الوقت يمضي

يقول من نفسه معيفه وهايبة =لوماالأمل باللي جزيله وهايبه
ذكرخاطري ماقد مضى له وماجرى=وقت مضى يصعب علينا حسايبه
عدا عليه في زماني من العبر=مايتعب الكاتب ويكسركتايبه
مضى لنا وياكثرمامضى لنا=عسى لنا في مقبل الوقت صايبه
يوم كدرواخرتزايد حلاوته=واخر نخايل هلته في سحايبه
مشيت بر وغبة البحرخضتها=وصارعت وقت كايدات مصايبه
وشفت البشر تمشي ولاهي بداريه=والعيش يخدعهم بكثرة اطايبه
يتلون برق لو لمع حيل ما نفع=وبله تقفاه العجاج وهبايبه
الرجل طرد المال همه وغايته=والنفس في لذات الايام سايبه
يجهد ويكدح والبنا يتبع البنا=ماحسب ليوم تفاجيه نايبه
يحسب هنا الدنيا دوام لمن حرص=مايدري ان الوقت مااسرع عقايبه
ياتابع الدنيا تراها غروره=وكم من شكيل قبلك ارست نصايبه
فيده من امواله مترخام لوكسب=وممكن عليه يجود فيها قرايبه
رغم ان ماله لوجمع صعب ينحصي=لكن دونه ضنوة ابليس لايبه
هدوا بنا ه وشالوا انشور ثروته=وتعبه درك ماله خلف في تعايبه
لانه لهث لين انقطع فيه منسمه=يجمع لغيره ياخسارة كسايبه
واللي ورثها ماتعب حين جمعها=ولا ظنتي بيحط للعود ثايبه
مادام عود الشر ماجاد من يده=وشلون يكرم من هذا في نسايبه
يامنخدع في طولت الوقت والمنى=اغنم زمانك لاتفاجيك غايبه
سدد وقارب والخطى تتبع الخطى=والدين قم به واجتهد في طلايبه
ترى القدرماله نذيريحذرك=تحتاط قبل تجيك عجله حرايبه
يقوله اللي ذاق لوعات دنيته=ونفسه تقطع لاتذكر حبايبه
عاش القسى وقت الرخا مااسرع انقضى=روحه من الصكات في الحزن ذايبه
تبع بهارج دنيته وانفتن بها=ولفت عليه حبال تقصد نشايبه
خلته يمشي منجم مادرى بها=يتبع امل دنيا للاوهام جايبه
يادنية الافلاس يادنية الفنا=كم ضاع راجي طمعة فيك خايبه
ياسامع قافي من القاف خذ عبر=الوقت يمضي مسرعات ركايبه

صح لسانك ياسلطان الشعر

وبيض الله وجهك

قصيده رائعه وجزله

سلمت ودمت يالغالي

تقبل مروري الغربي

صح لسانك اخوي الفاضل سلطان الشعر
قصيدة جزلة من شاعر جزل الله يعطيك العافية
وتقبل مروري وتحياتي

صح لسانك ولاهنت يابو عايض

قصيدة جميله وجزله من راس جزل

مودتي

الغربي
حضوروتواصل جميل اشكرك عليه

من رؤس بنيوس
تواصل طيب اشكرك عليه

الغالي عبدالله الشدادي
تواصل طيب اشكرك عليه

:؛:



صح لسانك وعلا شانك ..

ابدعت واجزلت ..

ماننحرم من تواصلك ..



:؛:

الاخت نجود
اشكرك على تواصلك

يا هلا والله بسلطان الشعر وشاعرنا الكبير

بعد كل هذا الغياب تأتينا بالهلالية الثانية هنا

بعد أن أتيت برائعتك الأولى هنا

http://www.shdadeen.com/vbq/showthread.php?t=6604

واليوم تكرر العطاء وتعطي بكل سخاء

فسلمت يد امتدت بكل هذا السخاء