المواجهة بين أمير القوافي ووحي الألم

يـ حلات هـ الموضوع ويـ حلات ردّته لنا

معزوفة الإبداع أهلاً بعودة موضوعك

وأهلاً بـ اشراقتك من جديد

وأهلاً بضيوفك وضيوفنا أيضاً

منذ مبطي عن المواجهات
الف شكر مشرفتنا معزوفة
وحيا الله عمالقة الشعر
<< متابعة
بالتوفيق للجميع

ضيُوف من العيَار الثقيلْ : )
أحسنتِ معزوفة الجمَال على الإختيَار ’

أحضرت كُرسيّا وَ شمسيّة .. وَ بإنتظار بداية المواجهة
دمتم بخير ’

السلام عليكم ورحمة الله وبركاته

واسعد الله اوقاتكم بكل خير ورضا ومحبه

اعتذر لكم جميعاً عن التاخير ..ولكن للظروف احكام

حياك ربي يامعزوفة الرحيل انتي وموضوعك المميز

ومما زادني سعاده ان المواجه ستكون بيني وبين اخي الرائع الشاعر وحي الالم

وحي الالم ..اقلط جاي
.
.
اول شي ..رد على هالابيات وحل اللغز اللي فيها
.
.

يامرحبا مليون ياوحي الجزاله والقصيد=يالصاحب اللي ماتراخت فالليالي هامته
الاوله بنشدك عن شيٍ يزيدك بالمزيد=يشعفك ويكيفك لاصارت هجوسك صامته
حرارته تعطيك جوك لين ماتبقى سعيد=وبواخره مافيه مترٍ فالبحر ماعامته
تعيش بعده جو لو انك على الدنيا وحيد=وتزعل على وقت الدفاء ليه الخلايق نامته
دهنه وزيته جربه من شان ترجع من جديد=وانته ذكي والعلم مايخفاك مع علامته
والثانيه هات الردود اللي تغطي بدع عيد=الشاعر اللي مع مرور الوقت تعلى قامته

.
.
عيد الشدادي

.
.
عندك ياساير

سعيدين بك معزوفة الرحيل وبالفارسين المتميزين المختارين ........

نتمنى أن تكون مواجهة قمة في الإثارة والتميز والإبداع ........


أشكرك على المبادرة ولك أرق التحايا ..........

المواجهة من العيار الثقيل
وما ننتظره من الشاعرين أكبر بكبير
من الاثارة والقوة
لما لهما من نشاط وتواجد ملفت
وحضور وقوة شعرية

بالتوفيق للجميع

هلا والله بعيد


توي شفت مشاركتك


انتظرني باكر اول آخر الليله لأني والله مشغول بموضوع انت عارفه


تحياتي

هاك الرد يالغربي والكوره في ملعبك

تبقى مرور الوقت يالغربي عسى عمرك مديد=يالصاحب اللي ماجهلت أسمه ولا شهامته
إن كان تنشدني عن إحساسك لا منّ أصبح فريد=أقول لك ميه ميه وأنا معك في رامته
العود الازرق ياولد شداد يعطيك المزيد=طنخة ورفعة راس مع كرامته
قدر الرجال اللي تدوّر له وتطلب هل مزيد=وانته كفو ياعيد تكرمها بطيب أولامته
هذا سبب ماقادني للحل يالفكر السديد=والرجل مايلبس عقال ألاّ يشد عمامته
هاك الوفا وأنا الوفا طبعي ولي راسٍ عنيد=وراسك عسى تبطي به الدنيا على سلامته
أنشدك عن رجال يعطيك الخبر وهو حديد=وبنات حوا كلهن يخفقن مع وسامته

		المشاركة الأصلية بواسطة : وحي الألم اقتباس
	هاك الرد يالغربي والكوره في ملعبك تبقى مرور الوقت يالغربي عسى عمرك مديد=يالصاحب اللي ماجهلت أسمه ولا شهامته إن كان تنشدني عن إحساسك لا منّ أصبح فريد=أقول لك ميه ميه وأنا معك في رامته العود الازرق ياولد شداد يعطيك المزيد=طنخة ورفعة راس مع كرامته قدر الرجال اللي تدوّر له وتطلب هل مزيد=وانته كفو ياعيد تكرمها بطيب أولامته هذا سبب ماقادني للحل يالفكر السديد=والرجل مايلبس عقال ألاّ يشد عمامته هاك الوفا وأنا الوفا طبعي ولي راسٍ عنيد=وراسك عسى تبطي به الدنيا على سلامته أنشدك عن رجال يعطيك الخبر وهو حديد=وبنات حوا كلهن يخفقن مع وسامته

صح لسانك ياساير
.
.
س _ متى يخفق قلب وحي الالم ؟