صفوف الشرطه ام الشعار الغاليه
يارسول الخير مني ليا ذاك الحكيم = الذي لمعقدات العقد حلاليه
صامل الوقفه ليا حمرت عين الخصيم = ليت تاجد لي معه حيلةٍ يحتاليه
قل يابن ثايب لالامنته برجلٍ فهيم = مابعث عواض يمك ولا مرساليه
وعرف اني مابكلف عللى قلب الغشيم = لو أعيش بجو قفرٍ خليٍ خاليه
المهم انا معك في طريقٍ مستقيم = ياعريب الجد والعم والاخواليه
في علومٍ كايده مالها غير العديم = مثلكم يحكم لها حكمة العقاليه
وش تشوف اليا خليلك تحولك غريم = يترك الواجب ويزرع لك القلقاليه
ان هديته صايب الراي لا رده سقيم = ون سفهته لحق شره ردي الفاليه
ون صبرت وقلت يالله لاعلمه مقيم = مثل مايسحب طويل الرشى الجماليه
من جبا عدٍ جرى للهمل فوقه رزيم = كل ماماجت خطيرٍ تهد الجاليه
طرفت ذوده وهو لاعوين ولا نديم = يرتوي بيديه لاعود لامحاليه
ثم عطني وش تشوفه ليا جت فالصميم = جرح قلبٍ وجعته تذهل الرجاليه
مثل من يلقى فالأحباب شيطانٍ رجيم = مايقدر للعواقب ولا مثقاليه
ان نهيته وردت من ورى الشفيان هيم = ون سكت ليا خطى الضلم ما ينشاليه
مالقاء له عاقلٍ يشفي الجرح الأليم = بالعلوم الناصحات الجزال الحاليه
ثم قل لو كنت معزوم في حلة كريم = وعتمد لك بالخطا سايق الفنجاليه
كلمةٍ ماتنطق الا من لسان الأئم = مايقدمها لضيفه ولا رجاليه
والمعزب سامعٍ ماوصلك من البهيم = ايتصرف في عيون البشر بشغاليه
ماتعذر لك ولاقال بالله العضيم = مارضيت ولا علمت وهذا معداليه
والغلط صوته تعداء ورى قسم الحريم = قدوصل في كل كيلٍ ورى المكياليه
وانت عاقل فالقوانين متلزم لزيم = مجتهد في رفق الاحباب لاينزاليه
علماً ان طالعت سيرة حديثك والقديم = لاك تسعى في رضى عالمٍ جهاليه
عاقلتهم لاتوجهت له جاله زهيم = طالت السيره تقول السكوت اشواليه
هات رايك وعلم اني على مبداً سليم = لي هدف مقصود في لعبة الأمثاليه
ياعقيد الشعر مال الصعاب الا الزعيم = لازمٍ بعنانها لزمة الخياليه

اخوكم : عواض بريكان الشلوي

يا مرحبا تراحيب المطر
يا شاعرنا عواض
والله يحييك معنا بكل جديد من القصيد

ونتمنى والله أن تشاركنا دائماً وتتواجد معنا باستمرار
فأنت أحد رجال هذا المنتدى المخلصين والمتواجدين فيه
منذ بدايته إلى الآن

والله يحييك

صح السانك وسلم بنانك اخوي عواض الشلوي
وبيض الله وجهك على هالدره الفريه
لاهنت ولاهان غاليك
تحياتي
لشخصك
الكريم

		المشاركة الأصلية بواسطة : السلطان اقتباس
	يا مرحبا تراحيب المطر يا شاعرنا عواض والله يحييك معنا بكل جديد من القصيد ونتمنى والله أن تشاركنا دائماً وتتواجد معنا باستمرار فأنت أحد رجال هذا المنتدى المخلصين والمتواجدين فيه منذ بدايته إلى الآن والله يحييك

تبقى ياراعي مرحبا عادتك الطيب والعلم الغانم انت وربعك اللي عرفتهم سواً
في المنتدى والا برا المنتدى واعرف اني مقصر بحضوري اللي اشوفه واجب علي
لان مجالس الرجال يفقدها الرجل اذا ابعد عنها وانتم بدون مجامله واقولها على رؤؤس
الاشهاد يضرب بكم المثل والرجل اللي يعرفكم بدون شك سوف
ينجبر للمشاركه والحضور معكم وعساكم فالوجود وبكل علمٍ غانم فايزين
والمعذره ان قصرنا في تواجدنا معكم

		المشاركة الأصلية بواسطة : جزل البيان اقتباس
	صح السانك وسلم بنانك اخوي عواض الشلوي وبيض الله وجهك على هالدره الفريه لاهنت ولاهان غاليك تحياتي لشخصك الكريم

ياهلا ومرحبا حياك الله اخوي جزل البيان

وصح بدنك والله يسلمك

اسعدتني بحضورك وشرفتني بتواجدك

الله يعطيك العافيه ولايهينك

صح لسانك ياخوي عواض الشلوي..

بيض الله وجهك..

صح لسانك ياعواض شاعر ومافيك حيله
بس لاتنسى من قصائدك شيئ هاتها هنا كلها طال عمرك
نحن بنتظار جديدك

		المشاركة الأصلية بواسطة : بادي الحارثي اقتباس
	صح لسانك ياخوي عواض الشلوي.. بيض الله وجهك..

هلا ومرحبا اخوي بادي الحارثي

صح بدنك ووجهك ابيض ياطويل العمر

اسعدني حضورك وشرفتني بتواجدك

الرائع الله يبارك فيك

تقبل شكري وتقدير

		المشاركة الأصلية بواسطة : الغريق اقتباس
	صح لسانك ياعواض شاعر ومافيك حيله بس لاتنسى من قصائدك شيئ هاتها هنا كلها طال عمرك نحن بنتظار جديدك

هلا ومرحبا اخوي الغريق

صح بدنك ياطويل العمر وابشر باللي نقدر عليه طلاباتك اوامر

اسعدني حضورك وشرفتني بتواجدك الرائع بارك الله فيك

تقبل شكري وتقدير

صح لسانك وبيض الله
وجهك شاعر ولافيك حيله