مرثيــه في ولي العهد رحمة الله عليه.!

بســم الله الرحمــن الرحيــــم
(السلام عليكــم ورحمــة الله وبــركـــاته)
هـــذه القصيدهـ مرثيــه فــي ولــي العهـــد سمــو الامــير نــايف بـن عبدالعزيز
(رحمــة الله عليــه)
للشـــاعر مطــلق دوخي الحارثــي..

يالله انا طالبك تستر لنـا الحال=واطلبك انا يالله في كل عـامي
جـانا خبر من قوته قلت زلازل=وسط النهار وكل شي ظلامي
من يوم قالوا نايف الضلع ينهال=صار البلد مابين ضيق وزحامي
وامشي وكني جيت في بحر الاهوال=ولو باتكلم محد(ن) يسمع كلامي
يقولون شي مابيطرى على البال=من يسمعه ماظن يقدر ينامي
علم(ن)يروع جيل مع دربه اجيال=يقولون نجم سهيل وسط العدامي
قوة ذهول الناس اقفاي واقبال=وكلن يقول اخاف يؤخذ حلالي
قالو حمل كبر الجبل كيف ينشال=وجاله جملنا الي كبير السنامي
نايف لنا بين الدول مضرب امثال=من هيبته كلن يرد السلامي
وقف مليك(ن) نظرته جل وجلال= مخاطبن شعبه بكل احترامي
قال اصبرو غير الجبل عندي اجبال=سلمان فـاولهم رفيع المقامي
وقام الشعر يطري على كل رجال =وكلن يصخرله بيوت(ن)عظامي
سلمان في صعب المواقيف حلال=يمشي في شرع الله وزين النظامي
خمسين عام في خدمة الشعب مازال=ويساعد الي صار جيعان ضامي
وختامها صلو عدد وبل همال=على رسول الله شرقن وشامي

(وسلامتكــم)

شكراً أخوي على النقل

ويسلمك ربي

وصح لسان الشاعر مطلق الحارثي

ونعم بالشاعر والناقل ويستحق منا
المرحوم بإذن الله الأمير نايف الدعاء والرثاء
الله يرحمه ويغفرله

مليون شكرا لهذا النقل

للمرثية الصادقة

وصح لسان قايلها

تقبل مروري

اخوي/النشمي الحارثي
بيض الله وجهك ومشكور على النقل المميز
تقبل تحياتي

بيض الله وجهك يالنشمي على نقل القصيدة

وصح لسان مطلق بن دوخي ورحم الله الامير نايف

حساك الله أخي النشمي
وصح لسان الشاعر مطلق
ورحم الله الأمير نايف
وأسكنه فسيح جناته

النشمي تسلم يمينك على النقل

وصح لسان شاعرها دوخي
وسلم بوحه
والله يرحم اموات المسلمين
دمتم
بخير

صح لسان الشاعر

الف شكرأخوي على النقل المميز

ورحم الله فقيد الوطن الأمير نائف بن عبد العزيز

وجميع أموات المسلمين

تقديري لكم

قال اصبرو غير الجبل عندي اجبال
سلمان فاولهم رفيع المقامي
الله يرحمه ويطول في عمر ابو متعب ولايغير علينا ويرزقهم البطانه الصالحه ويوفقهم لما فيهم صالح الاسلام والمسلمين وصح لسان الشاعر مطلق بن دوخي عليه هالقصيده الجزله
تقبل تحياتي,,,