مشكلة الإعجاب المثلي بين الجنسين

بداية ارحب بكم ياشيخ في هذا الحوار المبارك نفع الله بك
فعلا شيء محزن ومخيف ما نراه من انحرافات دخيله على مجتمعنا الإسلامي
واتسال كثيرا ياشيخ من المسؤول عن ضياع شباب المسلمين
وعلى من تقع المسؤوليه التامه في زمن تعددت فيه مصادر التربيه من منزل يخلو من القدوه الحسنه تسكنه اجساد بلا ارواح الى إعلام هابط يسوق للرذيله والإنحطاط لكسب المال ثم صحبه فاشله .
والنهايه انحرافات خلقيه وجيل غير واعي تسيطر عليه شهواته
يتبادر الى ذهني قول الرسول صلى الله عليه وسلم ان في الجسد مضغه اذا صلحت صلح الجسد كله واذا فسدت فسد الجسد كله الا وهي القلب .
وما العشق الا حاله من ضمن حالات المرض المستشري في جسم الأمه حتى اصبح الجسم كله معتل . وشفائه لن يكون الا برجوعه الى دين الله قلبا وقالبا بدايه من الأسره التي تبني قواعد وأساسات على منهج كتاب الله وسنة رسوله
نسأل الله للجميع التوفيق ونسأله سبحانه صلاح النيه والذريه

و عليكم السلآم و رحمة الله و بركآته .,
و أهلا ً و سهلا ً بِكـ أيهآ الشيخ القدير .,
موضـوعـكـ مُنتشر بِـ شكل فظـيع ..!!

سـ أتحدث عن موآقف أولا ً ..!!



- بنت تزآعلت هيّ و خوّيتهآ و قرروا يفترقوا ( ما نآسبوا بعض ) ..!!
قلت لهآ : يلآ كويّس ... لآ عآد تخآوين مرّهـ .. هذآ إنت ِ شفتي البلآ الليّ من ورآهـ ..,
بعد أسبوع لقيتهآ مخآويّه و قآلت : و الله ما قِدرت أصبر ..!!



- مُضآربة بين بنآت ليش تطآلعين لـ حبيبتي ..!!
مُضآربة أخرى بـ السكآكين .. ليش تقولين لـ خوّيتي كِذآ ..!!



- ما يحدث بين الزوجين .. يحدث بينهنّ ..!!



- أنتشر .. أنتشر .. أنتشر ..
قآلت لي : إنت ِ حقت بنآت ..؟
قلت : لآ طبعا ً .. أستغفر الله وش مريضه شآيفتني ..؟!
قآلت : آآها .. أكيد حقت شبآب ..!!
قلت : إنت ِ صآحيه ؟!.. طبعا ً لآ .. من هُمّ محآرمي ..؟!
قآلت : كيف عآيشه ..؟!
قلت : زيّ منتي شآيفة و مرتآحه الحمدلله ..!!


.,.






من اللي قلته , أقول لكـ الأسبآب ..

وصلت التفآهه فيهم لـ الذورة ..!!
ما فيه خوف من الله << كلمة عظيمه ..!!
يهتزّ العرش و تقول لهم ترآ هـ العمل يهتزّ له العرش , و كآنكـ تكلّم جِدآر ..!!
صآرت فكرة إنّهم يشوفوا إنّ الحبّ بين الولد و البنت يعني رآفضينه الجميع ..
قآلوا : نروح لـ البنت و نلآقي منهآ أكثر من الولد .. يعني يتقآبلوا كثير و لآحد بـ يشكّـ ..!!
هذول ما يعقلّهم إلا ّ درس يصير لهم من هـ العِلآقآت ..!!




- فتآة تخبرنآ عن فتآة أخرى : زوجهآ من الأيآم الأولى و هو ينآدي صديقه لـ البيت ..
من الأيّآم اللي المفروض ما يبغى غير زوجته ..!!
إلى يوم و الله نسيت كيف الله كشفهم لهآ ..
لقيت زوجهآ و صديقه مع بعض .. يفعلون أمور الزوجين ..!!



- رأيت بـ عيني .. في الثآنويه .. بنت مِملكة مخآويه بنت .. تطيح عندهآ ..!!
و تقول هـ اللي على وجه زوآج : و الله زوجي يوم يلمسني .. ما أحسّ بـ شيء ..!!
لكن يوم هي تلمسني .. أحسّ بـ كلّ شيء ..!!




( أخذ الله متعة الحلآل , لأنّهآ أستمتعت بـ الحرآم )





أعوذ بالله ..!!
و الله يحمينآ ..,




أشكركـ شيخي , و تقبّل حضوري .,
دمـتـ بخير .,

.
,
.

السلام عليكم ورحمة الله وبركاته


حياك الله ياشيخ

ماني متكلم بلغه فلسفيه وكلام غبر مباشر برموز و وببتعد عن الفصحى

لازم بالعاميه نكون على بلاطه ""

اول شي بقولك عن الاسباب التي تدفع الرجل بأن يصبح كالمراءه ويرضى على نفسه الفاحشه

طبعا اكيد من الاسباب الجوهرية ضعف الدين و الدين ممن يتعلم من مجتمعين بالحياة


المدرسة و البيت

ومشكلتنا ان الاهل صاروا يعتبرون المدرسة مكان مقدس لا تحصل فيه الكبائر و الذنوب

وين الولد

الولد بالمدرسة ماعليه خوف


وهذا بلا ابوك ياعقاب

(( تهيت )) بالمدرسة لا حسيب و لا رقيب

لايدرون مع من يمشي ولا مع من راح

اصلا مايدرون لو داوم ولا لا

لو تساله من خويا ولدك

بيقولك وراعين كبره انا وش عرفني فيهم

يا يقولها لأنه غير مهتم وغير مبالي او انه يفكر ان عيال الحاره مثلهم عيال الحارة ايام زمانه

طبعا رجع الولد للبيت محمل بأفكار ماتعود يشوفها ببيتهم

نفسسسسسسسسسسه يموت ويتقطع يحكي عنها

ويقول رائيه فيها

والمستمع

الاب لو سمعه يقول هالهرج ساو به بلاط البيت

الام ان شافت فكر غريب في ولدها قامت تصيح وتقول ولدي تغير علي

و إذا كان في اخ كبير قام مقام الوالد توك صغير ولا اشوفك تتكلم على شغلات اكبر منك


شغلات اكبر مني

شغلات اكبر مني

شغلات اكبر مني


تدور بمخ الولد وتحوم

يطلع للشارع

يقابل فلان خوييه والوضع شبابي وفله على قولتهم

يسأله يافلان وش هالشي

والشعب السعودي والله الحمد عندهم جميعهم علم

ما تسأله في اي شغله الا افتاك

طبعا يقول له فلان من الناس وش هالشغله و على لسانه يأخذ الولد الشغله

ويتثقف بهالثقافه عن طريق فلان

نجي لفلان من الناس هذا

وامانة فلان هذا

لا شاف الولد مزيون و وسيم

تعال يابو من قال انك صغير انت كبرت

تعال

سووو كذا وصلح كذا

واي شي تبي تقوله لي حياك باي وقت لا تستحي ولا تسأل غيري لانهم بيضحكوا عليك لأنك ماتعرف هاشغلات

طبعا الولد

يصير كل مشكله كل شغله صار فيها

يروح لأبوه لأخوه لا

بيروح عن مركز الافتاء الخاص فيه

ويصير فلان من الناس يعرف كل اسرار الولد والولد مرتاح نفسيا له

لأنه هو الوحيد الي يسمع له

وبعد مايجمع كم كبير من اسرار الولد

ومشاكله الي يحاول يعقدها له اكثر ممن ي متعقده

يصير هو ماسك الولد مع يده الي تعوره

يايجي بالطيب عن طريق انه يرفع بالولد

انت كبرت والشغله هذي مافيها شي واذا قال لا

قال ما ظنيتك ورع لها الدرجه


اذا شاف ان الولد عنده اخلاق تمنعه

قال ترا تيك وكيت اعرف عنك

وكل الامر عند ابوك بيكون بالتفصيل الممل

وقت ما يفكر الولد في أبوه وش ممكن يصلح فيه

يضعف ويستسلم للفلان من الناس

يفعل فيه مايشاء

على اساس انها لمره واحده

وعندما يقع للمره الاولى اقولك بعدها

لامناااااااااااص من انه يفتك من حبال فلان من الناس الي لفها عليه

لو رجعنا ورا قليل لو يوم الشغلات هذي طرات في بال الولد

وسأل الولد ابوه عنها وجوابه جواب كامل عنها

بثقافه خالية من الشذوذ وعلمه وش الصح وش الغلط

كان ما حتاج الولد يسال فلان من الناس


بالعربي تتلخص مشاكل الشذوذ

في عدم قدرة إعطاء الاهل و المدرسة ثقافه جنسية صحيحة للأبناء

يتركونهم عرضه لثقافات الشارع الذي

تتنتشر فيها افكار الذين لا يخافون الله

وعدم استماع الاهل

لابنائهم و بناتهم


لايستمعون لمشاكلهم وهموهم

رغباتهم و افكارهم

يجعلهم يبحثون عن آذان مصغيه لهم

طبعا بحكم مجتمعنا ودينا يحرم الاختلاط

فاالولد مايحصل الا ولد

والبنت ماتحصل الا بنت


وربما تتعلق القلوب بمن تصغي إليها فعندها يقع المحظور

اسف على الاطالة بس احببت اذكر نقاط لم تذكر

ويارب نقضي على هالظاهرة والله يحمي مجتمعنا منها .


إحساس واثق

السلطان
القائد الاعلى للمنتدى مرورك اسعدنى وفى انتظار تعليقك

شجون
بارك الله فيك وفى طرحك الرااائع والمفيد احسنت فى طرح المشكله وحلولها
الامير العربى
احسنت التوعيه مطلوبه وخاصه للمدارس للجنسين

رعد الجبوب
نعم البعض يستمر معه العشق حتى بعد الزوج وكثيرا من الاتصالات الى تاتينى يشكون حب المردان بعد الزوج الله المستعان
ترف
الخص كلامك على نقطتين
الفراغ العاطفى
والنصح والارشاد
يقول احدهم يعلم الله هذا ليس بحب إنما هو مرض وهيجان ،،
نسأل الله أن يجيرنا منه ولايذيقنا إيه أبد ،،
أعجب وربي أشد العجب من رجل يحب رجل ، وفتاة تحب فتاة ،
لماذا الأنتكاس في الفطرة والله المستعان ،،
والله لم نعهدها من قبل ،،
لم أسمعها إلا في قوم لوط عليه السلام ،،
وأرها منتشرة بين ابناء المسلمين والله المستعان
وأرى هذا الشيء انتشر للأسباب التالية :
- ضعف الوزاع الديني
- قلة الترابية وعدم مراقبته ونصحه من قبل الوالدين ،،
- انتشار الفضائيات المسمومه والبلوتوثات الخطيرة ---الخ

الوليد
مرورك اسعدنى بارك الله فيك

السلااااام عليكم

موضوع قيم ونقطة نقاش حساسة!

في نظري ان هذا ابتلاء من ربنا سبحانه وتعالى!
والله يشهد انه اخطر واعظم من هالامراض المنتشرة هالايام!

هذي مب بس مشكله ..!!!
هذي مصيبة أضحت منتشرة بشكل مأساوي في مجتمعاتنا الاسلامية والعربية للاسف!!
تلاحظها عينك عينك بالمدارس والجامعات والكليات!!
غير طبعا اللي فرحانين بأنفسهم يتمشون بالمولات ومراكز التسوق!
فعلا مب قادرة اتخيل انه بنت تعجب ببنت او ولد يعجب بولد!
امر مخالف للمنطق ولطبيعة النفس البشرية ... اعوذ بالله!



في نظري...
أن التربية ودور الوالدين الحازم في متابعة اخلاق وتصرفات ابنائهم له دور كبير جدااااا في الحد من هالظاهرة المأساوية!!
للاسف في عائلات تحبذ التصرفات الصبيانية في بناتهم ويشجعونهم على ذلك!!
وقد رأيت ذلك مرأى العين!!!!
أب وبنته يمشون بالشارع شايلة الاغراض فوق راسها بطريقة صبيانية غبية!!
وهو مستانس عليها!
بنته مسترجلة ولها صاحبات!
وهو يقول عادي احلى تسترجل ولا تصاحب شاب ويقص عليها!!!!
شو هالتفكير الناقص!!!!!


الأهل لهم دووور كبيييير
ودور المدرسة والدراسة الاسلامية مهم جداً...
اللي ترتبيته صحيحة وسليمة وايمانه راسخ ثابت عمره ما راح يفكر بالانحراف!


الله يعينا ويهدي كل شباب هالامة..
ويوفقنا في تربية عيالنا ونصحهم وزرع ثوابت الدين فيهم .. اللهم آمين


يعطيك العافيه يا شيخ بو غازي
نقطة نقاش قيمة
بارك الله فيك

بسم الله الرحمن الرحيم

انا الابتعاد عن رحمة الله هي ماتتيح للشيطان انا يلعب بهذا القلب الضعيف فصار الشاب يعجب بشاب والفتاة بالفتاه لو كان في قلوبهم مثقال ذره من الايمان ومخافة الله لعرفوا معنا الحق والثاني والمشكله والغافلين عن ابنائهم الاب ولام لهم السبب الثاني لهذا الامر من ناحية دلع وضياع وانفتاح وتقيد بامور غير الاسلام والدشوش والانترنت والوسائل التي تصب عليهم مما هب ودب والله اني ارى عائلات تدلع ابنائها اكثر من بناتها حتى يصير انعم البنت والله ياعالم انها مصيبه ولن اطيل لانه كثر الله خيري اني طلعت هذا الكلام وعبرت بما يمليه علي نفسي وشكرا للجميع .
وتقبلوا تحياتي

السلام عليكم ورحمة الله وبركـاته ال

مرحبا فيكـ أخي أبو غازي يعلم الله أننا نحبكـ في الله لأنكـ أحببتنــا كذلكـ والدليـل بين أيدينا هاأنت تطرح هــذا الموضوع الخطير بين ايدينـا ولربمـا غفل عنـه الأهل والمدرسة والشخص نفسـه

والله إنه من المحزن أن نرى هـؤلاء (( شياطين الإنس )) ينتشرون بين الأبنـاء
الآن سمعت عن النظـام الجديد بالتعليم اللي ينص على أنه اللي رسب واجد يعني عمرهـ تعدى اللي بصفه باأربع سنوات إجباري يحول ليلي ويمكن يفيدونا فيهـا الأخوان المعلمين جزاهم الله خير
مثل هؤلاء هم من يلعبون بعقول الشباب الذين لم يكملوا نضوج العقل فترسخ هذهـ العادهـ السيئة والمحرمة والعياذ بالله في ذهن الشخص
هنــاكـ من وصل عمرهـ الأربعين وهو متزوج ولكن لازال يمارسها مع صاحبه والعيـاذ بالله
وكذلك البنـات

لكن النقطة المحورية التي نبحث عنهـا الأسباب ( لنتجنبها ) العلاج ( لنحاول أن نصلح من حولنـا )
الأسباب معظمها كما ذكر الأخوان والأخوات من التربية ومن المدرسة ومن النفس ذاتها إذا لم تعود على التهذب مع الله ومع الآخرين لن تتهذب مع الفسق والشذوذ

الله الله بالصحبة الصالحة والتي تحث على الخير والإنسـان المبتلى الله الله بالعزيمة الصادقة لتركـ كل هذهـ الأمور لوجه الله عز وجل من ترك شيئا لله عوضه الله بأحسن منه
:chkmk_ant:chkmk_ant:chkmk_ant

هـذا والله أعلم وصلى الله وسلم على نبينـا محمد وعلى آله وصحبهـ أجمعيــن

أستغفر الله العظيم
أستغفر الله العظيم
أستغفر الله العظيم
أستغفر الله العظيم
أستغفر الله العظيم


والله أن القلب ينفطر
لرؤية هذه الممارسات
التي تحصل بين الآوادم
قبل لا نكون مسلمين ونخاف ربنا عز وجل

الله أكرمنا بعقول تميزنا عن الحيوانات - أكرمكم الله -
ومع ذلك لا تفعل هذه الأفعال الشنيعة والشاذة



والله أن النفس لتطيب من كل شيء
عندما نرى هذه الحركات المقززة تحدث بيننا وبشكل كبير


الحل :
- عدم التهاون في حدود الله وأداء القصاص فوراً
- وضع منشور أعلاني لمن قاموا بهذه الأفعال الشاذة
بعد تنفيذ أحكام الله بهم
لكي يكونوا عبرة لغيرهم




أبو غازي
أول الغيث قطرة
وننتظر البقية بفارغ الصبر

حياَك الله أخوي أبو غازي في منتدى

أخوانك الشــدادين ..,

بـ النسبة لموضوعك صراحه مهم وضاهره منتشره في بلادنا

بنسبة كبيره عكس جميع الدول ,, الله يكفينا الشر

قال أيش قال وليفي وما أقدر أستغني عنه

أعوذ با الله من هـ النوعيه من الناس

أنا أتوقع أن ما في حل لها الضاهره الا تشديد العقوبه

على من يقوم بمثل هذه الامور .,

يا كم واحد باع صاحبه على شان ... وليفه

ياكم واحد باع أخاه وولد عمه على شان .. وليفه

ياكم واحد فعل المحرمات والخطريات على شان .. وليفه

لاَحول ولاَ قوة إلاَ با الله عادة قذره والعياَذ با الله

لي رجعه لـ هذا الموضوع .. شكراً يا أبو غازي ..!